حالىقتان ۇيات بولدى…
سارسەنبى, 10 قازان 2012 7:11
بيىلعى 14 قىركۇيەكتە وبلىستىق اكتيۆتە وبلىستىڭ جاڭا اكىمى باقتىقوجا ىزمۇحامبەتوۆ استانادا ەلباسى قابىلداۋىندا بولعاننان كەيىنگى اقجولتاي جاڭالىقتاردان حاباردار ەتتى.
– اۋىز سۋمەن وبلىس حالقىنىڭ قامتاماسىز ەتىلۋ كورسەتكىشى 56,8 پايىزدى قۇراپ وتىر. ال, تابيعي گازبەن قامتۋ 76 پايىزعا جەتكەن. قوياندى سۋ قۇبىرىنىڭ جوباسى جىر بولىپ كەلە جاتىر. اۋىز سۋمەن قامتۋدا كوپ جۇمىس جاسالدى دەگەنمەن, تىرشىلىك نارىنە مۇقتاج اۋىلدار ءالى دە بار. مىسالى, اقجايىق اۋىلىنا قۇجات جۇزىندە سۋ بەرىلدى دەلىنگەن, شىن مانىندە ولاي ەمەسىن كورىپ وتىرمىن, – دەدى باقتىقوجا سالاحاتدين ۇلى («اتىراۋ» گازەتى, №107, 15 قىركۇيەك, 2012 جىل).
سارسەنبى, 10 قازان 2012 7:11
بيىلعى 14 قىركۇيەكتە وبلىستىق اكتيۆتە وبلىستىڭ جاڭا اكىمى باقتىقوجا ىزمۇحامبەتوۆ استانادا ەلباسى قابىلداۋىندا بولعاننان كەيىنگى اقجولتاي جاڭالىقتاردان حاباردار ەتتى.
– اۋىز سۋمەن وبلىس حالقىنىڭ قامتاماسىز ەتىلۋ كورسەتكىشى 56,8 پايىزدى قۇراپ وتىر. ال, تابيعي گازبەن قامتۋ 76 پايىزعا جەتكەن. قوياندى سۋ قۇبىرىنىڭ جوباسى جىر بولىپ كەلە جاتىر. اۋىز سۋمەن قامتۋدا كوپ جۇمىس جاسالدى دەگەنمەن, تىرشىلىك نارىنە مۇقتاج اۋىلدار ءالى دە بار. مىسالى, اقجايىق اۋىلىنا قۇجات جۇزىندە سۋ بەرىلدى دەلىنگەن, شىن مانىندە ولاي ەمەسىن كورىپ وتىرمىن, – دەدى باقتىقوجا سالاحاتدين ۇلى («اتىراۋ» گازەتى, №107, 15 قىركۇيەك, 2012 جىل).
حالىقتى اۋىز سۋمەن قامتۋ كورسەتكىشى 96 پايىزعا جەتتى دەگەن بۇرىنعى باسشى مالىمدەمەسى تەك كوزبوياۋشىلىق بولىپ شىقتى… وسى رەتتە اۋدان اكىمدەرىنە دەگەن حالىقتىڭ وكپە-رەنىشى ۇشان-تەڭىز. سەبەبى, ولار اۋدانعا بۇرىنعى وبلىس اكىمى كەلەتىن بولسا, سويلەۋشىلەردىڭ ءسوزىن جازىپ بەرىپ, ارتىق ەشتەڭە ايتپاۋدى قاتاڭ تاپسىراتىن. شەشەندەر دە سول ۇردىستەن شىعىپ كەلدى. بۇرىنعى وبلىس اكىمى ماحامبەت اۋدانىنا ساپارلاعاندا جينالىسقا ءبىر توپ ارداگەردى كىرگىزبەگەنىن دە ەستىگەنبىز. جانە سول كۇنى ماحامبەتتەگى سۋ تازارتۋ قوندىرعىسى سۋدى تاڭەرتەڭنەن كەشكە دەيىن ايداعان. ءبىر اپتا وتكەسىن, بۇرىنعى كۇيىنە ءتۇسىپ, تاڭەرتەڭ ەكى ساعات, كەشكە قاراي ەكى ساعات بەرىپ, شارۋانى ءبىتىرگەن. جينالىسقا دايىندالىپ كەلگەندەردىڭ سوزىنە قاراعاندا, قوي دا توق, قاسقىر دا توق زاماندا ءومىر ءسۇرىپ جاتقان بولاتىنبىز.
اۋىلعا كەلەتىن تازا سۋ دا, وشاقتا جانىپ جاتقان «كوگىلدىر وتىن دا» بىرەۋدىڭ نۇسقاۋى بويىنشا كورسەتىلەدى. بۇل جەردە باستى كىنا سەلو نە اۋدان اكىمىندە بولۋى ءتيىس.
– ەشكىمدى دە قارالاعانىمىز ەمەس, بىراق, شىندىق قاشاندا قىمبات. بيىل وبلىستاعى 40 مەكتەپكە كۇردەلى جوندەۋ قاراستىرىلسا, سونىڭ ءبارىن دە ەكى كومپانيا مويىندارىنا العان. ولار دا جۇمىستى وزدەرى جاساماعان, باسقا مەردىگەرلەرگە تاپسىرعان. مەردىگەر ءوز كەزەگىندە, قوسالقى مەردىگەردىڭ كومەگىنە سۇيەنگەن. سالدارىنان جاڭا وقۋ جىلىندا ون مەكتەپتىڭ ەسىگى اشىلمادى, سەگىز مەكتەپتىڭ وقۋشىلارى ءار جەردە تەنتىرەپ وقۋعا ءماجبۇر بولىپ وتىر. تاعى ءبىر ماسەلە, تيپتىك مەكتەپتەردىڭ ءوزىندە اجەتحانا قاراستىرىلماعان, – دەدى وبلىس اكىمى ب.ىزمۇحامبەتوۆ اكتيۆتە ءسويلەگەن سوزىندە. («اتىراۋ» گازەتى, №107, 15 قىركۇيەك, 2012 جىل).
وبلىس اكىمى باقتىقوجا ءىزمۇحامبەتوۆتىڭ وسى سوزىنەن ۇققانىمىز, وبلىسقا ءالى دە 220 ءدارىگەر قاجەتتىگىن, وبلىسىمىز بالا ءولىمى بويىنشا رەسپۋبليكا كورسەتكىشىنىڭ 15-ءشى ورنىندا, تۋبەركۋلەز اۋرۋى بويىنشا 13-ءشى ورىندا تۇرعاندىعىن, وبلىستا ءالى 21 دەنساۋلىق ساقتاۋ نىسانىنىڭ قاجەتتىگىن بىلدىك. سونداي-اق, وبلىس بويىنشا 28 ءمادەني وشاققا كۇردەلى جوندەۋ قاجەت بولسا, 25 ەلدى مەكەندە ءمادەنيەت ءۇيىنىڭ اتىمەن جوقتىعىن ەستىپ-بىلدىك. راس, مۇنىڭ ءبىرازى بۇرىنعى اكىمنىڭ كەزىندە دە بەلگىلى بولاتىن.
ارينە, بۇل جاعدايلارعا كەشىرىممەن دە قارار ەدىك. ءبىزدى اكىمشىلىك قىزمەتكەرلەرىنىڭ, وبلىس اكىمىنىڭ ءبىرىنشى ورىنباسارى بولات داۋكەنوۆتىڭ, وبلىستىق قارجى باسقارماسىنىڭ باستىعى باۋىرجان جانتەمىروۆتىڭ, وبلىستىق ەنەرگەتيكا, تۇرعىن ءۇي, كوممۋنالدىق شارۋاشىلىق باسقارماسىنىڭ باستىعى باۋىرجان جايسانوۆتىڭ جەمقورلىعى ءۇشىن قاماۋعا الىنۋى جەرگە قاراتتى.
وسى جەردە ءبىر ايتا كەتەر نارسە, وبلىستىڭ بۇرىنعى اكىمى بەرگەي رىسقاليەۆ وبلىستاعى مۇناي كومپانيالارىنىڭ باسشىلارىنا «بالالار باقشاسىن سالىپ بەرمەسەڭدەر, قىزمەتكەرلەرىڭنىڭ بالالارىن بالاباقشاعا قابىلداتپايمىن» دەۋى دە كوڭىلگە كىربىڭ ۇيالاتتى. سوندا, اكىم وبلىستاعى 450-دەي مۇناي كومپانياسىنىڭ بيۋدجەتتىڭ ءبۇيىرىن قالاي تولتىرىپ جاتقاندارىن ەسىنەن شىعارىپ العانى ما؟ ول كومپانيالاردا جۇمىس جاساپ جاتقان قىزمەتكەرلەر وبلىستىڭ قاراپايىم حالقى ەمەس پە, ولاردىڭ قانداي كىناسى بار ەدى؟ ءتىپتى, مۇعالىمدەرگە بەرىلەتىن كومەك قارجىنى دا قۇلقىندارىنا سالىپ جىبەرۋى كەشىرىمسىز جاي.
قازىر وبلىس حالقىنىڭ اۋزىنداعى اڭگىمە بۇرىنعى باسشىلاردىڭ جەمقورلىققا بەلشەلەرىنەن باتۋى. ارينە, تەرگەۋ اياقتالىپ, سوت بولماي, ءبىز ەشتەڭە ايتا المايمىز. بىراق تا, باسشىلاردىڭ ۇزاق ۋاقىت بويى ەلدى الداپ كەلۋى حالىقتان دا ۇيات بولدى… وسىندايدا قانىڭ قالاي قاينامايدى؟!
ءسوز تۇيىنىندە تاعى ءبىر جايدى ايتۋعا تۋرا كەلىپ تۇر. وبلىستاعى باسقا دا گازەتتەرمەن قاتار «مۇنايلى استانا» گازەتى دە بۇرىنعى اكىمنىڭ تۇسىندا كەيبىر ماداقتاۋ ماقالالارىن بەرگەن-ءدى. قايتەيىك ەندى, اسىرا ماقتاعان كەزىمىز ءۇشىن وقىرمانداردان مىڭ مارتە كەشىرىم سۇرايمىز. ەڭ باستىسى – ەل بولىپ, جۇرت بولىپ وسى ىستەن ساباق الۋ.
قۇتتىگەرەي سماديار,
«مۇنايلى استانا» گازەتىنىڭ باس رەداكتورى.
اتىراۋ.
