دەپۋتاتتار ساياسي قۋعىن-سۇرگىن قۇرباندارىن ەسكە الۋ كۇنى اقمول اۋىلىنداعى «قاسىرەت قاقپاسى» مونۋمەنتىنە گۇل شوقتارىن قويدى. پارلامەنتشىلەر «الاش», «الجير» زالدارىنا ەكسكۋرسيا جاسادى, «الجير-ءدىڭ ىزعارلى سۋىعى» دەرەكتى ءفيلمى كورسەتىلدى.
«بۇگىن ءبىز 20 عاسىرداعى قۋعىن-سۇرگىن قۇرباندارىن ازا تۇتىپ, ەسكە الامىز. بىراق ستاليندىك ز ۇلىمدىقتار جايلاعان اۋىر جىلدارداعى قازاق حالقىنىڭ ەڭ جاقسى قاسيەتتەرى تۋرالى دا ايتامىز. تۋعاندار ءبىر-ءبىرىن جوعالتقان, اجىراپ قالعان قيىن كەزەڭدە ءبىزدىڭ حالقىمىز قاتىگەز بولعان جوق, وزدەرىنىڭ ەڭ ۇزدىك ۇلتتىق ەرەكشەلىكتەرىن - قايىرىمدىلىقتى, ىنتىماقتى, قيىندىقتا كومەك قولىن سوزاتىن اسىل قاسيەتتەرىن ساقتاپ قالدى. عاسىرلار بويعى وزىنە ءتان دانالىعىن تانىتتى.
ءبىز بۇل كۇننىڭ ءمان-ماعىناسىن قازاقستاندىقتاردىڭ جاڭا بۋىنىنا مىندەتتى تۇردە ايتۋىمىز كەرەك. ءبىزدىڭ حالقىمىز باستان كەشكەن اۋىر سىناقتاردى ەسكە الۋ ءبىزدىڭ ۇلى يگىلىگىمىزدى - قازاقستاننىڭ تاۋەلسىزدىگىن ساقتاپ, باعالاۋعا تۇرتكى بولادى», - دەپ اتاپ ءوتتى سەنات توراعاسى.
