بۇدان بۇرىن جوعارى وقۋ ورىندارىنىڭ ستۋدەنتتەرى اراسىندا سايلاۋ قۇقىعى جانە سايلاۋ پروتسەسى ماسەلەلەرى بويىنشا ۇلتتىق ۆيكتورينانىڭ ءبىرىنشى تۋرى وتكەنىن حاباردار ەتكەنبىز. ەندى مىنە, ورتالىق سايلاۋ كوميسسياسى سايلاۋ قۇقىعى مەن سايلاۋ پروتسەسى ماسەلەلەرى بويىنشا قازاقستاننىڭ جوعارى وقۋ ورىندارى ستۋدەنتتەرىنىڭ اراسىنداعى ۇلتتىق ۆيكتورينانىڭ ەكىنشى كەزەڭىن وتكىزدى. اتالعان ۆيكتورينا – مەملەكەتارالىق جوبانىڭ ۇلتتىق كەزەڭى جانە ونى ورتالىق سايلاۋ كوميسسياسى تاۋەلسىز مەملەكەتتەر دوستاستىعى ەلدەرى پارلامەنتارالىق اسسامبلەياسىنىڭ كەڭەسىمەن جانە دەموكراتيانى, پارلامەنتاريزمدى دامىتۋ جانە تمد پاا-عا قاتىسۋشى مەملەكەتتەر ازاماتتارىنىڭ سايلاۋ قۇقىقتارىن ساقتاۋ مونيتورينگىنىڭ حالىقارالىق ينستيتۋتىمەن بىرلەسە ۇيىمداستىرىپ وتىر.
جالپى, بۇل ءىس-شارا بولاشاق سايلاۋشىلاردىڭ قۇقىقتىق مادەنيەتىن ارتتىرۋ, ولاردىڭ بويىندا سايلاۋ قۇقىقتارىن سانالى تۇردە ىسكە اسىرا الۋ ءۇشىن ماشىقتارى مەن داعدىلارىن قالىپتاستىرىپ, ءبىلىمدەرىن جەتىلدىرۋ ماقساتىندا وتكىزىلەدى. ال ەكىنشى تۋردا ۇلتتىق قازىلار القاسى پىكىرتالاس وتكىزۋ داعدىلارىن باعالاۋ نەگىزىندە 10 ۇمىتكەردەن ءبىر جەڭىمپاز بەن ەكى جۇلدەگەردى انىقتادى. ءسويتىپ ءبىرىنشى ورىن قازاق-ورىس حالىقارالىق ۋنيۆەرسيتەتىنىڭ ستۋدەنتى (اقتوبە ق.) رومان ەسەنالينگە, ەكىنشى ورىن كاسپي قوعامدىق ۋنيۆەرسيتەتىنىڭ ستۋدەنتى (الماتى ق.) رۋسلان بۋكەنوۆكە جانە ءۇشىنشى ورىن ق.ا. ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ ستۋدەنتى (تۇركىستان ق.) گۇلناز سەرىكقاليەۆاعا بۇيىردى.
ەندى ۇلتتىق ۆيكتورينانىڭ شارتتارىنا سايكەس ءبىرىنشى ورىن العان جەڭىمپاز بيىلعى جىلدىڭ قىركۇيەگىندە تمد ەلدەرىنىڭ قۇراما كومانداسى ساپىندا سانكت-پەتەربۋرگ قالاسىندا وتەتىن حالىقارالىق عىلىمي پىكىرتالاستارعا قاتىسادى. ورتالىق سايلاۋ كوميسسياسىنىڭ حاتشىسى ءسابيلا مۇستافينا ءوزىنىڭ قۇتتىقتاۋ سوزىندە اتاپ وتكەندەي, جاستار جىلىندا وتكىزىلىپ وتىرعان ۆيكتورينادا ستۋدەنتتەردىڭ بەلسەندىلىك تانىتۋى – ءدال وسى سايلاۋ الدىنداعى كەزەڭدە ءبىزدىڭ جاس ۇرپاقتىڭ سايلاۋ پروتسەستەرىنە سانالى كوزقاراسى مەن سايلاۋ زاڭناماسىنا دەگەن قىزىعۋشىلىعىنىڭ ۇلگىسى.
قازىلار القاسىنىڭ قۇرامىنداعى ءبىلىم جانە عىلىم مينيسترلىگىنىڭ وكىلى ك.ءابۋوۆا, عىلىمي ساراپتاۋ قوعامداستىعىنان – م.نارىكباەۆ اتىنداعى قازمزۋ قىلمىستىق سوت تورەلىگى جانە عىلىمي-قۇقىقتىق ساراپتاۋ ماسەلەلەرى بويىنشا عىلىمي-زەرتتەۋ جوبالارىنىڭ جەتەكشىسى, زاڭ عىلىمدارىنىڭ دوكتورى, پروفەسسور م.قوعاموۆ, مەملەكەت تاريحى ينستيتۋتىنىڭ باس عىلىمي قىزمەتكەرى, زاڭ عىلىمدارىنىڭ كانديداتى, دوتسەنت ە.نۇرپەيىسوۆ ۆيكتورينانى باعالاپ, قورىتىندى شىعاردى.
