ۇيىمداستىرۋشىلاردىڭ مالىمەتىنە سۇيەنسەك, قوعامدىق ناۋقان Facebook جانە Instagram الەۋمەتتىك جەلىسىندە وتكىزىلەدى. مۇندا تۇرعىنداردىڭ قر پرەزيدەنتىن كەزەكتەن تىس سايلاۋىندا داۋىس بەرۋگە قاتىسۋىن بەلسەندەتۋ بويىنشا ماتەريالداردى جاريالاۋعا ارنالعان ارنايى تاقىرىپتىق «Elorda Live» پاراقشالارى اشىلدى.
ماسەلەن, Facebook پاراقشاسىندا قالانىڭ ءار تۇرعىنىنىڭ 2019 جىلدىڭ 9 ماۋسىمىندا وتەتىن پرەزيدەنت سايلاۋىن قولداۋ ماقساتىندا قىزىقتى وقيعالاردى, جاريالانىمدى نەمەسە بەينەروليكتى #مەنبولاشاقتىتاڭدايمىن جانە #سەنىڭداۋىسىڭماڭىزدى, #سايلاۋ2019 حەشتەگىمەن بەلگىلەپ, وسى جەردە جاريالاي الاتىندىعى اتالىپ كورسەتىلگەن.
بۇدان بولەك, اكتسيا اياسىندا, ادامدار كوپ كەلەتىن قوعامدىق ورىنداردا جاستاردىڭ قاتىسۋىمەن بۇقارالىق شارالار ۇيىمداستىرىلىپ, ءار اۋدانداعى سايلاۋ ۋچاسكەلەرى مەن داۋىس بەرۋ ورىندارى تۋرالى تولىققاندى اقپارات بەرەتىن پرومو-تاقتالار ورنالاستىرىلاتىن بولادى.
ەسكە سالايىق, قر پرەزيدەنتىنىڭ جارلىعىمەن قر پرەزيدەنتىن سايلاۋ 2019 جىلدىڭ 9 ماۋسىمىنا بەلگىلەنگەن بولاتىن.
