«قۇرمەتتى ارداگەرلەر! سىزدەردى كەلە جاتقان مەرەكەلەر: وتان قورعاۋشىلار كۇنىمەن جانە جەڭىس كۇنىمەن شىن جۇرەكتەن قۇتتىقتايمىن. سىزدەرگە دەنساۋلىق, ۇزاق ءومىر جانە باقىت تىلەيمىن! بىزگە جاستارمەن جۇمىس جاساۋ بارىسىندا سىزدەردىڭ تاجىريبەڭىز بەن ءبىلىمىڭىز قاجەت», دەدى ب.سۇلتانوۆ.
ونىڭ ايتۋىنشا, ەلوردادا 50 مىڭنان استام زەينەتكەر تۇرادى, ولاردىڭ 71-ءى – ۇلى وتان سوعىسىنىڭ ارداگەرلەرى, 2817-ءى – تىل ەڭبەككەرلەرى.
«ءسىزدىڭ جۇمىسىڭىزعا تابىس تىلەيمىز, ءبىزدىڭ ەلوردامىز گۇلدەنە ءتۇسسىن. ەگەر استانا وركەندەپ جاتسا, اتىراۋ, سەمەي جانە باسقا قالالار گۇلدەنە باستايدى. بۇل – ءبىزدىڭ باستى قالا, بۇل ءبىزدىڭ تاۋەلسىزدىگىمىزدىڭ جەمىسى, بۇل ءبىزدىڭ ەلىمىزدىڭ جۇرەگى», دەدى 96 جاستاعى سوعىس ارداگەرى احات بەكمادي.
ءوز كەزەگىندە باقىت سۇلتانوۆ, قالانىڭ ۇلكەن ەكەندىگىن, ءبىر مەزگىلدە بىرنەشە تاپسىرمانى شەشۋ قاجەت بولاتىنىن جانە ەڭ باستى مىندەت قالا تۇرعىندارىنىڭ جايلى جانە ساپالى ءومىر ءسۇرۋىن قامتاماسىز ەتۋ ەكەندىگىن العا تارتتى.
«ارداگەرلەرگە مەديتسينالىق قىزمەت كورسەتۋ ءۇشىن كوپ نارسە جاسالدى. بۇگىن ولاردىڭ سانى 2 مىڭنان اسادى. بۇل ءبىزدىڭ حالقىمىزدىڭ 10% -ى جانە ولارعا جوعارى ءمان بەرىلۋدە.تەگىن ءتىس پروتەزدەۋ, پرەپاراتتارمەن قامتاماسىز ەتۋ سياقتى ماسەلەلەر اكىمدىكتىڭ ارقاسىندا شەشىلدى. ويتكەنى ول قوسىمشا قارجىلاندىرۋدى تالاپ ەتەدى. ءبىز سونداي-اق, اكىمدىككە 218 تىل ەڭبەككەرىنە نازار اۋدارۋدى, جەڭىلدىكپەن ءدارى-دارمەكتەردى الۋعا مۇمكىندىك بەرۋىن سۇرايمىز», - دەدى ارداگەرلەر كەڭەسىنىڭ ءتورايىمى التىن سۋلەيمەنوۆا.
ارداگەرلەردىڭ تاعى ءبىر ءوتىنىشى - گەرونتولوگيالىق قىزمەتتىڭ جۇمىسىن ۇيىمداستىرۋ جانە ارداگەرلەردى وڭالتۋ, ەمدەۋ جانە الەۋمەتتىك قولداۋ ءۇشىن قالادا ارنايى ورتالىق اشۋ.
«جاقىندا مەن ەلباسىنىڭ قابىلداۋىندا بولدىم, ءبىز وسى ماسەلە تۋرالى سويلەستىك. ول ءبىزدىڭ قالامىزدا ارداگەرلەرگە ارنالعان لايىقتى ورتالىق قاجەتتىگىن ايتتى. بىزدە كۇتىم ءۇيى بار. وندا وتە جاقسى جاعدايلار جاسالعان, بىراق مۇندا باسقا تۇجىرىمدامانى ەنگىزۋ قاجەت. سونىڭ ىشىندە ارداگەرلەرگە ارنالعان وڭالتۋ ورتالىعى, مەيىربيكە ءىسى, قوناق ءۇي بار بولسا, ونى قاريالاردىڭ بوس ۋاقىتتارىندا وزدەرىنىڭ قۇرداستارىمەن قارىم-قاتىناس جاسايتىن ورتالىق رەتىندە قۇرۋعا بولار ەدى. ازىرگە جوبانى «بەلسەندى ۇزاق ءومىر» ورتالىعى دەپ اتادىق», دەپ قورىتىندىلادى باقىت سۇلتانوۆ.
