بۇگىن – وليمپيادا كۇنى
سەنبى, 19 مامىر 2012 7:36
بۇگىن ەلىمىزدە ۇلتتىق وليمپيادالىق كوميتەت, سپورت جانە دەنە تاربيەسى ىستەرى جونىندەگى اگەنتتىك, استانا جانە الماتى قالالارى مەن وبلىس اكىمدىكتەرىنىڭ ۇيىمداستىرۋىمەن ءداستۇرلى «وليمپيادا كۇنى» وتەدى.
«دۇنيەجۇزىلىك وليمپيادا كۇنى» – ەلىمىزدە بىرنەشە جىلدان بەرى وتكىزىلىپ كەلە جاتقان سپورتتىق شارا. استانا قالاسىندا بۇل ءىس-شارا ق.مۇڭايتپاسوۆ اتىنداعى ورتالىق ستاديوندا وتكىزىلەدى. وعان بارلىق جاستاعى ازاماتتار قاتىسا الادى. وسىعان وراي ءارتۇرلى جاستاعى قاتىسۋشىلار ءۇشىن جەكە جۇگىرىستەر ۇيىمداستىرىلىپ, مۇمكىندىكتەرى شەكتەۋلى ازاماتتارعا ارنايى جۇلدەلەر ۇلەستىرىلەدى.
سەنبى, 19 مامىر 2012 7:36
بۇگىن ەلىمىزدە ۇلتتىق وليمپيادالىق كوميتەت, سپورت جانە دەنە تاربيەسى ىستەرى جونىندەگى اگەنتتىك, استانا جانە الماتى قالالارى مەن وبلىس اكىمدىكتەرىنىڭ ۇيىمداستىرۋىمەن ءداستۇرلى «وليمپيادا كۇنى» وتەدى.
«دۇنيەجۇزىلىك وليمپيادا كۇنى» – ەلىمىزدە بىرنەشە جىلدان بەرى وتكىزىلىپ كەلە جاتقان سپورتتىق شارا. استانا قالاسىندا بۇل ءىس-شارا ق.مۇڭايتپاسوۆ اتىنداعى ورتالىق ستاديوندا وتكىزىلەدى. وعان بارلىق جاستاعى ازاماتتار قاتىسا الادى. وسىعان وراي ءارتۇرلى جاستاعى قاتىسۋشىلار ءۇشىن جەكە جۇگىرىستەر ۇيىمداستىرىلىپ, مۇمكىندىكتەرى شەكتەۋلى ازاماتتارعا ارنايى جۇلدەلەر ۇلەستىرىلەدى.
جارىستار ساعات 10.00-دە باستالادى. ونىڭ باعدارلاماسىندا 5-10 جاستاعى بالالار ءۇشىن «وليمپيادالىق جارىستار» اتتى تاقىرىپقا اسفالتتاعى سۋرەتتەردىڭ بايقاۋى, ۇلكەن سىنىپتاعى وقۋشىلار مەن ستۋدەنتتەر ءۇشىن «2012 جىلعى لوندونداعى وليمپيالىق ويىندار» وليمپيادالىق ۆيكتورينا, ۇلتتىق سپورت تۇرلەرىنەن, دروتيكتەر لاقتىرۋدان, ۇستەل تەننيسىنەن, ويىنشىق ساداقتان اتۋ بويىنشا جارىستار وتكىزىلەدى. سونىمەن بىرگە, پارلامەنت دەپۋتاتتارى, وليمپيادا چەمپيوندارى مەن باق وكىلدەرىنىڭ اراسىندا 400 مەتر قاشىقتىققا جۇگىرۋ جارىسىن وتكىزۋ جوسپارلانۋدا.
وليمپيادا كۇنىنىڭ جەڭىمپازدارى مەن جۇلدەگەرلەرى ۇلتتىق وليمپيادالىق كوميتەتتىڭ ەستەلىك سىيلىقتارىمەن, جارىستار دەمەۋشىلەرىنىڭ جۇلدەلەرىمەن جانە وليمپيادا سيمۆوليكاسى بار مايكالارمەن ماراپاتتالادى. ال جاقسى جۇگىرگەن ءاربىر قاتىسۋشى حالىقارالىق وليمپيادالىق كوميتەتتىڭ پرەزيدەنتى جاكە روگگەنىڭ قولتاڭباسىمەن وليمپيادالىق كۇنگە قاتىسۋشىنىڭ سەرتيفيكاتىن الادى. سونىمەن ءبىرگە, وسى كۇنى وليمپيادالىق كوميتەتتىڭ سەرىكتەستەرى «Coca-cola» جانە «Proctor&Gamble» كومپانيالارى وزدەرىنىڭ باعدارلامالارىن ۇسىنىپ, قاتىسۋشىلارعا ءوز ونىمدەرىن تەگىن تاراتادى.
وليمپيادا كۇنىن وتكىزۋدىڭ تاريحىنا كەلسەك, ول 1948 جىلدىڭ قاڭتارىندا حوك 42-ءشى سەسسياسىندا دۇنيەجۇزىلىك وليمپيادا كۇنىن جىل سايىن وتكىزۋ تۋرالى قابىلداعان شەشىمىنەن كەيىن وتكىزىلىپ كەلەدى. العاشقى وليمپيادا كۇنى 1948 جىلدىڭ 23 ماۋسىمىندا ۇيىمداستىرىلىپتى. قازاقستاندا وزگە ەلدەرمەن سالىستىرعاندا وليمپيادالىق كۇن قالىپتاسقان ءداستۇر بويىنشا ەرتەرەك باستالادى.
داستان كەنجالين,
«ەگەمەن قازاقستان».
