ۋاقىتپەن ۇندەس
سەنبى, 25 تامىز 2012 6:07
مەملەكەتتىك بيلىكتىڭ بىردەن-ءبىر باستاۋى – حالىق دەيمىز. ال ەلىمىزدىڭ كونستيتۋتسياسى بويىنشا قازاقستان حالقىن مەملەكەتتىك بيلىكتىڭ بىردەن-ءبىر باستاۋى دەپ تانۋ مەملەكەت پەن ونىڭ ورگاندارى حالىقتىڭ قالاۋى بويىنشا قالىپتاساتىنىن بىلدىرەدى. بۇل ورايدا پرەزيدەنت ن.ءا.نازارباەۆتىڭ «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي جيىرما قادام» اتتى بارشا قازاقستاندىقتارعا ارنالعان باعدارلامالىق تاپسىرمالارىمەن ىشكى اسكەرلەردىڭ بارلىق جەكە قۇرامى دا ىقىلاس قويا تانىسىپ شىقتى. مەملەكەت باسشىسى ءوزىنىڭ جىل سايىنعى حالىققا ارناعان جولداۋلارىندا قوعامداعى وزەكتى ماسەلەلەرگە توقتالىپ, ەلىمىزدىڭ وڭ باعىتتارىنا, جاسامپازدىق دامۋىنا كوبىرەك كوڭىل ءبولىپ كەلەدى. ەلباسىمىزدىڭ جوعارىدا اتالعان باعدارلامالىق ماقالاسىندا دا وسى ماسەلەلەر جالعاسىن تاپقان.
سەنبى, 25 تامىز 2012 6:07
مەملەكەتتىك بيلىكتىڭ بىردەن-ءبىر باستاۋى – حالىق دەيمىز. ال ەلىمىزدىڭ كونستيتۋتسياسى بويىنشا قازاقستان حالقىن مەملەكەتتىك بيلىكتىڭ بىردەن-ءبىر باستاۋى دەپ تانۋ مەملەكەت پەن ونىڭ ورگاندارى حالىقتىڭ قالاۋى بويىنشا قالىپتاساتىنىن بىلدىرەدى. بۇل ورايدا پرەزيدەنت ن.ءا.نازارباەۆتىڭ «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي جيىرما قادام» اتتى بارشا قازاقستاندىقتارعا ارنالعان باعدارلامالىق تاپسىرمالارىمەن ىشكى اسكەرلەردىڭ بارلىق جەكە قۇرامى دا ىقىلاس قويا تانىسىپ شىقتى. مەملەكەت باسشىسى ءوزىنىڭ جىل سايىنعى حالىققا ارناعان جولداۋلارىندا قوعامداعى وزەكتى ماسەلەلەرگە توقتالىپ, ەلىمىزدىڭ وڭ باعىتتارىنا, جاسامپازدىق دامۋىنا كوبىرەك كوڭىل ءبولىپ كەلەدى. ەلباسىمىزدىڭ جوعارىدا اتالعان باعدارلامالىق ماقالاسىندا دا وسى ماسەلەلەر جالعاسىن تاپقان.
ەلباسى اتا زاڭىمىزدىڭ تالاپتارىنا ءسايكەس ءاربىر قازاقستاندىقتىڭ, ونىڭ ىشىندە اسكەري قىزمەتشىلەردىڭ دە جۇرەگىنەن جول تاباتىن ءمانى زور ماسەلەلەردى كوتەرىپ قانا قويماي, ولاردى شەشۋدىڭ جولدارىن ۇسىنىپ, ۇكىمەتكە ناقتى تاپسىرمالار بەرگەن. اتالعان باعدارلامانىڭ وزەگى – ەڭبەك ەتۋ, ەلىمىزدىڭ الەۋمەتتىك-ەكونوميكالىق دامۋى بولعاندىقتان, مۇندا ايتىلعان ءاربىر ۇسىنىس پەن پىكىر سانالى جاستارعا وي سالارى ءسوزسىز.
«مەنىڭ نازارىمداعى باستى ماسەلە – ءار قازاقستاندىققا قامقورلىق كورسەتۋ. – جانە بۇل قاجەتتىلىك بولىپ تابىلادى, ويتكەنى الەۋمەتتىك ءماسەلەلەردى شەشۋگە ەلىمىزدىڭ بارلىق ازاماتتارىنىڭ ءومىرى مەن كۇن سايىنعى ءوزىن-ءوزى سەزىنۋلەرى تاۋەلدى» دەپ اتاپ كورسەتەدى مەملەكەت باسشىسى. سوندىقتان ادال ەڭبەككە ىنتالاندىرۋدىڭ جولىن كورسەتكەن ەلباسى, قوعامدىق ىنتالاندىرۋدىڭ جۇيەسىن قۇرۋدى الەۋمەتتىك جاڭعىرتۋدىڭ اسا ماڭىزدى ماسەلەلەرى ەكەنىنە باسا نازار اۋدارادى. قاراپايىم سوزبەن ايتقاندا, ەڭبەك ارقىلى ءاربىر قازاقستاندىق ازامات قوعامدا بولىپ جاتقان وزگەرىستەرگە قاتىسىپ, ءوزى دە ەلدىڭ وركەندەۋىنە وزىندىك ۇلەسىن قوسادى.
ال اسكەري قىزمەت, اسكەري قىزمەتشىلەردىڭ ءمارتەبەسى مەن ولاردىڭ وتباسى مۇشەلەرىن الەۋمەتتىك قورعاۋ جانە باسقا دا اسكەريلەرگە قاجەتتى زاڭداردىڭ ءبارى, اتا زاڭىمىزدان باستاپ ەل قورعاۋ جولىندا جۇرگەن ازاماتتاردىڭ قۇقىعىن قورعايدى. جىل سايىن اسكەري قىزمەتشىلەردىڭ ەڭبەك جالاقىلارى دا وسە ءتۇسىپ, زامان تىرلىگىنەن قالماۋعا ۇلكەن قولداۋ كورسەتىپ وتىر. مۇنىڭ ءبارى ءسوز جوق, ەلباسىمىز – قارۋلى كۇشتەرىمىزدىڭ جوعارعى باس قولباسشىسى ن.ءا.نازارباەۆتىڭ اسكەريلەرگە جاساپ وتىرعان قامقورلىعىنىڭ ارقاسى دەپ بىلەمىز.
جالپى, ەل قورعاۋ, جاستاردى قازاقستاندىق پاتريوتيزم مەن وتانعا دەگەن سۇيىسپەنشىلىكپەن تاربيەلەۋ, سالاۋاتتى ءومىر سالتىن ناسيحاتتاۋ ەلباسىمىزدىڭ ۇنەمى باستى نازارىندا. ونى كەشە عانا لوندوندا وتكەن وليمپيا ويىندارىنىڭ بارىسىندا دا كوز جەتكىزدىك. ەلباسىمىز ايتۋلى سپورتشىلارىمىزدى الەمدىك سىنعا اتتاندىرار الدىندا, ەلىمىزدىڭ كوك تۋىن جەلبىرەتۋلەرىنە, نامىستى قولدان بەرمەۋلەرىنە تىلەكتەس بولعان ەدى. سپورتشىلارىمىز ەرلەدى. ولاردى ەندى قالاي ماقتاساق تا جاراسادى. الەمدىك دودادا تۇڭعىش رەت جەتى التىن, ءبىر كۇمىس, بەس قولا مەدال جەڭىپ الىپ قازاقستان ءوزىنىڭ قارىشتاپ العا باسىپ كەلە جاتقانىن تاعى ءبىر رەت ءدالەلدەدى. وسى ون ءۇش مەدالدىڭ التاۋىن ىشكى ءاسكەردىڭ اسكەري قىزمەتشى-سپورتشىلارىنىڭ جەڭىپ العانى ءبىز ءۇشىن ۇلكەن ماقتانىش.
سپورتتا وسىنداي ۇلكەن جەتىستىكتەرگە جەتىپ وتىرعان اسكەرىمىز كۇندەلىكتى قىزمەتتەرىن دە ابىرويمەن ورىنداپ كەلەدى. قازىرگى ۋاقىتتا ىشكى اسكەرلەر ىشكى ىستەر مينيسترلىگى قىلمىستىق-اتقارۋ جۇيەسىنىڭ 50 تۇزەۋ مەكەمەسىن كۇزەتەدى جانە ىشكى ىستەر ورگاندارىنىڭ پوليتسيا قىزمەتكەرلەرىمەن بىرگە ەلىمىزدىڭ 19 قالاسىندا كوشە ءتارتىبىن قامتاماسىز ەتەدى.
ىشكى اسكەر تاريحىندا قىراعىلىق پەن باتىلدىقتىڭ ۇلگىلەرى كوپتەپ سانالادى. سوڭعى ەكى جىل ىشىندە عانا اسكەري بورىشىن اتقارۋ كەزىندە جانقيارلىق پەن باتىلدىق كورسەتكەنى ءۇشىن ىشكى ءاسكەردىڭ ونداعان اسكەري قىزمەتشىلەرى ەلباسى جارلىعىمەن مەملەكەتتىك ناگرادالارعا يە بولدى. ولاردىڭ اراسىندا ءىىى دارەجەلى «ايبىن» وردەنىمەن ماراپاتتالعان قاتارداعى ەربول وتارباەۆ بۇگىندەرى ىشكى اسكەرلەردىڭ پەتروپاۆلداعى ءاسكەري ينستيتۋتىندا وقيدى. جاۋىنگەرلىك نامىس تۋىن جوعارى ۇستاعان جاستارىمىز وسىنداي ەرلىكتىڭ ۇلگى-ونەگەلەرىن كورسەتۋدى جالعاستىرىپ كەلەدى.
پاتريوتتىق تاربيە باعىتىنداعى شارالاردى جىل بويى وتكىزۋ, جاس ساربازداردى ەرلىك ءداستۇرىنە تاربيەلەۋ – يگى ىستەرىمىزدىڭ ءبىرى. سوڭعى جىلدارى تەمىرتاۋ, تالدىقورعان قالالارىندا جانە قاراكەمەر كەنتىندە ەرلىككە تاعزىم ەتەتىن ەسكەرتكىشتەر اشىلىپ, جاس ساربازداردىڭ اسكەري انتىن قاستەرلى ورىنداردا قابىلداۋ جاقسى ءداستۇرىمىزگە اينالدى.
ىشكى اسكەردەگى جاستارىمىز – ول قاتارداعى جاس ساربازدار مەن ساردارلارىمىز, اسكەري ينستيتۋتتا وقىپ جاتقان كۋرسانتتارىمىز, سونداي-اق اسكەري بولىمدەر مەن قۇرامالاردا قىزمەت ەتىپ جاتقان كەلىسىم-شارتتاعى اسكەري قىزمەتشىلەرىمىز. ولاي بولسا, بارلىق بۋىنداعى جاستارىمىز بۇگىنگى كۇننىڭ تالاپتارىن, ەلباسى ساياساتىنان تۋىندايتىن بارلىق ماسەلەلەردى جاۋاپكەرشىلىكپەن ءتۇسىنۋى ءتيىس.
مىنە, اتا زاڭىمىزدىڭ ايتۋلى مەرەكەسى قارساڭىندا جاريالانعان ەلباسىنىڭ «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» اتتى باعدارلامالىق ماقالاسىنان تۋىندايتىن ويلار وسىنداي. ۋاقىتپەن ۇندەس ۇسىنىستىڭ بولاشاققا باستايتىن باسپالداق ەكەنى ءسوزسىز. اسكەريلەردىڭ قاجىرلى ەڭبەگى – ول وتانعا ابىرويلى قىزمەت.
ابدىسادىق ەرەجەپوۆ,
ءىىم ىشكى اسكەرلەرىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى.
استانا.
