ازاماتتار ارىز-شاعىمى ەسكەرۋسىز قالمايدى
سەيسەنبى, 26 ماۋسىم 2012 7:22
قازاقستان رەسپۋبليكاسىنىڭ ۇكىمەتى ەلىمىزدىڭ پروكۋراتۋرا, باسقا دا قۇقىق قورعاۋ ورگاندارىمەن بىرلەسە وتىرىپ, ازاماتتاردىڭ ارىز-شاعىمدارىن قاراۋ ءىسىن جاقسارتۋعا باعىتتالعان كوپتەگەن جۇمىستاردى جۇزەگە اسىرۋدا. ەلىمىزدەگى كاسىپكەرلىك قوزعالىستىڭ دامۋىنا, ازاماتتىق قۇقىقتى قورعاۋ مەن اكىمشىلىك رەفورماسىن ىسكە اسىرۋدا بۇل ءىستىڭ دە تيگىزەتىن پايداسى از ەمەس.
سەيسەنبى, 26 ماۋسىم 2012 7:22
قازاقستان رەسپۋبليكاسىنىڭ ۇكىمەتى ەلىمىزدىڭ پروكۋراتۋرا, باسقا دا قۇقىق قورعاۋ ورگاندارىمەن بىرلەسە وتىرىپ, ازاماتتاردىڭ ارىز-شاعىمدارىن قاراۋ ءىسىن جاقسارتۋعا باعىتتالعان كوپتەگەن جۇمىستاردى جۇزەگە اسىرۋدا. ەلىمىزدەگى كاسىپكەرلىك قوزعالىستىڭ دامۋىنا, ازاماتتىق قۇقىقتى قورعاۋ مەن اكىمشىلىك رەفورماسىن ىسكە اسىرۋدا بۇل ءىستىڭ دە تيگىزەتىن پايداسى از ەمەس.
قازاقستان رەسپۋبليكاسى كونستيتۋتسياسىنىڭ 33-بابىنا سايكەس رەسپۋبليكا ازاماتتارى وزدەرى تىكەلەي نەمەسە ءتيىستى وكىلدەرى ارقىلى مەملەكەتتى باسقارۋ ىسىنە قاتىسۋعا, سونداي-اق مەملەكەتتىك جانە جەرگىلىكتى ءوزىن-ءوزى باسقارۋ ورگاندارىنا ارىز-شاعىمدارمەن جانە باسقا دا وتىنىشتەرمەن حابارلاسۋعا قۇقىلى.
«جەكە جانە زاڭدى تۇلعالاردىڭ وتىنىشتەرىن قاراۋدىڭ ءتارتىبى تۋرالى» زاڭ تالاپتارىنا سايكەس ولاردىڭ ارىز-شاعىمدارى جانە ءوتىنىشتەرى مىندەتتى تۇردە قابىلداۋعا, ءتىركەۋگە, ەسەپكە الىنۋعا جانە قاراۋعا جاتادى. بۇل جۇمىستاردىڭ ويداعىداي ۇيىمداستىرىلۋىنا مەملەكەتتىك ۇيىم باسشىسى جانە وسى ىسكە بەلگىلەنگەن قىزمەتكەر تىكەلەي جاۋاپتى بولىپ تابىلادى.
ارىز-شاعىمداردى تولىقتاي ەسەپكە الىپ جانە ولاردىڭ ورىندالۋىن قاداعالاۋ ماقساتىندا قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارناۋلى ەسەپ كوميتەتى «تۇلعالار ءوتىنىشىنىڭ ءبىرىڭعاي ەسەبى» اۆتوماتتاندىرىلعان اقپاراتتىق جۇيەسىن ازىرلەپ, ونى بارلىق مەملەكەتتىك مەكەمەلەرگە ەنگىزدى.
الايدا, سارىارقا اۋدانىنداعى مەملەكەتتىك مەكەمەلەردى تەكسەرۋ بارىسىندا انىقتالعان كوپتەگەن كەمشىلىكتەر جەكە جانە زاڭدى تۇلعالاردىڭ وتىنىشتەرىن ەسەپكە الۋ ءبولىگىندە مەملەكەتتىك ستاتيستيكالىق ەسەپتىلىكتە بۇرمالاۋ فاكتىلەرىنىڭ پايدا بولاتىندىعىن كورسەتىپ وتىر.
جوعارىداعى اتالعان زاڭ تالابىنا سايكەس كەلىپ تۇسكەن ءاربىر ءوتىنىش نەمەسە ارىز-شاعىم وسىعان ارنالعان جۋرنالعا تىركەلىپ, وعان «تۇلعالار ءوتىنىشىنىڭ بىرىڭعاي ەسەبى» اۆتوماتتاندىرىلعان اقپاراتتىق جۇيەسىنىڭ ەسەپ-كارتوچكاسى قويىلۋى كەرەك. سونىمەن قاتار, ءوتىنىش بەرۋشىگە ونىڭ ءوتىنىشىنىڭ قابىلدانعانى تۋرالى ءنومىرى, قابىلدانعان ۋاقىتى جانە قابىلداعان تۇلعانىڭ اتى-ءجونى كورسەتىلگەن تالون تاپسىرىلادى. ەگەر مۇنداي بولماعان جاعدايدا ارىز-شاعىمداردى ەسەپكە الۋ تالاپتارى بۇرمالانىپ, وسىدان بارىپ ولاردىڭ ورىندالۋىن باقىلاۋ جۇمىستارى دا بوساڭسۋى مۇمكىن.
سوندىقتان مەملەكەتتىك ورگانعا كەلىپ ءوز ءوتىنىشىن تاپسىرۋشى ءاربىر ادام ءوزىنىڭ كونستيتۋتسيالىق قۇقىن ءبىلۋى ءتيىس. جوعارىداعىداي ءتارتىپ شارالارى ورىندالماعان جاعدايدا ولار ءتيىستى مەكەمەنىڭ باسشىسىنا نەمەسە ونىڭ ورىنباسارىنا كىرىپ, شاعىم جاساي الادى. ول ءۇشىن مەكەمە باسشىلارىنىڭ ازاماتتاردى قابىلداۋ كەستەسى ادامداردىڭ كوزى تۇسەتىن كورنەكتى جەردە ءىلىنىپ تۇرۋى قاجەت. سونداي-اق استانا قالاسىنداعى سارىارقا اۋدانىنىڭ تۇرعىندارى وزدەرىنىڭ وتىنىشتەرى دۇرىس قابىلدانبادى دەپ ەسەپتەگەن جاعدايدا زاڭدى قۇقىن پايدالانۋ جونىندە كەڭەس الۋ ءۇشىن استانا قالاسىنداعى 44-63-88 تەلەفونىنا حابارلاسا الادى.
ايدار جانعۇتتينوۆ,
سارىارقا اۋدانى پروكۋرورىنىڭ كومەكشىسى, 2-ءشى سىنىپتى زاڭگەر.
استانا.
