«وقۋ جىلىنىڭ اياقتالۋىنا وراي, بۇگىن مەكتەپ, كوللەدج ديرەكتورلارىمەن ارنايى ءمəجىلىس وتكىزدىم. وعان مەملەكەتتىك قىزمەت ىستەرى مەن سىبايلاس جەمقورلىققا قارسى ءىس-قيمىل دەپارتامەنتىنىڭ وكىلدەرى دە قاتىستى. مəجىلىستە وقۋلىق مəسەلەسىنەن باستاپ مەكتەپتەردە جوندەۋ جۇمىستارىن اتقارۋ مىندەتتەرى تالقىلاندى. الداعى ەمتيحان كەزەڭى مەن مەكتەپتەردەگى قارجى جيناۋ مəسەلەسى ءسوز بولدى.
قالا əكىمى عابيدوللا راحماتوللا ۇلىنىڭ تاپسىرماسىنا سəيكەس, شىمكەنتتە ءۇشىنشى جىل قاتارىنان مەكتەپتەردەگى اعىمداعى جوندەۋ جۇمىستارىنا بيۋدجەتتەن قارجى بولىنەدى. Əرينە, وقۋ جىلى اياقتالعان سوڭ, مەكتەپتەر بەلگىلى ءبىر دەڭگەيدە جوندەۋدى قاجەت ەتەدى. ءبىرىنىڭ دۋالىن سىرلاۋ كەرەك بولسا, ەندى ءبىرىنىڭ كافەلىن اۋىستىرۋ قاجەت. بيىل مەكتەپتەردى اعىمداعى جوندەۋدەن وتكىزۋگە 260 ملن تەڭگە قارالىپ وتىر. سوندىقتان مەن بارلىق اتا-انالارعا, مۇعالىمدەرگە, مەكتەپ ديرەكتورلارىنا رەسمي تۇردە مəلىمدەيمىن: شىمكەنت قالاسىندا قاندايدا ءبىر جەلەۋمەن بولماسىن, قوسىمشا قارجى جيناۋعا قاتاڭ تۇردە تىيىم سالىنعان.
ءبىز ءۇشىن باستى مəسەلە - ءبىلىم ساپاسىن ارتتىرۋ. ءبىز بۇگىنگى وقۋشىلارعا قانداي ءبىلىم بەرسەك, بولاشاق ماماندىق يەلەرى - دəرىگەرلەر, ءتəرتىپ ساقشىلارى, ءوندىرىس ماماندارى, مۇعالىمدەردىڭ قانداي بولاتىنى وزىمىزگە بايلانىستى بولىپ وتىر. سول سەبەپتى مۇعالىمدەردىڭ بىلىكتىلىگىن ارتتىرۋعا كوڭىل ءبولۋدى تاپسىردىم.
بۇگىن ءəربىر وقۋشى ءۇشىن جاۋاپتى كەزەڭ - ەمتيحان تاپسىرۋ ناۋقانى باستالعالى تۇر. مەن جاۋاپتى ماماندارعا بۇل كەزەڭدى شيەلەنىستىرمەي, قالىپتى جاعدايدا وتكىزۋدى جۇكتەدىم. مەكتەپ ءبىتىرۋشى تۇلەكتىڭ پسيحولوگيالىق احۋالى وقۋشىنىڭ ەمتيحان تاپسىرۋىنا كەدەرگى كەلتىرمەۋى قاجەت ەكەندىگىن ەسكەرتتىم.
جازعى ماۋسىم - بۇل بالالاردىڭ تىنىعۋى ءۇشىن تاماشا كەزەڭ. ال ءبىز وسى ۋاقىتتى ءتيىمدى پايدالانىپ, بالالارىمىزدىڭ جاڭا وقۋ جىلىندا ساپالى ءبىلىم الۋلارىنا جاعداي جاساۋىمىز قاجەت», - دەپ جازدى ق. نۇرتاي Instagram پاراقشاسىندا.
