وقيعا ورىن العان كۇنى شەكاراشى تۇنگى اۋىسىمنان شىققاننان كەيىن اۆتوكولىگىن جۋعا كول جاعاسىنا بارادى. وسى كەزدە كوپىر ۇستىنەن ەكى قىز بالانىڭ جان ۇشىرعان اششى ايعايىن ەستيدى. جالما-جان جۇگىرىپ كەلسە, ايەل مەن بالانىڭ سۋعا ءبىر باتىپ, ءبىر شىعىپ جۇرگەنىن كورەدى. ەش ويلانباستان سۋعا قويىپ كەتىپ ايەلدى سۋدان الىپ شىعادى. ىزىنشە كولگە قايتا سۇڭگىپ, سۋ استىنان بالانى تاۋىپ, جاعاعا الىپ شىعادى. ەس-ءتۇسسىز جاقتان بەس جاستاعى نۇرادىلگە جەدەل مەديتسينالىق كومەك كورسەتىپ, ەسىن جيعىزادى. سويتسە, كوپىردىڭ شىرىك تاقتايلارى وپىرىلىپ, بالا سۋعا قۇلاپ كەتكەن كورىنەدى. مالتۋ بىلمەيتىن شەشەسى ۇلىن قۇتقارماق بولعان.
ەرجۇرەك شەكاراشى انا مەن بالانى اۆتوكولىگىنە وتىرعىزىپ, مەديتسينالىق بەكەتكە دەيىن اكەلەدى.
سەرگەي گايداي انا مەن بالانى اجالدان قۇتقارعانىن ەرلىككە سانامايدى. مەنىڭ ورنىمداعى كەز كەلگەن ادام وسىنداي قارەكەتكە بارادى دەپ ەسەپتەيدى.
سولتۇستىك قازاقستان وبلىسى
