اۆتوماتتار تاركىلەندى

سەنبى, 8 قىركۇيەك 2012 7:17

وبلىستىق ەكونوميكالىق جانە سىبايلاس جەمقورلىققا قارسى كۇرەس دە­پار­تامەنتى وتكىزگەن بريفينگتە بەلگىلى بولعانداي, جىل باسىنان بەرى زاڭسىز ويىن بيزنەسىنە قارسى تۇرۋ ماقساتىندا 13 قىلمىستىق ءىس قوزعالعان. سو­لار­دىڭ ءبىرى جۋىردا اشكەرەلەنگەن. اتاپ ايتقاندا, «كلۋب سپورتيۆنوگو پوكەرا» جشس-ءنىڭ ويىن زالىنان 3 پوكەر ۇستەلى, 5000 فيشكا, 94 قارت جانە 114,6 مىڭ تەڭگە قاراجات تاركىلەنگەن. ءباسپاسوز حاتشىسى نۇرلان جاحيننىڭ ايتۋىنشا, جەدەل ىزدەستىرۋ شارالارى بارىسىندا اۆتوۆوكزال اۋماعىنداعى زاڭسىز ويىن اۆتوماتتارى زالى قىزمەتىنىڭ جولى كەسىلگەن. ودان 20 ويىن اۆتوماتتارى, 86 مىڭ تەڭگە الىنىپ, جەكە كاسىپكەرگە بايلانىستى قىلمىستىق ءىس قوز­عالعان. «تەرريتوريا ينتەرنەتا» ينتەراكتيۆتىك كلۋبىندا ينتەرنەتكە شىعۋ دە­گەن جەلەۋمەن ونلاين-كازينو قىزمەتى ۇيىمداستىرىلعان. كومپيۋتەردىڭ 125 جۇيەلىك بلوگى مەن 430 مىڭ تەڭگە تاركىلەنىپ, كىنالى تۇلعالار جازاعا تارتىلدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.