التاي اۋدانىندا 11 ساۋىردەن بەرى سەنبىلىكتەر جالعاسۋدا. اسىرەسە تازالىق شارالارى التاي قالاسىندا قارقىن العان.
«سەنبىلىك اپتاسىنا ەكى مارتە, سەيسەنبى جانە جۇما كۇندەرى وتكىزىلۋدە. سەنبىلىك اياسىندا جاياۋ جۇرگىنشى جولدارى, جولداردىڭ بويى تازالانىپ, بورديۋرلار, اعاشتار اكتەلىپ, جەڭىس ساياباعى تارتىپكە كەلتىرىلدى. بۇل رەتتە مەملەكەتتىك قىزمەتكەرلەر مەن اۋماقتىق ۇيىمداردىڭ قىزمەتكەرلەرىنىڭ ەڭبەگىن ەرەكشە اتاپ وتۋگە بولادى. «التاي ءتارتىپ» جشس-ءنىڭ كومەگىمەن وسى ۋاقىتقا دەيىن التاي قالاسى اۋماعىنان 2 مىڭ شارشى مەتر قوقىس شىعارىلدى» دەيدى التاي اۋدانى اكىمىنىڭ ورىنباسارى جاننا اسقارقىزى.
شىعىس قازاقستان وبلىسى,
التاي اۋدانى
