الەم مويىنداعان جەتىستىك
جۇما, 16 قاراشا 2012 7:27
ەلىمىزدىڭ بۇۇ باس اسسامبلەياسىنىڭ 67-ءشى سەسسياسى شەڭبەرىندە ادام قۇقىقتارى جونىندەگى كەڭەس مۇشەلىگىنە العاش رەت سايلانۋى قازاقستاننىڭ حالىقارالىق قوعامداستىق تاراپىنان قولداۋعا يە ەكەنىن تاعى ءبىر پاش ەتتى.
قازاق حالقى الەمگە قاشاندا ءوزىن قوناقجايلىعىمەن ءارى دارحان كوڭىلىمەن كەز كەلگەن ورتاعا سىيىسا الاتىن ەرەكشە ءبىر قاسيەتى ارقىلى تانىتىپ كەلەدى. ادام قۇقىقتارى جونىندەگى كەڭەسكە ءمۇشە بولۋى دا سونىڭ ناتيجەسى دەپ بىلەمىن. سونىمەن قاتار, بۇل – ەلىمىزدەگى دەموكراتيا قاعيداتتارىنىڭ جانە ادام قۇقىقتارىنىڭ جان-جاقتى ساقتالىپ وتىرعاندىعىنىڭ بەلگىسى. قازاقستان كانديداتۋراسى ءۇشىن الەمنىڭ 183 ەلىنىڭ قولداپ داۋىس بەرۋى وسىنىڭ ايقىن كورسەتكىشى دەسەم دە بولادى.
جۇما, 16 قاراشا 2012 7:27
ەلىمىزدىڭ بۇۇ باس اسسامبلەياسىنىڭ 67-ءشى سەسسياسى شەڭبەرىندە ادام قۇقىقتارى جونىندەگى كەڭەس مۇشەلىگىنە العاش رەت سايلانۋى قازاقستاننىڭ حالىقارالىق قوعامداستىق تاراپىنان قولداۋعا يە ەكەنىن تاعى ءبىر پاش ەتتى.
قازاق حالقى الەمگە قاشاندا ءوزىن قوناقجايلىعىمەن ءارى دارحان كوڭىلىمەن كەز كەلگەن ورتاعا سىيىسا الاتىن ەرەكشە ءبىر قاسيەتى ارقىلى تانىتىپ كەلەدى. ادام قۇقىقتارى جونىندەگى كەڭەسكە ءمۇشە بولۋى دا سونىڭ ناتيجەسى دەپ بىلەمىن. سونىمەن قاتار, بۇل – ەلىمىزدەگى دەموكراتيا قاعيداتتارىنىڭ جانە ادام قۇقىقتارىنىڭ جان-جاقتى ساقتالىپ وتىرعاندىعىنىڭ بەلگىسى. قازاقستان كانديداتۋراسى ءۇشىن الەمنىڭ 183 ەلىنىڭ قولداپ داۋىس بەرۋى وسىنىڭ ايقىن كورسەتكىشى دەسەم دە بولادى.
مەنىڭ ەستۋىمشە, داۋىس بەرۋ ناتيجەسى بويىنشا ءبىزدىڭ ەل بەسىنشى ورىننان كورىنگەن. تاۋەلسىزدىگىن العانىنا جيىرما جىل بولعان ەل ءۇشىن ونىڭ ايتارلىقتاي ۇلكەن جەتىستىك ەكەنىنە ەش ءشۇبا جوق. ارينە, وسى رەتتە مۇنداي جەتىستىكتىڭ ەل مەن ەلباسى بەدەلى ارقاسىندا مۇمكىن بولعاندىعىن دا قاپەرگە سالا كەتكەن ءجون. مەنىڭ ويىمشا, وسىنداي بەدەل ارقاسىندا عانا ءبىزدىڭ ەلىمىزگە مۇشەلىك ەتۋ سەنىپ تاپسىرىلدى. قازاقستاننىڭ ازاماتى رەتىندە مەن ءۇشىن بۇل يگى جاڭالىق ءجانە وتە ۇلكەن مارتەبە. ويتكەنى, كەزەكتى رەت ەلىمىزدى بۇكىل الەم تاعى دا مويىندادى ءارى سەنىم ارتتى.
ادام قۇقىقتارى تەك دەموكراتيالىق ەلدەردە ساقتالارىن ەسكەرسەك, ءبىزدىڭ كونستيتۋتسيامىزدا ادام قۇقى مەن ەركىندىگىن قورعاۋ جان-جاقتى قامتىلعان. ەكىنشى جاعىنان قاراعاندا, ەلىمىزدە اتا زاڭ جانە ونىڭ قاعيداتتارى جۇمىس ىستەپ تۇرعاندىعىنان الەم جۇرتى حاباردار ەكەندىگىن بۇل جاعداي انىق بايقاتتى. ەلىمىزدە ادام قۇقىقتارى ەڭ جوعارى دەڭگەيدە مەملەكەت تاراپىنان قورعالعان جانە دە ول قۇقىقتاردىڭ مىزعىماستىعىنا ەلباسىمىز نۇرسۇلتان ءابىش ۇلى نازارباەۆ كەپىل بولىپ تابىلادى.
بۇۇ ادام قۇقىقتارى ءجونىندەگى كەڭەسىنە مۇشەلىككە سايلانۋىمىز ارقىلى ءبىز ءوزىمىزدىڭ بويىمىزدا الەۋەتىمىزدىڭ ءالى دە باسىم ەكەنىن تاعى ءبىر دالەلدەدىك. بۇل, سونىمەن قاتار, ەلىمىزگە قول جەتكىزگەن جەتىستىكتەرىمەن شەكتەلىپ قالماي, ءارى قاراي دا دامۋ تۇرعىسىنان ۇلكەن جاۋاپكەرشىلىك جۇكتەپ وتىر. دەمەك, وسى ادام قۇقىقتارى سالاسىنداعى جەتىستىكتەرىمىزدى ەسەلەۋ جولىندا ايانباي تەر توگۋىمىز قاجەت. الەمگە ءوزىمىزدىڭ تۇرلاۋلى ەل ەكەنىمىزدى ءارى قاراي دا دالەلدەي ءتۇسىپ, وسى تۇعىردان تايماۋىمىز كەرەك.
ادام قۇقىقتارى قورعالعان كەز كەلگەن مەملەكەتتە قالعان ءماسەلەلەردىڭ بارلىعى دا شەشىمىن تابارىنا ەشكىمنىڭ دە كۇمانى بولا قويماس. ەكونوميكالىق, الەۋمەتتىك, ءتىپتى ەتنوسارالىق ماسەلەلەردىڭ تۇيتكىلدەرىن شەشۋگە بولادى جانە وعان بارلىق العىشارتتار جاسالعان. ەلىمىزدە ءجۇزدەن استام ەتنوس وكىلدەرى تۇرعانىمەن, ولاردىڭ قۇقىقتارى مەن ەركىندىگى جان-جاقتى قورعالعاندىعىن الەم كورىپ وتىر.
ءبىز ءبىرتۇتاس حالىقپىز, سوندىقتان دا ءبىر ەلمىز. «بىرلىك بار جەردە, تىرلىك بار», دەيدى حالىق. مىنە, سول بىرلىگىمىزدىڭ ارقاسىندا بارلىعىمىز دا ورتاق وتانىمىز ءۇشىن ەڭبەك ەتىپ, وسىنداي جەتىستىكتەرگە جەتىپ كەلەمىز جانە الدا دا جەتە بەرەيىك.
حۋساين ۆاليەۆ,
پارلامەنت سەناتىنىڭ دەپۋتاتى.
