تاراپتار ەكىجاقتى قارىم-قاتىناستى, سونىڭ ىشىندە, پارلامەنتارالىق ىقپالداستىقتى دامىتۋدىڭ وزەكتى سۇراقتارىن تالقىلادى.
ءماجىلىس توراعاسى چەحيا قازاقستاننىڭ ەۋروپاداعى ماڭىزدى ارىپتەسى ەكەنىن العا تارتا كەلىپ, ەكى ەل اراسىندا بارلىق دەڭگەيدە بەلسەندى بايلانىس ورناعانىن اتاپ ءوتتى.
ول ەڭ الدىمەن, قازاقستاننىڭ تۇڭعىش پرەزيدەنتى نۇرسۇلتان نازارباەۆ پەن چەحيا رەسپۋبليكاسىنىڭ پرەزيدەنتى ميلوش زەماننىڭ بىرلەسكەن ەڭبەگىنىڭ جەمىسى.
ءماجىلىس توراعاسىنىڭ پىكىرىنشە, پارلامەنتارالىق ءوزارا ءىس-قيمىل ەكىجاقتى قاتىناستىڭ ماڭىزدى بولىگى بولعاندىقتان, تاراپتار اراداعى بايلانىستى تەرەڭدەتۋگە مۇددەلى. اسىرەسە, ەكونوميكانىڭ اگرارلىق جانە ونەركاسىپتىك سەكتورىن رەفورمالاۋ, دەنساۋلىق ساقتاۋ جۇيەسى, ءبىلىم تۋريزم سالاسىن دامىتۋ تەتىكتەرىن مەڭگەرۋ زور قىزىعۋشىلىق تۋدىرادى.
ءوز كەزەگىندە ەلشى مىرزا ءبىزدىڭ ەلىمىزدىڭ دامۋ قارقىنىنا جوعارى باعا بەرىپ, قازاقستاننىڭ دامۋ الەۋەتىنىڭ زور ەكەنىن اتاپ ءوتتى.
كەزدەسۋ بارىسىندا تاراپتار, ساياسي, ساۋدا-ەكونوميكالىق سۇراقتاردى جان-جاقتى نازارعا الدى.
ن. نىعماتۋلين 23-24 قىركۇيەكتە نۇر-سۇلتان قالاسىندا «ۇلكەن ەۋرازيا. ديالوگ. سەنىم. ارىپتەستىك» تاقىرىبىندا وتەتىن ەۋرازيا ەلدەرى پارلامەنتتەرى سپيكەرلەرىنىڭ IV كەڭەسىنە كوڭىل ءبولىپ, ماڭىزدى جيىنعا قاتىستى ماسەلەلەردى تالقىلادى.
