ايماقتار • 31 مامىر، 2019

شىمكەنت: جاستار ءماسليحاتىنا كانديداتتاردان قۇجات قابىلداۋ باستالادى

748 رەت كورسەتىلدى

شىمكەنتتە جاستار ءماسليحاتىنا كانديداتتاردان قۇجات قابىلداۋ باستالادى. وسىعان وراي ماسليحاتقا مۇشە بولعان ازاماتتار قالا جاستارىنىڭ وزەكتى ماسەلەلەرىن كوتەرىپ، ۇسىنىستار جولدايدى. جاستار ءماسليحاتىنا شىمكەنت قالاسىنىڭ اۋماعىندا تۇراتىن 14-28 جاس ارالىعىنداعى قازاقستان رەسپۋبليكاسىنىڭ ازاماتتارى مۇشە بولا الادى. جالپى، ءماسليحات 29 جاس دەپۋتاتتان قۇرالىپ، وكىلەتتىلىگى ەكى جىلعا سوزىلادى. بۇل تۋرالى شىمكەنت قالاسىنىڭ وتباسى، بالالار جانە جاستار ىستەرى جونىندەگى باسقارماسىنىڭ ماماندارى حابارلايدى.

جاستار ءماسليحاتىنا كىمدەر كانديداتۋراسىن ۇسىنا الادى؟ وعان قانداي قۇجاتتار قاجەت؟

1. كانديداتتاردان قۇجاتتاردى قابىلداۋ 3-12 ماۋسىم كۇندەرى ارالىعىندا جۇرەدى. بەلگىلەنگەن 10 كۇننىڭ ىشىندە تومەندەگى قۇجاتتار Google فورماسى ارقىلى قابىلدانادى:    
-كۋالىك;
-ءومىربايان;
-جەتىستىكتەرى;
-ەسسە;
-بەينەروليك;
-ۇسىنىم حات;     
-مەكەنجاي تۋرالى انىقتاما;

سونداي-اق سايلاۋ كوميسسياسى Instagram الەۋمەتتىك جەلىسىنىڭ @resurstyq_ortalyq پاراقشاسىندا كانديداتتاردىڭ بەينەروليكتەرىن جۇكتەيدى. ناتيجەسىندە بەينەروليك 2 000 ونلاين ءلۇپىل جيناۋى قاجەت. ەگەر ءتۇرلى سەبەپتەرگە بايلانىستى الەۋمەتتىك جەلىگە تىركەلمەگەن ازاماتتار بولسا، ولار 500-دەن اسا قول جيناۋ كەرەك.

2. ال 13-15 ماۋسىم كۇندەرى ۇمىتكەرلەرگە Telegram (t.me/jastarmaslihaty) الەۋمەتتىك جەلىسى ارقىلى داۋىس بەرىلەدى.

داۋىس بەرۋ ناتيجەسىندە جاستار ءماسليحاتىنا 29 دەپۋتات، ال رەزەرۆكە 11 دەپۋتات كوپشىلىك داۋىسپەن انىقتالادى. اتالعان ءتارتىپتىڭ زاڭدىلىعىن سايلاۋ كوميسسياسى قاداعالايدى.

شىمكەنت قالالىق جاستار ءماسليحاتىنا تىركەلۋ فورماسى 3 ماۋسىمدا جاريالانادى.

انىقتاما تەل: +7 701 381 2892

سوڭعى جاڭالىقتار

15169 ادام كوروناۆيرۋس جۇقتىردى

كوروناۆيرۋس • بۇگىن، 09:17

ۇقساس جاڭالىقتار