وليمپياداعا 15 كۇن قالدى
بەيسەنبى, 12 شىلدە 2012 7:31
ءدۇبىر
جانكۇيەر دەگەن جاقسى ات
لوندون وليمپياداسىنىڭ بۇرىنعى جارىستاردان ەرەكشەلىگى سول, جانكۇيەرلەر ءۇشىن ەڭ شىعىنى كوپ دودا بولعالى تۇر. وليمپياداعا بارعان سوڭ, جارىستىڭ اشىلۋى مەن جابىلۋ سالتاناتىن كورۋگە ءبارى قۇمارتادى. ەلدىڭ بارلىعى تۇماندى البيون اتانىپ كەتكەن لوندون قالاسىنىڭ اسەم ورىندارىن كورىپ, شاھاردىڭ تىنىس-تىرشىلىگىمەن تانىسقىسى كەلەدى.
بەيسەنبى, 12 شىلدە 2012 7:31
ءدۇبىر
جانكۇيەر دەگەن جاقسى ات
لوندون وليمپياداسىنىڭ بۇرىنعى جارىستاردان ەرەكشەلىگى سول, جانكۇيەرلەر ءۇشىن ەڭ شىعىنى كوپ دودا بولعالى تۇر. وليمپياداعا بارعان سوڭ, جارىستىڭ اشىلۋى مەن جابىلۋ سالتاناتىن كورۋگە ءبارى قۇمارتادى. ەلدىڭ بارلىعى تۇماندى البيون اتانىپ كەتكەن لوندون قالاسىنىڭ اسەم ورىندارىن كورىپ, شاھاردىڭ تىنىس-تىرشىلىگىمەن تانىسقىسى كەلەدى.
دەگەنمەن, ورتاشا ەسەپپەن العاندا قازاقستاندىق ءار جانكۇيەردىڭ بارۋ-قايتۋى مەن 4 جۇلدىزدى قوناق ۇيدە تۇرۋى جانە ءار جارىستارعا بيلەت الۋعا كەمىندە 2,5 مىڭ دوللار قاجەت ەكەن. مۇنداي قارجى ەلىمىزدەگى ەكىنىڭ بىرىندە بار دەي المايمىز. سوندىقتان, شىن جانكۇيەر جارىستى اۋىلدا, ال, شەنەۋنىكتەر مەن اكىم-قارالار ۇلىبريتانيادا وتىرىپ تاماشالايدى.
وزدەرىڭىز بىلەتىندەي, بيىلعى جىلدىڭ 10 مامىرىندا لوندون قالاسىندا وتەتىن ححح جازعى وليمپيا ويىندارى جانكۇيەرلەرىنىڭ شتابى قۇرىلدى. مۇنداي شتاب العاشقى رەت قازاقستان رەسپۋبليكاسى سپورت جانە دەنە تاربيەسى ىستەرى اگەنتتىگىنىڭ قولداۋىمەن قۇرىلىپ وتىر. وسىعان دەيىنگى جارىستاردا قازاقستاندىق جانكۇيەرلەر تارىداي شاشىلىپ, ارقايسىسى ءوز بەتىمەن جۇرەتىن بولسا, لوندوندا ءبىر جاعادان باس, ءبىر جەڭنەن قول شىعاراتىن بولادى.
وليمپيادا قارساڭىندا لوندون قالاسىندا وتەتىن ححح جازعى وليمپيا ويىندارى جانكۇيەرلەرىنىڭ شتابىنىڭ ۇيلەستىرۋشىسى ريمما تاجىباەۆامەن از-كەم اڭگىمەلەسكەن ەدىك.
– ءسىز قىسقى ازيا ويىندارى قارساڭىندا داالماتىدا ەرىكتىلەرمەن جۇمىس ىستەدىڭىز. ەندى, مىنە, وليمپياداقارساڭىندا قازاقستاندىق جانكۇيەرلەردىڭ باسىن قوسۋعا بەل بۋىپسىز.جالپى, بۇل جوبا قانشالىقتى ۇدەدەن شىعىپ جاتىر؟
– ءبىزدىڭ ماقساتىمىز – ححح جازعى وليمپيا ويىندارىنا قاتىساتىن قازاقستان قۇراماسىنىڭ بارلىق جانكۇيەرلەرىنىڭ باسىن قوسۋ. ولاردىڭ قاتارىندا قازاقستاننان باراتىن جانكۇيەرلەر, ەۋروپا ەلدەرىندە تۇراتىن قازاقستاندىق وتباسىلار مەن ستۋدەنتتەر, سونداي-اق, قازاق سپورتشىلارىنا بولىساتىن شەتەلدىك جانكۇيەرلەر دە بار. ويتكەنى, وليمپيادادا ونەر كورسەتەتەتىن الەكساندر ۆينوكۋروۆ, يليا يلين سىندى اتاقتى سپورتشىلاردى ەۋروپا حالقى جاقسى تانيدى. سوندىقتان, شەتەلدىك جانكۇيەرلەردى دە ءبولىپ جارماي, «ابىلاي حاننىڭ اق تۋىنىڭ استىنا جيناعانداي», قازاقتىڭ كوك بايراعىنىڭ استىنا باستارىن بىرىكتىرمەكپىز.
– لوندون وليمپياداسىنداعى جارىس بيلەتتەرى وسىدان ءبىر جىل بۇرىنساتىلىمعا ءتۇسىپ قويعان ەدى. اقپاراتتار اعىنىنا سايكەس, بيلەتكە ءزارۋادامدار وتە كوپ سياقتى. ال, بىزدە جانكۇيەرلەر شتابى نەبارى ەكى ايبۇرىن عانا قۇرىلدى. بۇل حاكىم اباي ايتقانداي, قولدى مەزگىلىنەن كەشسەرمەۋ ەمەس پە؟
– ارينە, ءدال سولاي. بىراق, بۇرىن-سوڭدى وليمپيادالار قارساڭىندا مۇنداي جوبالار ىسكە اسقان جوق. ەندىگى رەتتە, ۇلتتىق وليمپيادا كوميتەتىمەن بىرىگىپ, قازاق جانكۇيەرلەرى ءۇشىن بارلىق وليمپيا ويىندارىن قولجەتىمدى ەتۋگە تىرىسامىز.
راسىندا, وليمپيادا بيلەتتەرىنىڭ بارلىعى ساتىلىپ كەتكەن. قۋانىشىمىزعا وراي, ۇلتتىق وليمپيادا كوميتەتىمەن كەلىسىم-شارتقا وتىرعان الدەبىر تۋريستىك فيرما مىڭداعان بيلەتتەردى الدىن-الا ساتىپ العان ەكەن. ءاسىلى, بۇگىندە بارلىق مارتەبەلى جارىستاردىڭ بيلەتتەرى وسىنداي تۋرفيرمالاردىڭ قولىنا ءوتىپ, جانكۇيەرلەر ءۇشىن ەكى ەسەگە ارتىق باعاعا ساتىلادى. ءبىز وسى جاعىنان كەلگەندە ازداپ شىعىندالدىق. بىراق, جوق دەپ قول قۋسىرىپ قالعاننان جاقسى ەمەس پە؟!
ايتسە دە, اتالمىش تۋرفيرمانىڭ ساتىپ العان بيلەتتەرىنىڭ سانى ءبىزدى قاناعاتتاندىرا العان جوق. كوپ ادام لوندون وليمپياداسىنا بيلەت تاپشىلىعىنان بارا الماي قالدى. ءبىراق, بيلەت جەتپەي قالعان جانكۇيەرلەر لوندونداعى قازاقستاندىق ءباسپاسوز ورتالىعىنان جارىستاردى تاماشالاي الادى.
– لوندون وليمپياداسى قاراپايىم جانكۇيەرلەر ءۇشىن قولجەتىمدى بولماي شىقتى. انگلياعا قازاقستاننان تەك اۋقاتتى ادامدار عانا اتتانادى دەگەن ءسوز قانشالىقتى شىندىق؟
– بارلىعى اكىم, بارلىعى شەنەۋنىك, بارلىعى كاسىپكەر دەي المايمىز. بىراق, دەنى سونداي اۋقاتتى جاندار. ارالارىندا قاراپايىم قازاق جانكۇيەرلەرى دە بار. وليمپيادا ءۇشىن تىرنەكتەپ جيعان قارجىسىن جۇمساعالى بارا جاتقان جانكەشتى جانكۇيەرلەردى دە كەزدەستىردىك. بىراق, اكىمدەر مەن فەدەراتسيا باسشىلارى جانكۇيەرلىك تانىتا المايدى دەۋگە بولمايدى.
– قازاق جانكۇيەرلەرى وزگەلەردەن قالاي ەرەكشەلەنەدى؟
– شىندىعىنا كەلسەك, قازاقستان لوندون وليمپياداسىنا ەرەكشە دايىندىقپەن بارا جاتىر. ءتىپتى, قازاق جانكۇيەرلەرىنە ارنالىپ ارنايى فورما دا تىگىلىپ, سپورتشىلارعا رۋح بەرەتىن ءانۇران جازىلدى. سونداي-اق, قازاقستاندىق جانكۇيەرلەردەن بولەك, لوندونعا ەۋروپادا تۇراتىن 700-گە جۋىق قازاق دياسپوراسى اتتانادى. لوندوندا ءبىلىم الىپ جاتقان مىڭعا جۋىق قازاق ستۋدەنتتەرىن دە جيناماقپىز.
– 2008 جىلى بەيجىڭگە قازاق سپورتشىلارى تاريحىمىزدا ەڭ كوپ جولداما الىپ, 135 سپورتشى ونەر كورسەتتى. ءتىپتى, سول وليمپياداعا بارعان قازاق جانكۇيەرلەرىندە دە ەسەپ جوق. ەندى, بيىلعى وليمپيادادا قازاق جانكۇيەرلەرىنىڭ ازدىعى سپورتشىلاردىڭ رۋحىن كوتەرۋگە جەتپەي قالماي ما؟
– بىرىنشىدەن, قىتاي – ىرگەدە جاتقان ەل. قىتايدا وليمپياداسىز-اق, ارى-بەرى ساپارمەن جۇرگەن قازاقتاردى دا ءجيى كەزدەستىرۋگە بولادى. ال انگليا – ەۋروپانىڭ وزىنەن الىس جاتقان ەل.
ءبىز لوندونعا اتتانعان جانكۇيەرلەردەن قازاق سپورتشىلارى قاتىساتىن بارلىق جارىستاردا بولۋىن تالاپ ەتەمىز. راسىندا دا, سپورتشىلار قولداۋعا مۇقتاج. جارىستىڭ 24 تۇرىنەن ونەر كورسەتەتىن وتانداستارىمىزدىڭ بارلىق ونەرىن تاماشالاۋعا ۋاقىت تابامىز دەپ ويلايمىن.
– اڭگىمەڭىزگە راحمەت.
اڭگىمەلەسكەن, جاندوس ءبايدىلدا,
جۋرناليست.
الماتى.
ءۇش التىننان ءۇمىتتىمىز
جاقىندا سپورت جانە دەنە تاربيەسى ىستەرى اگەنتتىگىنىڭ توراعاسى تالعات ەرمەگياەۆ قازاقستان سپورتشىلارىنىڭ وليمپيا ويىندارىنا دايىندىعى جونىندە كەزدەسۋ وتكىزىپ, ويلارىمەن ءبولىستى.
كەزدەسۋدە ت.ەرمەگياەۆ سپورتشىلارىمىزدىڭ وليمپياداعا دايىندىعىنا توقتالىپ, ءدال قازىر 105 جولدامانى 115 وتانداسىمىزدىڭ جەڭىپ العانىن, وسى سپورتشىلارعا ءۇمىت ارتىلىپ وتىرعانىن ايتتى.
– وليمپيادادا كەز كەلگەن ەلدىڭ مەرەيىن اسىراتىن نارسە – ول ەڭ اۋەلى التىن جۇلدە, مەملەكەتتىك تۋىمىزدىڭ بيىكتەن كورىنىپ, ءانۇرانىمىزدىڭ شىرقالۋى. سوندىقتان ءبىزدىڭ سپورتشىلارىمىز وليمپيادادا كەم دەگەندە 13 مەدال, سونىڭ ىشىندە, 3 التىن جۇلدەنى الۋى كەرەك. ەگەر ولار 13 جۇلدەدەن كوپ جۇلدە الىپ, بىراق سونىڭ التىن مەدالى از بولسا, ءبىز كوماندالىق ەسەپتە ارتتا قالامىز. مىنە, سونداي جاعدايدى بولدىرماۋ ءۇشىن بىزگە كەم دەگەندە 3 التىن مەدال كەرەك, – دەدى ول.
وسى ورايدا, ول زىلتەمىرشىلەر مەن بوكسشىلارعا كوپ سەنىم, ءۇمىت ارتىلىپ وتىرعانىن جاسىرمادى. «بيىلعى لوندون وليمپياداسىنا سەگىز اۋىر اتلەت بارا جاتىر. ونىڭ ىشىندە, بەسەۋى مىندەتتى تۇردە جۇلدەگە تالاسادى دەپ وتىرمىز. ال كىمنىڭ التىنعا يە بولاتىنى ولاردىڭ باعىنا, بابىنا, دايىندىعىنا بايلانىستى. بوكسشىلارىمىزعا دا سونداي سەنىم ارتىپ وتىرمىز. بۇل جەردە دە بوكسشىنىڭ بابى مەن باعىنا كوپ نارسە بايلانىستى بولادى», – دەدى اگەنتتىك توراعاسى.
سونىمەن بىرگە, تالعات ەرمەگياەۆ اۋىر اتلەتيكادان جولداما العان جاڭا لەگيونەرلەرگە دە توقتالدى. «جاڭا لەگيونەرلەرگە كەلەتىن بولساق, ولار قىرعىزستاننان كەلگەن. ەكى جىلدان بەرى قىرعىزستاندا جاتتىقتى. قازىر وليمپياداعا جان-جاقتى دايىندالىپ جاتىر. ءبىزدىڭ ويىمىزشا, ەنۆەر تۇركەلەري سياقتى ماماننىڭ قول استىندا جاتتىقسا, ولار ءالى تالاي بيىك بەلەستەردى باعىندىرادى», – دەدى ول.
ودان كەيىن اگەنتتىك توراعاسى بيىلعى وليمپيادا قاسيەتتى ورازا ايىنا تۇسپا-تۇس كەلىپ وتىرعاندىقتان, وعان قازاقستاننان باراتىن مۇسىلمان سپورتشىلاردىڭ ورازا ۇستاۋىنا بولاتىنىن اتاپ ءوتتى. «قازىر ءبىز وليمپياداعا بارا جاتقان سپورتشىلارىمىزعا جان-جاقتى جاعداي جاساپ جاتىرمىز. ءاربىر سپورتشىنىڭ جەكە بولمەسى بولادى. ال ورازا تۇتۋعا كەلسەك, مۇسىلمانداردىڭ پارىزى بولعاندىقتان, نيەت ەتكەن سپورتشىلارعا ءبىز قارسىلىق تانىتپايمىز. ءوز ىڭعايىنا قاراي ورازا ۇستاۋلارىنا بولادى», – دەدى اگەنتتىك توراعاسى.
سونىمەن بىرگە, ت.ەرمەگياەۆ وليمپيادا كەزىندە سپورتشىلارىمىزدى تاماقتاندىرۋ ماسەلەسىنىڭ ماڭىزدىلىعىن ايتىپ, ويىنداردا وتانداستارىمىزعا ەلدەن ارنايى تاماقتاردىڭ دا اپارىلاتىنىن, سونىڭ ىشىندە, قازى-قارتا سياقتى كالوريالىق استىڭ تەك سپورتشىلارىمىزعا عانا ارنالاتىنىن جەتكىزدى.
ەستەرىڭىزگە سالا كەتسەك, بيىلعى ورازا ايى 20 شىلدەدە باستالىپ, 18 تامىزدا اياقتالادى. ال 27 شىلدەدە باستالاتىن لوندون وليمپياداسى 13 تامىزعا دەيىن جالعاسادى.
بيىلعى وليمپياداعا قازاقستان سپورتشىلارى العاش رەت سەمسەرلەسۋ, سۋ دوبى جانە ايەلدەر بوكسىنان جولداما جەڭىپ الدى.
قازاقستاندىق وليمپياداشىلاردىڭ العاشقىلارى لوندونعا 18 شىلدە كۇنى جولعا شىعادى. ال قالعان سپورتشىلار ۇلىبريتانياعا جارىس كەستەسىنە ساي بارادى.
سپورت جانە دەنە تاربيەسى ىستەرى اگەنتتىگىنىڭ ءباسپاسوز قىزمەتىنىڭ جەتەكشىسى گۇلسىم جالەليتدەنوۆانىڭ ايتۋىنشا, نەگىزىنەن, سپورتشىلار سول ەلدىڭ كليماتىنا جاقسى بەيىمدەلۋ ءۇشىن جارىسقا 2-3 كۇن قالعاندا اتتانادى. وليمپياداعا قازاقستاننان 180 ادامدىق دەلەگاتسيا, ياعني سپورتشىلار, جاتتىقتىرۋشىلار, ماسساجشىلار مەن دارىگەرلەر بارادى.
وليمپيادا جانكۇيەرلەرىنىڭ ءانۇرانى
وليمپيادا قارساڭىندا لوندون تورىندە ەل نامىسىن قورعايتىن وتانداستارىمىزدى قولداۋ ماقساتىندا جانكۇيەرلەردىڭ ءانۇرانى جاريالاندى. بۇل جولى دا بىلتىر قىسقى ازيا ويىندارىنىڭ ءانۇرانىنىڭ اۆتورى بولعان ءانشى, كومپوزيتورلار ەسكەندىر جانە ءبىرجان حاسانعاليەۆتەر سەرىك قاليەۆتىڭ سوزىنە جازىلعان وليمپيادا جانكۇيەرلەرى ءانۇرانىنىڭ اۆتورى اتاندى. ەندى, مىنە, بۇگىن وليمپيا ويىندارىنا ەكى جۇماداي ۋاقىت قالعاندا, ءبىز وقىرماندار نازارىنا سول وليمپيادا جانكۇيەرلەرى ءانۇرانىنىڭ ءسوزى مەن نوتاسىن ۇسىنۋدى ءجون كورىپ وتىرمىز.
ءسوزى: سەرىك قاليەۆتىكى.
ءانى: ەسكەندىر حاسانعاليەۆ پەن
ءبىرجان حاسانعاليەۆتىكى.
وليمپيادا –
ءبىزدىڭ ورتاق جارىسىمىز,
توپتى جارعان ازيادا بارىسىمىز.
سپورتتاعى ەسەلەنسىن تابىسىمىز,
جەڭىس ءۇشىن, جەڭىس ءۇشىن العا!
قورعايمىز بىزدەر تاۋەلسىز ەلدىڭ نامىسىن,
جىگەردى قايراپ سەنىمى ەلىمنىڭ جانىسىن.
ءانۇران ويناپ, كوتەرىپ بيىك بايراعىن,
ءبىز جەڭەمىز, جەڭەمىز!
وليمپيادا – ۆىبيراەت تولكو سمەلىح,
دۋح پوبەدى چەمپيونوۆ وكرىلياەت.
وليمپيسكي نام وگون ۆسەگدا سياەت,
چەمپيونوۆ ۆدوحنوۆلياەت ۆپەرەد!
سپورت – ەتو سمەلوست,
ەتو – دەرزانيە ي ۆزلەت,
تولكو وتۆاجنىي ك فينيشۋ پەرۆىم پريدەت.
ۋپورستۆو دۋحا, مەچتا ك پوبەدە ناس ۆەدەت,
گدە مولودوست – تام رەكورد!
وليمپيادا –
جانسىن ءبىزدىڭ جۇلدىزىمىز,
باتىر ەلدىڭ دارا تۋعان ۇل-قىزىمىز.
قازاقستان – جالعىز وتان كۇن نۇرىمىز,
جەڭىس ءۇشىن, جەڭىس ءۇشىن العا!
ارعى بەتتەن ءبىر جاڭالىق
لوندون مەن ونىڭ ماڭىنداعى بىرنەشە قالادا جارىستار وتەتىن سپورتتىق كەشەندەر مەن الاڭداردى ۇلىبريتانيانىڭ قاۋىپسىزدىك ورگاندارى مەن ءتارتىپ ساقشىلارى باقىلايتىن بولادى. بۇل شارالار لوندوننىڭ كەيبىر تۇرعىندارىنىڭ قىتىعىنا ءتيىپ جاتقانعا ۇقسايدى. ماسەلەن, جاقىندا لوندوننىڭ شىعىس بولىگىنىڭ ءبىر توپ تۇرعىندارى جوعارعى سوتقا ۇيلەرىنىڭ شاتىرىنا زەنيتتىك زىمىران كەشەندەرىنىڭ ورنالاسۋىنا قارسى شاعىمدانعان بولاتىن. بىراق سوت ولاردىڭ ارىزدارىن قاناعاتتاندىرماي, كەرى قايتارىپ تاستاۋ تۋرالى شەشىم شىعاردى. ءسويتىپ, مۇنداي شارادا ءۇي يەسىنەن ەش نارسە سۇرالمايتىن بولدى.
جاقىندا 5 مىڭ مەدالدى دە بريتان مونارحتارىنىڭ سيمۆولدارى ساقتالاتىن تاۋەر قامالىندا ساقتاۋ تۋرالى شەشىم قابىلداندى.
كۇتكەنىمىز – جەڭىس
ءاسىلى, جاراتۋشى يەمىز جۇمىر باستى پەندەسىن ءار مۇشەل جاسقا تولارىندا سىندارلى ءساتتەن وتكىزىپ, شيراتىپ, شىڭداپ, ورنىقتىرىپ, ءتىپتى جارقىن بولاشاقتىڭ تىڭ ءبىر جولدارىن دا اشىپ بەرەتىن ءتارىزدى. البەتتە, تاڭداۋ ادامنىڭ ءوز ەنشىسىندە. الەم سپورتىندا بۇل كۇندەرى اتى قۇرمەتپەن اتالا باستاعان داڭقتى بالۋان, جەتىسۋ ءوڭىرىنىڭ ءتول پەرزەنتى داۋرەن جۇماعازيەۆ تە جەكە ءومىرىنىڭ سونداي سىندارلى ءبىر ساتىندە, ياعني العاشقى مۇشەلىنە تولارىندا قاتتى تولقىدى. ونىڭ تاڭداۋىندا سپورت جانە عىلىم جولى تۇردى.
مەكتەپتە ۇزدىك وقۋشىلار كوشىن باستاپ, اسىرەسە, ماتەماتيكا ءپانىن ءسۇيىپ وقىپ, ەسەپ شىعارۋدا تەڭ-تۇستاستارىنان وق بويى وزىپ جۇرەتىن د.جۇماعازيەۆتىڭ اناسى ماتەماتيكا ءپانىنىڭ مۇعالىمى بولعاندىقتان با ەكەن, ۇلىن الماتىداعى فيزيكا-ماتەماتيكا مەكتەبىندە وقىتۋدى قالادى. ويىن بالاسى كوپ ءنارسەگە جەتە ءمان بەرمەسە دە جۇرەك قالاۋىن تىڭداپ, ۇلكەن سپورتقا بەت بۇردى. پەرزەنتىنىڭ تاڭداۋىنا اتا-اناسى ەش قارسىلىق كورسەتپەي اق باتالارىن بەردى. ون ءۇش جاسىندا الماتىداعى مەكتەپ ينتەرناتقا وقۋعا قابىلدانىپ, بىردەن ەركىن كۇرەس ءۇيىرمەسىنە جازىلدى. اۋىلدا ەرەسەك بالالارمەن دە كۇش سىناسىپ قالاتىن جاعدايلاردا ەش تايسالماي, جاۋىرىنىن جەرگە تيگىزبەي وسكەن وجەت ۇل ەش نارسەدەن قايمىقپادى. جاتتىعۋ بارىسىندا سان الۋان تاسىلدەردى كورگەن سايىن ىنتىزارى اۋىپ, ءار قيمىلعا جەتە ءمان بەرىپ, «كۇرەس تە ماتەماتيكا سەكىلدى ەكەن, ءار قيمىلدى ويلاستىرىپ, ەسەپتەي ءبىلۋ قاجەت ەكەن عوي» دەگەن وي ءتۇيدى. ءبىر كۇنى سول ويىن جاتتىقتىرۋشىسىنا ايتقانىندا اعايى شىن ريزا بولىپ, ونى باۋىرىنا باسىپ «ساعان ۇكىلى ءۇمىتىمدى ارتامىن, ول ءۇمىت ءبىر مەنىڭ عانا ەمەس, ارتىڭداعى قالىڭ ەلىڭنىڭ ۇكىلى ءۇمىتى» دەگەن ەدى…
ەركىن كۇرەستەن قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى, 2011 جىلعى ازيا چەمپيونى, ىستامبۇل قالاسىندا وتكەن الەم چەمپيوناتىندا قولا مەدال الىپ, ححح جازعى وليمپيا ويىندارىنا جولداما يەلەنىپ, 60 كيلو. سالماق دارەجەسىندە بيىلعى جىلدىڭ 11 تامىزىندا بوز كىلەمگە شىعاتىن د.جۇماعازيەۆكە ارتىلعان ەل ءۇمىتى وسىلاي باستالعان ەدى.
– ەڭبەكقور, اقىلدى, وزىندىك ادىستەرى مول, يىق تىرەسە الاتىن قارسىلاستارىنىڭ ءار قيمىلىن ءجىتى باقىلاپ, زەرتتەپ, جاڭا ادىستەر ويلاستىرىپ, بايىپتىلىعىنان تانبايتىن د.جۇماعازيەۆ بيىل جيىرما بەس جاستا. كۇرەس تە شاحمات ويىنى سەكىلدى. قارسىلاسىڭنىڭ ۇتقىر ءتاسىلىنىڭ ءبىرى وڭ اياققا كىرۋ ەكەنىن اڭعاردىڭ با, ميىڭنىڭ ءبىر تۇكپىرىندە وعان وڭ اياقتى بەرمەۋ كەرەكتىگى جازىلىپ تۇرۋى كەرەك. مۇنىڭ بارلىعى ءبىزدىڭ بالۋاننىڭ ساناسىندا ساقتالعان. ونىڭ بويىندا ۇتقىر بالۋانعا ءتان قاسيەتتەردىڭ بارلىعى بار. باتىر بالا جۇرەكتى, ەشقاشان «كورەمىز» دەپ ەكىۇشتى جاۋاپ ايتپايدى. قۇداي اۋزىنا سالىپ تۇرعان شىعار, ۇتامىن دەگەن ءسوزدى ىلعي نىق سەنىممەن ايتادى, – دەيدى الماتى وبلىستىق وليمپيادالىق رەزەرۆ دايىنداۋ ورتالىعىنىڭ ديرەكتورى ماۋلەن مامىروۆ.
قورىتا ايتقاندا, جىگەرلى جىگىتتىڭ تىلەۋقورلارى سىندارلى ءساتتى تاعاتسىزدانا كۇتۋدە. اۋىل بالالارى د.جۇماعازيەۆكە ەلىكتەپ, ءساتى تۇسكەندە ونىڭ ءار قادامىن ءمۇلت جىبەرمەي ەسىندە ۇستاعان. سوندىقتانءبۇلدىرشىندەر الەمى ءتىپتى بولەك. ۇلكەننىڭ دە, كىشىنىڭ دە كۇتكەنى جەڭىس. سول ەلدىڭ ۇكىلى ءۇمىتى اقتالعاي!
نۇربول الدىباەۆ,
«ەگەمەن قازاقستان».
الماتى وبلىسى.
سۋرەتتە: داۋرەن جۇماعازيەۆ سول جاقتا.
بەتتى دايىنداعان داستان كەنجالين, «ەگەمەن قازاقستان».
