مەيىرىم
جۇما, 23 قاراشا 2012 7:03
ەكى بالانى قامقورلىقتارىنا العان وتباسى يەلەرىنە بۇكىل اۋىل ريزا
ارۋجان مەن ءاليحاننىڭ بال-بۇل جانعان جۇزدەرىن كورگەن سايىن حالىق جازۋشىسى شەرحان مۇرتازانىڭ: «تىرشىلىكتى ءتىرىلتىپ تۇرعان مەيىرىمدىلىك» دەگەن ءسوزدەرى ويىما ورالادى. كوكتەن توگىلگەن ساۋلەگە جاپىراعىن جايىپ, اينالاسىنا حوش ءيىسىن شاشاتىن گۇل ىسپەتتەس ماڭايىنا جىلىلىق ۇيالاتاتىنى بار ەكى ءجاسوسپىرىمنىڭ. بۇل – بۇگىنگى كورىنىس. كەشە…
جۇما, 23 قاراشا 2012 7:03
ەكى بالانى قامقورلىقتارىنا العان وتباسى يەلەرىنە بۇكىل اۋىل ريزا
ارۋجان مەن ءاليحاننىڭ بال-بۇل جانعان جۇزدەرىن كورگەن سايىن حالىق جازۋشىسى شەرحان مۇرتازانىڭ: «تىرشىلىكتى ءتىرىلتىپ تۇرعان مەيىرىمدىلىك» دەگەن ءسوزدەرى ويىما ورالادى. كوكتەن توگىلگەن ساۋلەگە جاپىراعىن جايىپ, اينالاسىنا حوش ءيىسىن شاشاتىن گۇل ىسپەتتەس ماڭايىنا جىلىلىق ۇيالاتاتىنى بار ەكى ءجاسوسپىرىمنىڭ. بۇل – بۇگىنگى كورىنىس. كەشە…
ء…ومىر سوققىسى جاس جۇرەكتەردى ەرتە جارالادى. ولار اسقار تاۋداي-اكەسى مەن قاينار بۇلاقتاي-شەشەسىنەن ەرتە ايىرىلدى. تاعدىردىڭ قاتال سىنىن بىرگە كوتەرىسكەن ەت باۋىر جاقىندارى –توكەن قاسابەكوۆ پەن ءاليا مالتاباروۆا وسىنداي قاسىرەتتى كۇندەرى ولاردى ءبىر ءسات تە نازاردان تىس قالدىرعان جوق. قولدارىنان كەلگەن كومەكتەرىن ايامادى. ەكەۋىن دە قامقورلىقتارىنا الىپ, اكەلەرىنىڭ ورنىنا اكە, شەشەلەرىنىڭ ورنىنا شەشە بولۋعا تىرىسىپ باقتى. تۋعان بالالارىنان ءبىر دە كەم كورمەي, قولدارىنان كەلگەنشە شاپاعاتتارىن تيگىزۋگە تىرىستى.
وسىنداي شىنايى جاناشىرلىقتىڭ ارقاسىندا ارۋجان مەن ءاليحان باستارىنا تۇسكەن, تاعدىر سالعان اۋىرتپالىقتى قايىسپاي كوتەرىپ, قاتار قۇربىلارىنان كەم بولماي, تال شىبىقتاي جايقالىپ ءوسىپ كەلەدى. ەكەۋى دە جاقسى وقيدى. ارۋجان تەك سىنىبىنىڭ عانا ەمەس, بۇكىل مەكتەبىنىڭ ماقتانىشى. ول بيىل وقۋ وزاتى رەتىندە جالپىعا بىردەي مىندەتتى ءبىلىم بەرۋ قورى ەسەبىنەن تەكەلى قالاسىنداعى «ەدەلۆەيس» سپورتتىق-ساۋىقتىرۋ لاگەرىندە دەمالدى. سونان كەيىن دە قامقورشىلارى ءاليا مەن توكەن ءوز قاراجاتتارىنان 70 مىڭ تەڭگە تولەپ, الاكولگە اپارىپ, تىنىقتىردى. ءاليحان بيىل مەملەكەتتىك گرانتتى جەڭىپ الىپ, الماتى ەنەرگەتيكا جانە بايلانىس ينستيتۋتىنا وقۋعا ءتۇستى.
ەكەۋىنىڭ دە قاسابەكوۆتەر ءۇيىندە وزدەرىنە بولىنگەن ارنايى بولمەلەرى بار. ەكەۋىنە دە ءبىر-ءبىر كومپيۋتەر ساتىپ الىپ بەرگەن.
ۇيلەرىنەن كوتەرىڭكى كوڭىل كۇيمەن شىعىپ بارا جاتقانىن كورگەن كورشىلەرى ولارعا قاشان دا سۇيسىنە قارايدى. ءوز بالالارىنان كەم كورمەي تاربيەلەپ, ءوسىرىپ جاتقان توكەن مەن الياعا دا ولار شەكسىز ريزا. وسىلاي ارۋجان مەن اليحانعا كورسەتىپ وتىرعان قايىرىمدىلىقتارى بۇكىل اۋىلعا ۇلگى-ونەگە بولۋدا.
ولار قوس شىنارعا مەيىرىمدەرىمەن ومىرگە دەگەن قۇشتارلىق, قۇربى-قۇرداس, قورشاعان ورتاسىنا دەگەن شەكسىز ماحاببات سىيلادى. باۋىرمالدىلىعى ءبىر بولەك. كىشىپەيىلدىلىگى مەن كوپشىلدىگى توكەن مەن ءاليانى اۋىل ايماقتارى اراسىندا, ءتىپتى, سۇيكىمدى ەتىپ كورسەتۋدە. ال, ارۋجان مەن اليحانعا جاساپ وتىرعان جاقسىلىقتارى ارنايى ءسوز ەتۋگە تۇرارلىقتاي… ولار ءۇشىن ءومىر دە وسىلاي جاس وسكىندەرگە جاقسىلىق جاساۋمەن ءماندى دە ماڭىزدى ءتارىزدى…
سارقىت سايلاۋباەۆا,
ۇستاز.
الماتى وبلىسى,
بالقاش اۋدانى,
باقاناس اۋىلى.
