بۇل نە بەيجايلىق؟
بەيسەنبى, 17 مامىر 2012 8:24
بىرەر كۇن بۇرىن رەداكتسيا تاپسىرماسىنا بايلانىستى ءولكەگە اشارشىلىق جىلدارى اكەلگەن زۇلماتتار جايلى اقپار-ءمالىمەتتەر, ەستەلىك-سىرلار, زەرتتەۋلەر جيناقتالعان ءبىر ورىن بولسا, وبلىستىق تاريحي-ولكەتانۋ مۇراجايى بولار دەگەن ويمەن سوعان بارا قالعان ەدىك. ەكى قاباتتى سىڭعىرلاعان عيماراتتىڭ استى-ءۇستىن اسىقپاي ارالادىق. بىراق, بۇل كۇندە گازەتتەردە ءجيى جاريالانىپ جۇرگەن ەكى-ءۇش سۋرەت, سول ۋاقىتتاعى احۋالعا قاتىستى ءبىردى-ەكىلى قۇجات ىلىنگەن ستەندتەن باسقا ەشتەڭە كوزگە تۇسە قويمادى. بار بولعانى وسى. ايماقتاعى اشارشىلىق زاردابى قالاي بولعاندىعىن باياندايتىن, ەلەستەتەتىن ودان وزگە دەرەك ۇشىراسپادى. جەرگىلىكتى تاريحشىلار ارناعان زەرتتەۋ ەڭبەكتەر بولۋشى ەدى. ولار دا كورىنبەيدى.
بەيسەنبى, 17 مامىر 2012 8:24
بىرەر كۇن بۇرىن رەداكتسيا تاپسىرماسىنا بايلانىستى ءولكەگە اشارشىلىق جىلدارى اكەلگەن زۇلماتتار جايلى اقپار-ءمالىمەتتەر, ەستەلىك-سىرلار, زەرتتەۋلەر جيناقتالعان ءبىر ورىن بولسا, وبلىستىق تاريحي-ولكەتانۋ مۇراجايى بولار دەگەن ويمەن سوعان بارا قالعان ەدىك. ەكى قاباتتى سىڭعىرلاعان عيماراتتىڭ استى-ءۇستىن اسىقپاي ارالادىق. بىراق, بۇل كۇندە گازەتتەردە ءجيى جاريالانىپ جۇرگەن ەكى-ءۇش سۋرەت, سول ۋاقىتتاعى احۋالعا قاتىستى ءبىردى-ەكىلى قۇجات ىلىنگەن ستەندتەن باسقا ەشتەڭە كوزگە تۇسە قويمادى. بار بولعانى وسى. ايماقتاعى اشارشىلىق زاردابى قالاي بولعاندىعىن باياندايتىن, ەلەستەتەتىن ودان وزگە دەرەك ۇشىراسپادى. جەرگىلىكتى تاريحشىلار ارناعان زەرتتەۋ ەڭبەكتەر بولۋشى ەدى. ولار دا كورىنبەيدى. زۇلمات قاراعاندى جەرىن اينالىپ وتكەن سياقتى قايعىلى كەزەڭ شىندىعىن جەتكىزۋ نەگە ەلەۋسىز قالىپ وتىرعاندىعىنا جول باستاۋشىمىز جاۋاپ تابا الماي قينالسا, مۇراجاي ديرەكتورىنىڭ ورىنباسارى وسىنداي وقيعا وتكەنىنەن بەيحابار ما, ءۇنسىز ۇستەل شۇقىلادى.
بۇرىنىراقتا مۇندا ەل ءومىرىندەگى ەلەۋلى داتالار, ۇمىتىلماس وقيعالارعا وراي ءارتۇرلى شارالار ۇيىمداستىرىلىپ جاتاتىن. عىلىمي كونفەرەنتسيالار مەن كەزدەسۋلەر, ەكسكۋرسيالار مەن كورمەلەر وتكىزىلەتىن. ال اشارشىلىق اقيقاتىنا بايلانىستى ەشقانداي ءىستىڭ قولعا الىنباۋى, وسىناۋ قاسىرەتتىڭ استارلارىن اشىپ كورسەتەتىن جاڭا دەرەكتەردىڭ العا تارتىلماۋى, شىندىعىن ايتقاندا, تاڭقالدىردى. بايقالعانداي, الدەبىر ورىننان تۇرتكى, نۇسقاۋ كۇتىلەتىن سىڭايلى. ونسىز جۇمعان اۋىز اشىلمايتىنداي-اق.
باستى سىلتاۋ دەرەك-مالىمەتتەردىڭ ازدىعىنا سايادى. ماسەلە وندا ەمەس, ق ۇلىق, ىنتا جوقتىعىندا, بەيجايلىقتا ما دەپ قالدىق. ەگەر ايماقتاعى اشارشىلىق سىرىن قازبالاسا تالاي قۇپيا اشىلار ەدى. مىسال ءۇشىن قازاق حالقىنىڭ اشتىقتان اسا اپاتقا ۇشىراعان جەرى – ورتالىق قازاقستان ءوڭىرى. 1932-33 جىلدارى تەك قارقارالى اۋدانى تۇرعىندارى 10 مىڭ ادامعا كەمىگەن. جازۋشى كامەل جۇنىستەگىنىڭ «قۇبا بەلدەر» رومانىنىڭ جالعاسى – «اپات» اتتى ەكىنشى كىتابىندا شەت اۋدانىنداعى ازاعا تولى وتىزىنشى جىلدار وقيعالارى جەرىنە جەتكىزىلە سۋرەتتەلەدى. بولاشاق اكادەميك قانىش ساتباەۆتىڭ يت ارقاسى قيانداعى ۇلىتاۋدان باياناۋىلعا جانۇشىرىپ جەتىپ, ءتۇتىنى ءبىرجولا سونۋگە شاق قالعان اعايىن-تۋىسقاندارىنىڭ ونشاقتى بالاسىن ءتۇن جامىلىپ الىپ كەتكەنى دە بەلگىلى. وسىنىڭ ءبارىن ىزدەستىرۋگە, تابۋعا, جۇرتقا تانىستىرۋعا, ەڭ الدىمەن, مۇراجاي مۇددەلى بولۋعا ءتيىس ەدى عوي.
ايقىن نەسىپباي,
«ەگەمەن قازاقستان».
قاراعاندى.
