مەديتسينا • 01 ماۋسىم، 2019

ونكولوگيالىق جانە گەماتولوگيالىق كومەكتى جەتىلدىرۋ جونىندەگى كەڭەس ءوتتى

758 رەت كورسەتىلدى

الماتىداعى پەدياتريا جانە بالالار حيرۋرگياسى عىلىمي ورتالىعى پەدياتريانىڭ كوپتەگەن سالالارىنا جەتەكشىلىك ەتىپ، ۇيلەستىرۋ قىزمەتىن اتقارادى. بۇگىن پەدياتريا ورتالىعىندا «قازاقستان رەسپۋبليكاسىندا 2019-2021 جىلدارعا ارنالعان بالالارعا ونكولوگيالىق جانە گەماتولوگيالىق كومەكتى جەتىلدىرۋ جونىندەگى جول كارتاسىن» ىسكە اسىرۋ اياسىندا وڭىرلىك بالالار ونكولوگتار جانە گەماتولوگ مامانداردىڭ قاتىسۋىمەن جۇمىس كەڭەسى ءوتتى.

باسقوسۋعا رەسپۋبليكانىڭ بارلىق وبلىستارىنىڭ ونكو-گەماتولاگ دارىگەرلەرى قاتىستى.

كەڭەستە قاتەرلى ىسىككە شالدىققان بالالاردى ءدارى-دارمەكتەرمەن قامتۋ ماسەلەسى، گەموفيليامەن اۋىراتىن ناۋقاستاردىڭ قاننىڭ ۇيىعىشتىق فاكتورلارىمەن قامتاماسىز ەتىلۋى، سۇيەك كەمىگىن ترانسپلانتاتسيالاۋدان كەيىنگى تەراپيانى جۇرگىزۋدە پرەپاراتتارمەن قامتاماسىز ەتۋ جايى قارالدى. سونىمەن قاتار وڭىرلەردىڭ مەديتسينالىق ۇيىمدارىنداعى ونكولوگتار/گەماتولوگتار كابينەتتەرىنىڭ جۇمىسىن مونيتورينگىلەۋ ناتيجەلەرى، اتاپ ايتقاندا رەميسسياداعى ناۋقاستاردى جانە گەموفيلياعا شالدىققان ناۋقاستاردى ەسەپكە الۋ، ديناميكالىق قاراۋدى باقىلاۋ، دەمەۋشى تەراپيانىڭ جۇرگىزىلۋىن قاداعالاۋ  ماسەلەلەرى قارالدى.

پەدياتريا ورتالىعى جىل سايىن ايماقتارعا ونكولوگيالىق جانە گەماتولوگيالىق اۋرۋلاردى ەرتە دياگنوستيكالاۋ بويىنشا العاشقى مەديتسينالىق-سانيتارلىق كومەك دارىگەرلەرىنە ارنالعان وقىتۋ كۋرستارىن جۇرگىزىپ كەلەدى. بۇل جۇمىستاردىڭ ناتيجەسىندە I-II ساتىداعى قاتەرلى ىسىكتەر ەرتە انىقتالۋدا. قاتەرلى ىسىكپەن ناۋقاستانعان بالانىڭ تولىق ساۋىعۋى اۋرۋدىڭ ەرتە ساتىسىندا انىقتالۋىنا، مەديتسينالىق كومەكتىڭ ۋاقىتىلى كورسەتىلۋىنە بايلانىستى بولعاندىقتان وبلىستارداعى دارىگەرلەردىڭ بىلىكتىلىگىن ارتتىرۋ ورتالىقتىڭ باستى ماقساتى بولىپ وتىر.

«پەدياتريا جانە بالالار حيرۋرگياسى عىلىمي ورتالىعى ەلىمىزدەگى 2019-2021 جىلدارعا ارنالعان بالالارعا ونكولوگيالىق جانە گەماتولوگيالىق كومەكتى جەتىلدىرۋ جونىندەگى جول كارتاسىنىڭ ۇيلەستىرۋشى بولىپ تابىلادى. سوندىقتان ورتالىق ۇدايى ونكولوگيالىق جانە گەماتولوگيالىق اۋرۋلاردى ەرتە انىقتاۋ بويىنشا  وبلىستىق ماماندارعا وقىتۋ دارىستەرىن وتكىزىپ وتىرادى. جىل سايىن 300 دارىگەرلەردى وقىتساق، قازىرگى ۋاقىتتا جىلىنا 3 مىڭعا جۋىق دارىگەرلەردىڭ بىلىكتىلىگىن ارتتىرۋ مىندەتىن الدىمىزعا قويىپ وتىرمىز. باستى ماقساتىمىز – ەلىمىزدەگى ونكولوگيالىق جانە گەماتولوگيالىق كومەكتى جەتىلدىرۋ. قاتەرلى ىسىكتى العاشقى ساتىلارىندا انىقتاۋ جانە ەرتە ەم تاسىلدەرىن قولدانۋ تولىق ايىعۋدىڭ نەگىزگى جولى»، دەيدى باسقارما ءتورايىمىنىڭ عىلىمي-كلينيكالىق جانە يننوۆاتسيالىق جۇمىستارى جونىندەگى ورىنباسارى ليازات مانجۋوۆا.

شارا بارىسىندا ماسكەۋ قالاسى دەنساۋلىق ساقتاۋ باسقارماسىنىڭ موروزوۆ قالالىق كلينيكالىق بالالار اۋرۋحاناسىنىڭ دارىگەر-گەماتولوگى ۆ.پەتروۆتىڭ قاتىسۋىمەن بالالارداعى گەموفيليانى زاماناۋي دياگنوستيكالاۋ جانە ەمدەۋ ماسەلەسى بويىنشا وقىتۋ ءدارىسى ءوتتى.

سوڭعى جاڭالىقتار

وڭىردە دامۋ ءۇردىسى بار

ايماقتار • كەشە

تاڭدايدىڭ تارلانى

تاريح • كەشە

جوعالعان سولدات

تاريح • كەشە

دومبىرانى دارىپتەدى

رۋحانيات • كەشە

ۇقساس جاڭالىقتار