«حابارلاما بويىنشا وڭتۇستىك وڭىرلىك اەروۇتقىر جەدەل قۇتقارۋ جاساعىنىڭ 6 قۇتقارۋشىسى 2 بىرلىك تەحنيكامەن وقيعا ورنىنا باردى. ەر ادامنىڭ دەنەسىن سۋدان شىعاردى. بۇدان كەيىن مارقۇمنىڭ دەنەسى پوليتسيا قىزمەتكەرلەرىنە بەرىلدى», - دەيدى قىزىلوردا وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.
بەلگىلى بولعانداي بۇل ازامات 1958 جىلى دۇنيەگە كەلگەن قىزىلوردا قالاسىنىڭ تۇرعىنى ەكەن.
بۇگىنگى كۇنگە دەيىن قىزىلوردا وبلىسىندا 10-عا جۋىق ادام سۋعا كەتتى. ونىڭ جارتىسىنا جۋىعى بالالار. بىلتىر 22 ادامنىڭ سۋعا كەتكەن دەرەگى تىركەلگەن ەدى. ەندى شىلىڭگىر شىلدەنىڭ اپتابى باستالدى. كولگە تۇسۋشىلەر كوبەيەدى. وبلىستىق توتەنشە جاعدايلار دەپارتامەنتى ولارعا اباي بولۋ جاعدايىن ەسكەرتەدى.
