ونىڭ ايتۋىنشا, 2019 جىلعى 3 ماۋسىمدا ورتالىق سايلاۋ كوميسسياسىنا سىرتقى ىستەر مينيسترلىگىنەن ءتاۋەلسىز مەملەكەتتەر دوستاستىعىنان بايقاۋشىلار ميسسياسىنىڭ 11 بايقاۋشىسىن جانە ەقىق/ديقاب ميسسياسىنىڭ 2 بايقاۋشىسىن اككرەديتتەۋگە ۇسىنىس تۇسكەن.
سونىمەن قاتار 7 شەت مەملەكەتتەن: ۇلىبريتانيا, كىتاي, ءۇندىستان, پالەستينا, رەسەي فەدەراتسياسى, اقش, گرۋزيادان 33 بايقاۋشى ۇسىنىلعان كورىنەدى. ولاردىڭ ىشىندە ءۇندىستان مەن رەسەي فەدەراتسياسىنىڭ ورتالىق سايلاۋ ورگاندارى وكىلدەرى بار ەكەندىگىن اتاپ كورسەتكەن ءجون. وسىلايشا اتالعان وتىرىستا 46 بايقاۋشىنىڭ بارلىعى اككرەديتتەۋگە شىعارىلدى.
شەت مەملەكەتتەر مەن حالىقارالىق ۇيىمداردىڭ بايقاۋشىلارىن اككرەديتتەۋ 2019 جىلعى 12 ساۋىردە باستالدى جانە اككرەديتتەۋدى ورتالىق سايلاۋ كوميسسياسى كەشە 3 ماۋسىمدا ساعات 18.00-دە اياقتادى.
حالىقارالىق ۇيىمدار مەن شەت مەملەكەتتەردىڭ بايقاۋشىلارىن اككرەديتتەۋ ماسەلەسى وسك-نىڭ 6 وتىر-ىسىندا قارالدى. وسىلايشا, قازاقستان رەسپۋبليكاسى پرەزيدەنتىنىڭ سايلاۋىن بايقاۋ ءۇشىن 1013 بايقاۋشى اككرەديتتەلدى. ونىڭ ىشىندە 866 بايقاۋشى 9 حالىقارالىق ۇيىمنان جانە 147 بايقاۋشى 41 شەت مەملەكەتتەن.
«بايقاۋشىلاردىڭ جالپى سانىنىڭ 43-ءى شەت مەملەكەتتەردىڭ ورتالىق سايلاۋ ورگاندارىنىڭ وكىلدەرى بولىپ تابىلادى. سونىمەن قاتار بايقاۋشىلاردى جىبەرگەن مەملەكەتتەر 4 قۇرلىقتان: ەۋروپا, ازيا, سولتۇستىك امەريكا, وڭتۇستىك امەريكادان ۇسىنىلىپ وتىر», دەپ اياقتادى ءسوزىن ز. بايمولدينا.
سونىمەن قاتار ورتالىق سايلاۋ كوميسسياسى قازاقستان رەسپۋبليكاسى پرەزيدەنتتىگىنە كانديداتتاردىڭ شتابتارىنان كانديداتتاردىڭ بۇقارالىق اقپارات قۇرالدارىندا ءسوز سويلەۋى ءۇشىن مەملەكەت بولگەن رەسپۋبليكالىق بيۋدجەت قاراجاتىن پايدالانۋعا قاتىستى ماسەلە بويىنشا دا حاباردار ەتتى.
بۇقارالىق اقپارات قۇرالدارىندا ءسوز سويلەۋ ءۇشىن كانديداتتارعا قاراجات ءبولۋ كولەمدەرىن رەگلامەنتتەيتىن ورتسايلاۋكومنىڭ 2018 جىلعى 25 تامىزداعى №12/202 قاۋلىسىنىڭ 5-تارماعىنا سايكەس مەملەكەت كانديداتتارعا ءوز باعدارلامالارىمەن بۇقارالىق اقپارات قۇرالدارىندا ءسوز سويلەۋ ءۇشىن قاراجات ءبولۋدىڭ تەڭ كولەمدەرىنە كەپىلدىك بەرەدى. ماسەلەن, تەلەديداردا (تىكەلەي ەفيردە نەمەسە جازبادا) – 15 مينۋت, راديودا – 10 مينۋت جانە مەرزىمدى باسپا باسىلىمدارىندا نەمەسە جەلىلىك باسىلىمداردا جاريالاۋ ءۇشىن ەكى ماقالا 0,1 باسپا پاراقتان اسپاۋى ءتيىس.
جوعارىدا كورسەتىلگەن جاريا ەتۋ كولەمدەرىن قوسپاعاندا, تاراپتار وزدەرى جاساسقان شارتتار تالاپتارىندا ەركىن ەكەنىن ەسكەرە وتىرىپ, تەلەديداردا (تىكەلەي ەفيردە نەمەسە جازبادا) ءسوز سويلەۋدى ۇيىمداستىرۋ جونىندەگى قىزمەتتەرگە كانديداتتاردىڭ ءسوز سويلەۋىن شىعارۋ جانە تەلەديداردا ترانسلياتسيالاۋ جونىندەگى شىعىستار ەنگىزىلۋى مۇمكىن. بۇل رەتتە ءسوز ءسويلەۋگە ارنالعان سوما مەن كولەم ورتسايلاۋكوم بەلگىلەگەن كانديداتتىڭ بۇقارالىق اقپارات قۇرالدارىنداعى شىعىستارىنىڭ ءمولشەرلەرىنەن اسپاۋعا
