جەمىستى جۇمىستىڭ جالعاسى
سەنبى, 17 قاراشا 2012 8:07
قازاق ەلى الەمدىك ارەناداعى تاعى ءبىر اسۋدى باعىندىردى.قازاقستاننىڭ حالىقارالىق ىستەر بويىنشا الەمدىك ارەناداعى ءرولىمەن ورنى جىل وتكەن سايىن ارتىپ كەلە جاتقانىنىڭ كۋاسىمىز. قازاقستانالعاش رەت بىرىككەن ۇلتتار ۇيىمى ادام قۇقىقتارى جونىندەگى كەڭەسىنىڭمۇشەسى بولىپ سايلانعاندىعى جايلى اقجولتاي جاڭالىق مەرەيىمىزدىتاعى ءبىر ءوسىردى.
سەنبى, 17 قاراشا 2012 8:07
قازاق ەلى الەمدىك ارەناداعى تاعى ءبىر اسۋدى باعىندىردى.قازاقستاننىڭ حالىقارالىق ىستەر بويىنشا الەمدىك ارەناداعى ءرولىمەن ورنى جىل وتكەن سايىن ارتىپ كەلە جاتقانىنىڭ كۋاسىمىز. قازاقستانالعاش رەت بىرىككەن ۇلتتار ۇيىمى ادام قۇقىقتارى جونىندەگى كەڭەسىنىڭمۇشەسى بولىپ سايلانعاندىعى جايلى اقجولتاي جاڭالىق مەرەيىمىزدىتاعى ءبىر ءوسىردى.
بۇل دەگەن ەلىمىزدىڭ دەموكراتيا قۇندىلىقتارىن جوعارى قويعان مەملەكەت رەتىندە الەمگە تانىلۋىنىڭ ايقىن كورىنىسى. قازاقستاننىڭ تاۋەلسىزدىك العان جىلدان بەرى الەمنىڭ الدىڭعى قاتارلى دەرجاۆالارىمەن, كورشى مەملەكەتتەرمەن سەنىمدى قاتىناس جاساۋىنىڭ جەمىسى.
الدىڭعىلارىن ايتپاعاننىڭ وزىندە, سوڭعى جىلدارى سىرتقى الەممەن ورنىقتىرعان ۇتىمدى بايلانىستىڭ ارقاسىندا قازاقستان ەۋروپاداعى قاۋىپسىزدىك جانە ىنتىماقتاستىق ۇيىمىنا ءتوراعالىق ەتۋ مارتەبەسىنە يە بولدى. سونىمەن قاتار, شانحاي ىنتىماقتاستىق ۇيىمىنا جانە يسلام ىنتىماقتاستىعى ۇيىمىنا ءتوراعالىق ەتۋ ارقىلى ءوزىنىڭ حالىقارالىق ارەناداعى ۇستانىمى مەن بەدەلىن كوتەرىپ وتىرعانى تاعى راس. بۇگىنگى تاڭدا قازاقستاندا «ەۋروپاعا جول» مەملەكەتتىك باعدارلاماسى ىسكە اسىپ جاتقانىنان حاباردارمىن. بۇل ءبىزدىڭ كارى قۇرلىق ەلدەرىمەن, حالىقارالىق ۇيىمدارمەن ساياسي, قۇقىقتىق جانە ەكونوميكالىق ىنتىماقتاستىقتى دامىتۋدىڭ التىن ارقاۋى بولىپ تابىلادى.
ادام قۇقىقتارىن قورعاۋ سالاسىنا مەملەكەت باسشىسى نۇرسۇلتان نازارباەۆ ارقاشاندا باسا نازار اۋدارىپ كەلەدى. سوندىقتان مەملەكەتتىڭ ادامعا ۇنەمى قامقورلىق كورسەتۋى, جاقسى ءومىر ءسۇرۋى ءۇشىن وعان قاجەتتى بارلىق جاعدايدى جاساۋى, ونىڭ دەنساۋلىعىن قورعاۋ ءۇشىن قاجەتتى شارالار قابىلداۋى, جەكە ومىرىنە قول سۇعۋشىلىقتان قورعاۋى جولىندا كوپتەگەن جۇمىستار اتقارىلىپ جاتقانىنىڭ كۋاسى بولىپ وتىرمىز.
سونىڭ ءبىر دالەلى, قازاقستان رەسپۋبليكاسى پرەزيدەنتىنىڭ جانىنداعى ادام قۇقىقتارى ءجونىندەگى كوميسسياسىنىڭ جەمىستى جۇمىسى دەۋگە بولادى. جاقىندا اتالعان كوميسسيا شىعارعان «قازاقستان رەسپۋبليكاسىنداعى ورالمانداردىڭ, ازاماتتىعى جوق ادامداردىڭ جانە بوسقىنداردىڭ قۇقىقتارىنىڭ احۋالى تۋرالى» ارنايى باياندامانىڭ تۇساۋكەسەرىنە قاتىستىم. باياندامادا جوعارىدا اتالعان ادامداردىڭ قازاقستان رەسپۋبليكاسى تاۋەلسىزدىك العان كۇننەن باستاپ قازىرگى كەزگە دەيىنگى قۇقىقتارىنىڭ احۋالى سالىستىرمالى باعالانعان, ورالمانداردىڭ, ازاماتتىعى جوق ادامداردىڭ, بوسقىنداردىڭ قۇقىقتارىن قورعاۋدىڭ ءتۇيىندى پروبلەمالارى مەن ولاردى شەشۋ جولدارى ايقىندالعان. سونىمەن قاتار, قازىرگى حال-احۋالىن جاقسارتۋ جونىندەگى ناقتى ءىس-قيمىلدار ۇسىنىلعان. وسى بايانداما مەن ونىڭ ماڭىزدى جانە ەلەۋلى ۇسىنىمدارى قازاقستان رەسپۋبليكاسى ۇكىمەتىنىڭ الەۋمەتتىك جانە كوشى-قون سالاسىنداعى ءجۇرگىزىپ جاتقان شارالاردى جاقسارتۋ ءۇشىن نەگىز بولادى دەپ سەنەمىن.
مىنە, ەندى بىرىككەن ۇلتتار ۇيىمىنىڭ 47 مەملەكەتتەن قۇرالعان ادام قۇقىقتارى كەڭەستىڭ قۇرامىنا ەنۋىمىز ەلباسىنىڭ دەر كەزىندە قابىلداعان دۇرىس شەشىمدەرىنىڭ ناتيجەسى دەپ بىلەمىن.
فاريدا مەرحاميتقىزى,
«ەركە-نۇر شاراپات» قوعامدىق
قورىنىڭ پرەزيدەنتى.
