ايگۇلدىڭ سوقپاعى
بەيسەنبى, 19 ءساۋىر 2012 7:38
ايگۇل اسىلبەكوۆا-نوكەرباەۆانىڭ گازەت-جۋرنالدارعا شىققان اڭگىمەلەرىن وقىعاندا ءبىر ساۋلە كورىنەدى-اۋ دەپ ويلاپ قوياتىنمىن. سونىم شىندىققا اينالا باستاعانعا ۇقسايدى. جۋىردا ونىڭ «باقىتتى بولاتىن ءومىر» اتتى تۇڭعىش اڭگىمەلەر جيناعى جارىق كوردى. كەيىپكەرلەرى كادىمگى ءوزىمىز كۇندەلىكتى كورىپ-ءبىلىپ, سىرلاسىپ, مۇڭداسىپ جۇرگەن قاراپايىم جاندار. ءتىپتى ءبىر ءسات سولاردىڭ اراسىنان ءوزىڭدى نەمەسە ءبىر تانىسىڭدى كورىپ قالعانداي اسەردە بولاسىڭ. «راس-اۋ!» دەپ, باسىڭدى شۇلعىپ قوستاي كەتەسىڭ. جيناقتاعى «قىرىق شىراق» دەگەن اڭگىمەسىن وقىپ كورىڭىزشى. توعىز اي ومىرتقاسىن ۇزە ءجۇرىپ كوتەرگەن, ءتۇن ۇيقىسىن ءتورت ءبولىپ, بەسىگىندە تەربەتكەن انانى مەككەگە ءۇش ارقالاپ بارسام دا بالالىق پارىزىمدى وتەي الامىن با دەپ كىم ويلانبايدى دەيسىز. وسى پەرزەنتتىك پارىزدىڭ قىر-سىرى اڭگىمەگە ارقاۋ بولعان.
بەيسەنبى, 19 ءساۋىر 2012 7:38
ايگۇل اسىلبەكوۆا-نوكەرباەۆانىڭ گازەت-جۋرنالدارعا شىققان اڭگىمەلەرىن وقىعاندا ءبىر ساۋلە كورىنەدى-اۋ دەپ ويلاپ قوياتىنمىن. سونىم شىندىققا اينالا باستاعانعا ۇقسايدى. جۋىردا ونىڭ «باقىتتى بولاتىن ءومىر» اتتى تۇڭعىش اڭگىمەلەر جيناعى جارىق كوردى. كەيىپكەرلەرى كادىمگى ءوزىمىز كۇندەلىكتى كورىپ-ءبىلىپ, سىرلاسىپ, مۇڭداسىپ جۇرگەن قاراپايىم جاندار. ءتىپتى ءبىر ءسات سولاردىڭ اراسىنان ءوزىڭدى نەمەسە ءبىر تانىسىڭدى كورىپ قالعانداي اسەردە بولاسىڭ. «راس-اۋ!» دەپ, باسىڭدى شۇلعىپ قوستاي كەتەسىڭ. جيناقتاعى «قىرىق شىراق» دەگەن اڭگىمەسىن وقىپ كورىڭىزشى. توعىز اي ومىرتقاسىن ۇزە ءجۇرىپ كوتەرگەن, ءتۇن ۇيقىسىن ءتورت ءبولىپ, بەسىگىندە تەربەتكەن انانى مەككەگە ءۇش ارقالاپ بارسام دا بالالىق پارىزىمدى وتەي الامىن با دەپ كىم ويلانبايدى دەيسىز. وسى پەرزەنتتىك پارىزدىڭ قىر-سىرى اڭگىمەگە ارقاۋ بولعان.
ەش بوياماسىز سومدالعان ۇرپاق كەلبەتى, ەش رومانتيكاسىز سۋرەتتەلگەن زامانا كورىنىسى, زامانداس پورترەتى ادەمى. اۆتور ادام بولمىسىن, قوعام پسيحولوگياسىن, تۇرمىسى مەن مادەنيەتىن باز قالپىندا, نانىمدى ءارى تارتىمدى بايانداپ بەرگەن. جۇرەكپەن جازىلعان دۇنيە ءجۇرەگىڭنىڭ تۇكپىرىنە جەتىپ, قوناقتاي بەرەدى ەكەن. ايەل بالاسى پەرزەنت كوتەرۋگە جارالدى دەسەك تە, قوعام ءومىرىنىڭ باسىنا تۋعان اۋمالى-توكپەلى زاماندا ولاردىڭ جۇك كوتەرۋىنە تۋرا كەلگەنى شىندىق. نەبىر «مەنمىن» دەگەن ەر ازاماتتاردىڭ ءوزى توسىننان كەلگەن نارىق «ءتومپەشىنە» توزە الماي, نە ىستەرىن بىلمەي ابدىراپ قالعانى اقيقات. قيىن-قىستاۋ شاقتا ءۇش بىردەي ۇلدى بىرىنەن كەيىن ءبىرىن دۇنيەگە اكەلگەن ايگۇل ولاردى تاربيەلەپ, بارىنە جوعارى ءبىلىم بەرىپ, ازامات ەتىپ شىعاردى. ەندى مىنە, سامايىن قىراۋ شالعان تۇستا شىعارماشىلىق ساپارعا بەت بۇرىپتى. بۇل ەكى ايەلدىڭ ءبىرىنىڭ قولىنان كەلە بەرمەيتىن ەرلىك. جازۋشى وسى ساپارعا شىقپاس بۇرىن قايدا باراتىنىن انىقتاپ العانعا ۇقسايدى. وزىنە سەنىمدى. باتىل. ءتىلدى بەزەمەيدى, ءدامدى ويدى كوزەيدى. ايتقاندارى مىق شەگەدەي ناقتى. قيالى ۇشقىر. قىسقا جازىپ, كوپ ايتادى. وقۋعا جەڭىل. قالام يەسىنىڭ وزىنە عانا ءتان شىعارماشىلىق ۇلگىسى بار.
مىناۋ جالعان تىرلىكتە ادامنىڭ كوپ نارسەنى جوعالتۋىنا تۋرا كەلەدى. بىراق ءوزىن جانە قۇداي بەرگەن قابىلەتىن جوعالتۋعا حاقى جوق. كەشەۋىلدەتىپ بولسا دا, قوڭىراۋلاتىپ جەتكەن قاناتقاقتى تۋىندىڭ كوڭىلدەن شىقتى. گەرولد بەلگەردىڭ «ايگۇلدىڭ سوقپاعى» دەپ العىسوز جازۋى دا سودان شىعار. «كىتاپ يەسى – اۆتور, ال ونىڭ تاعدىرىنا يە – قاۋىم» دەگەن ەكەن جازۋشى ۆيكتور گيۋگو. قاۋىمعا ۇسىنعان كىتاپ, حالىق يگىلىگىنە اسسا قۇبا-قۇپ.
گۇلماريا بارمانبەكوۆا,جۋرناليست.
