ساپارلارىڭ ءساتتى بولسىن, سايىپقىراندار!
سارسەنبى, 18 شىلدە 2012 7:38
وليمپياداعا 9 كۇن قالدى
ححح جازعى وليمپيا ويىندارىنا الماتى وبلىسىنان 10 سپورتشى ليتسەنزيا ۇتىپ العانى ءمالىم. سىندارلى ساتتە ەل نامىسىن قورعاپ, كوك بايراعىمىزدى لوندوندا جەلبىرەتۋگە تالپىناتىن سول سپورتشىلارىمىزبەن الماتى وبلىسىنىڭ اكىمى اڭسار مۇساحانوۆ كەزدەسىپ:
– ەلباسى ححح جازعى وليمپيا ويىندارىنا قاتىساتىن سپورتشىلاردى قابىلداپ, ەلىمىزدىڭ كوك بايراعىن ءبىزدىڭ جەرلەسىمىز, گرەك-ريم كۇرەسىنەن قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى نۇرماحان ءتىناليەۆكە تاپسىرعانىن ءدۇيىم جۇرت كوردى.
سارسەنبى, 18 شىلدە 2012 7:38
وليمپياداعا 9 كۇن قالدى
ححح جازعى وليمپيا ويىندارىنا الماتى وبلىسىنان 10 سپورتشى ليتسەنزيا ۇتىپ العانى ءمالىم. سىندارلى ساتتە ەل نامىسىن قورعاپ, كوك بايراعىمىزدى لوندوندا جەلبىرەتۋگە تالپىناتىن سول سپورتشىلارىمىزبەن الماتى وبلىسىنىڭ اكىمى اڭسار مۇساحانوۆ كەزدەسىپ:
– ەلباسى ححح جازعى وليمپيا ويىندارىنا قاتىساتىن سپورتشىلاردى قابىلداپ, ەلىمىزدىڭ كوك بايراعىن ءبىزدىڭ جەرلەسىمىز, گرەك-ريم كۇرەسىنەن قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى نۇرماحان ءتىناليەۆكە تاپسىرعانىن ءدۇيىم جۇرت كوردى. بۇل – ۇلكەن قۇرمەت. سول سەنىم بيىگىنە نۇرماحان ءتىناليەۆپەن بىرگە سىزدەر دە شىعىپ, جازعى وليمپيادا تورىنەن كوك بايراعىمىزدى جەلبىرەتە بەرەدى دەگەن ءۇمىت ارتامىن. سپورت – كەز كەلگەن مەملەكەتتىڭ حالىقارالىق ارەناداعى اتىن شىعارىپ, بەدەلىن, داڭقىن اسقاقتاتاتىن دودا. سوندىقتان, وبلىس قانا ەمەس, ەل نامىسىن قورعايتىن سپورتشىلارىمىزعا, ياعني ءسىزدەرگە ءتورت جىلدىقتىڭ ءدۇبىرلى دوداسى – وليمپيا ويىندارىنا الاڭسىز دايىندالۋلارىڭىزعا بارلىق جاعدايدى جاساعانىمىزدى بىلەسىزدەر. ەندى بار ءۇمىتىمىزدى ءسىزدەرگە ارتىپ, جەڭىستى كۇندەردە جولىعۋدى كۇتەمىز, – دەدى.
ساناۋلى كۇندەردەن سوڭ الاۋى جاعىلاتىن وليمپيا ويىندارى جاقىنداعان سايىن سپورت سۇيەر قاۋىم تاعاتسىزدانا كۇتىپ, ءالىپتىڭ ارتىن باعۋدا. ويتكەنى, بۇل – سپورت. «بالاپاندى كۇزدە سانايدى» دەگەن دە ءسوز بار ەمەس پە قازاقتا. ۇلكەن ءۇمىت ارتۋمەن قاتار, سپورتشىلار كوڭىلدەرىن تاعى ءبىر مارتە كوتەرە بىلگەن ا.مۇساحانوۆ جازعى وليمپيا ويىندارىنا قاتىساتىن سپورتشىلار مەن جاتتىقتىرۋشىلارعا اقشالاي, زاتتاي سىيلىقتار تاپسىرىپ, ءساتتى ساپار تىلەدى.
نۇربول الدىباەۆ,
«ەگەمەن قازاقستان».
الماتى وبلىسى.
