بۇل باعىتتاعى قىزمەتتى قارجىلاندىرۋعا شامامەن 40 ملرد تەڭگە «قيك» يۇ» اق مەنشىكتى قاراجاتى مەن نارىقتىق تالاپتارعا سايكەس قارىزعا الىنعان قاراجات جۇمسالاتىن بولادى. سوندىقتان باعدارلامانى ىسكە اسىرۋ مەملەكەتتىك بيۋدجەتكە قوسىمشا سالماق سالمايدى. پاتەرلەر باستاپقى جارناسىز, 20 جىلعا دەيىن جالعا بەرىلەدى. تۇرعىن ءۇيدى كەز كەلگەن ۋاقىتتا جانە ايىپپۇل سانكتسيالارىن قولدانباستان مەرزىمىنەن بۇرىن ساتىپ الۋعا مۇمكىندىك بار. ەگەر كىرىس جەتكىلىكسىز بولسا كەپىلگەرلەردى تارتۋعا بولادى.
«پارلامەنت سەناتىنىڭ ءتوراعاسى داريعا نازارباەۆانىڭ ۇسىنىسى بويىنشا قازاقستان يپوتەكالىق كومپانياسى ءبىلىم بەرۋ جانە دەنساۋلىق ساقتاۋ سالاسىنىڭ قىزمەتكەرلەرىنە ارنالعان تۇرعىن ءۇيدى يپوتەكالىق نەسيەلەندىرۋ بويىنشا باعدارلاما ازىرلەدى. كومپانيامىز 2015 جىلدان بەرى ساتىپ الۋ قۇقىعىمەن جالعا بەرىلەتىن تۇرعىن ۇيلەر سالۋ مەن ساتىپ الۋدى قارجىلاندىرىپ كەلەدى. وسى كەزگە دەيىن ءبىز قازاقستان بويىنشا 18 مىڭنان استام وتباسىن تۇرعىن ۇيمەن قامتاماسىز ەتتىك. ءبىزدىڭ كومپانيانىڭ ءتاجىريبەسى وسى الەۋمەتتىك ماڭىزى بار جوبانى ناتيجەلى ىسكە اسىرۋعا مۇمكىندىك بەرەدى دەگەن سەنىمدەمىز», دەدى «قيك» يۇ» اق باسقارما توراعاسى ءادىل مۇحامەدجانوۆ.
ءبىلىم جانە عىلىم مينيسترلىگىنىڭ جاۋاپتى حاتشىسى ارىن ورساريەۆتىڭ ايتۋىنشا, قازىرگى ۋاقىتتا قازاقستاندا ءبىلىم سالاسىندا قىزمەت ەتەتىن 10 مىڭعا جۋىق ادام پاتەر كەزەگىندە تۇر. باعدارلاما بويىنشا الداعى ەكى جىلدا ولاردىڭ 1500-ءى تۇرعىن ۇيمەن قامتىلماق.
ال دەنساۋلىق ساقتاۋ مينيسترى ەلجان ءبىرتانوۆتىڭ سوزىنشە, بۇگىندە 15 مىڭ مەديتسينا قىزمەتكەرى باسپاناعا ءزارۋ. «قازاقستاندا مەديتسينا سالاسىندا ەڭبەك ەتەتىن 400 مىڭعا تارتا قىزمەتكەر بار. ونىڭ 15 مىڭنان استامى باسپاناعا مۇقتاج. مەموراندۋم نەگىزىندە 1,5 مىڭ مەديتسينالىق قىزمەتكەر جالعا بەرىلەتىن باسپانانى الاتىن بولادى. بۇل جۇمىستى ءارى قاراي جەرگىلىكتى اتقارۋشى ورگاندارمەن جالعاستىرامىز. مەنىڭ ويىمشا, وسى شارالار ارقىلى دارىگەر مەن مەيىربيكەلەردىڭ الەۋمەتتىك جاعدايى كوتەرىلەدى. بۇل تىكەلەي مەديتسينالىق قىزمەتتىڭ ساپاسىن كوتەرۋگە سەپتىگىن تيگىزەدى», دەدى مينيستر.
«مەموراندۋمعا قول قويىلدى. مينيسترلىكتەر ەندىگى كەزەكتە ءبىر-ەكى اپتانىڭ ىشىندە ءۇي كەزەگىندە تۇرعانداردىڭ ءتىزىمىن بەرۋى ءتيىس. مۇنان سوڭ ءبىز كەزەكتە تۇرعان مۇعالىمدەر مەن دارىگەرلەردىڭ تولەم قابىلەتىن تەكسەرەمىز. كەرەكتى قۇجاتتاردىڭ بارلىعى دايىن بولعاندا باعدارلامانى باستايمىز», دەگەن «قازاقستان يپوتەكالىق كومپانياسى» يۇ» اق اتقارۋشى ديرەكتورى ماقسات مەڭدىباەۆ الداعى 2-3 ايدا پاتەرلەردىڭ بەرىلە باستايتىنىن جەتكىزدى.
