جولىڭ بولسىن, ۆلاد!..
سەيسەنبى, 26 ماۋسىم 2012 7:11
بۇعان دەيىن ءبىز ەلىمىزدە وتكەن قىسقى ازيا ويىندارىنىڭ الاۋىن الىپ ءجۇرۋشىلەردىڭ قاتارىندا نىسانا كوزدەۋ ءتۇرى بويىنشا الەم چەمپيوناتىنىڭ ءجۇلدەگەرى, جەرلەسىمىز ۆياچەسلاۆ پودلەسنىيدىڭ دا بولعانىن بىلەمىز. ءوتكەن جىل دا ول ءۇشىن جەڭىستى بولدى. ۆياچەسلاۆ العاش رەت گەرمانيادا وتكەن الەم چەمپيوناتىنا قاتىسىپ, قولا ءجۇلدەنىڭ يەسى اتاندى. 2005 جىلى سپورتتىڭ نىسانا كوزدەۋ اتالاتىن ءتۇرىنىڭ ءبىرى – جەل ءۇرلەيتىن قارۋمەن وق اتۋ بويىنشا تايلاندتا وتكەن ازيا چەمپيوناتىندا التىن ءجۇلدەگە, ال 2006 جىلى اسكەري قارۋدان وق اتۋ بويىنشا ەلىمىزدىڭ ىشكى ىستەر مينيسترلىگىنىڭ چەمپيونى اتاندى.
سەيسەنبى, 26 ماۋسىم 2012 7:11
بۇعان دەيىن ءبىز ەلىمىزدە وتكەن قىسقى ازيا ويىندارىنىڭ الاۋىن الىپ ءجۇرۋشىلەردىڭ قاتارىندا نىسانا كوزدەۋ ءتۇرى بويىنشا الەم چەمپيوناتىنىڭ ءجۇلدەگەرى, جەرلەسىمىز ۆياچەسلاۆ پودلەسنىيدىڭ دا بولعانىن بىلەمىز. ءوتكەن جىل دا ول ءۇشىن جەڭىستى بولدى. ۆياچەسلاۆ العاش رەت گەرمانيادا وتكەن الەم چەمپيوناتىنا قاتىسىپ, قولا ءجۇلدەنىڭ يەسى اتاندى. 2005 جىلى سپورتتىڭ نىسانا كوزدەۋ اتالاتىن ءتۇرىنىڭ ءبىرى – جەل ءۇرلەيتىن قارۋمەن وق اتۋ بويىنشا تايلاندتا وتكەن ازيا چەمپيوناتىندا التىن ءجۇلدەگە, ال 2006 جىلى اسكەري قارۋدان وق اتۋ بويىنشا ەلىمىزدىڭ ىشكى ىستەر مينيسترلىگىنىڭ چەمپيونى اتاندى.
ءبىز ۆلادتى جاتتىعۋ زالىنان كەزدەستىردىك. ۇلكەن الەمدىك جارىسقا بارا جاتقان سپورتشىنىڭ ىرىمداپ قولىن الدىق. ءسات ساپار تىلەدىك. قانشا جەردەن چەمپيون, اتاقتى بولسا دا, قاراپايىم, كوپ سوزگە جوق, ويلى, جىلى ءجۇزدى جىگىت ەكەن.
– جەڭىسكە دەگەن ءۇمىتىم بار. قاي جەڭىس بولماسىن ويمەن, ويلانۋمەن, جاتتىعۋمەن, ىزدەنىسپەن كەلەتىنى ءسوزسىز. جاتتىقتىرۋشىمنىڭ, جەرلەستەرىمنىڭ ءۇمىتى اقتالادى دەپ ويلايمىن. مەن ءوزىمە سەنەمىن, – دەيدى ۆلاد.
وبلىس ورتالىعىنداعى ۇلتتىق سپورت مەكتەبىنىڭ باپكەرى سەرگەي درەشەردىڭ ايتۋىنشا, قازىر ۆلاد الدا بولاتىن ءبۇكىل الەم كوز تىگەتىن جارىسقا كۇن سايىنعى دەنە جاتتىعۋلارى مەن وي-ءورىس, پسيحولوگيالىق تۇرعىدان دايىندالۋدا. سونىمەن قاتار, لوندونعا اتتانباس بۇرىن الماتىدا وتەتىن نىسانا كوزدەۋدەن بولاتىن ەل چەمپيوناتىنا قاتىسادى. ارينە, قايسى جارىس بولماسىن سپورتشى ءۇشىن سىن. سوندىقتان دا الماتىدا وتەتىن جارىس الىس جولعا بارار الدىنداعى تاعى ءبىر شىڭدالاتىن مەكتەپ سياقتى.
ۆياچەسلاۆ پودلەسنىي پاۆلودار قالاسىندا تۋىپ-وسكەن. وبلىس ورتالىعىنداعى №36 مەكتەپتى بىتىرگەن. ماشينا-تەحنيكالىق كوللەدجىن ءبىتىرگەن سوڭ, اسكەر قاتارىندا بولدى, ودان كەيىن ىشكى ىستەر سالاسىندا قىزمەت جاسادى. بۇل كۇندە سپورتقا ءبىرجولاتا اۋىسقان. جاسى 35-تە.
فاريدا بىقاي,
«ەگەمەن قازاقستان».
پاۆلودار.
