سۋرەتتى تۇسىرگەن بەكبولات قالەنوۆ
- اۋداندا جاس تالانتتاردى قولداۋ جۇيەلى جۇرگىزىلەدى. وتكەن جىلدىڭ وزىندە وقۋشىلار اراسىندا ءۇش مارتە اۋداندىق ايتىس ۇيىمداستىرىلدى. بۇگىنگى اقجايىق اۋداندىق ءبىلىم ءبولىمى جانە اۋداندىق بالالار شىعارماشىلىعى ورتالىعى ۇيىمداستىرعان بۇل سايىس تۇڭعىش پرەزيدەنت نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ», « ۇلى دالانىڭ جەتى قىرى» اتتى ماقالالارىنا ءۇن قوسۋ باعىتىندا وتكىزىلىپ وتىر, - دەيدى اقجايىق اۋدانى اكىمىنىڭ ورىنباسارى تىلەك عابدۋشەۆ.
بۇل جولعى سايىسقا جەرگىلىكتى وقۋشىلاردان بولەك كورشىلەس اتىراۋ وبلىسىنىڭ يندەر جانە قىزىلقوعا اۋداندارىنان, باتىس قازاقستان وبلىسىنىڭ ورال قالاسى, قاراتوبە, تەرەكتى اۋداندارىنان دا جاس اقىندار كەلىپ قاتىستى. ايتىسقا اقىن ۇزىلدىك ەلەۋبايقىزى, وبلىس اقىندارى اسەت بيسەنعاليەۆ, بولات وتەشوۆتەر تورەلىك ەتتى. اۋەلگى بەس جۇپ اقىننىڭ ايتىسىنان كەيىن ەكىنشى تۋرعا 4 اقىن – يندەرلىك ەرتاي كەڭەس پەن قاراتوبەلىك رايىمبەك وتەپوۆ, ورالدىق ءادىل احمەت پەن تەرەكتىلىك نۇردانا تەمىر ىرىكتەلىپ شىقتى.
فينالدىق باسەكەدە ورالدىق ءادىل احمەتوۆ باس جۇلدەگە لايىق دەپ تانىلدى. وعان بالالار شىعارماشىلىعى ورتالىعىنىڭ قوسىمشا ءبىلىم پەداگوگى, بەلگىلى شەبەر دوسجان بيجانوۆ ءوز قولىنان شىققان دومبىرانى سىيعا تارتتى. ءى ورىن – تەرەكتىلىك نۇردانا تەمىرگە, ءىى ورىن – قاراتوبەلىك رايىمبەك وتەپوۆكە, ءىىى ورىن – اتىراۋ وبلىسى يندەر اۋدانىنان كەلگەن ەرتاي كەڭەسكە بۇيىردى. ال سۋىرىپسالما ءسوز سايىسىنا قاتىسقان وزگە اقىندارعا جۇبان مولداعاليەۆ, وراز يساەۆ, مەكتەپ دوسقاليەۆ, رامازان احمەتوۆ, ساعىنعالي سەيىتوۆ, ت.ب. اتىنداعى ارنايى جۇلدە, باعالى سىيلىقتار بەرىلدى.
