كوميسسيانىڭ كومەگى كوپ
سەيسەنبى, 12 ماۋسىم 2012 7:19
ەلىمىزدە العاش رەت قۇقىق قورعاۋ ورگاندارىنىڭ ساپاسىن جوعارى دەڭگەيدە جاقسارتۋعا ەرەكشە نازار اۋدارىلدى. قازاق جەرىنىڭ مامىراجاي, بەيبىت ومىرىنە دۇنيە جۇزىندە كوز تىگىپ وتىرعاندار جەتەرلىك. سوندىقتان مۇنداي شەشىم بۇكىل الەمدە بولىپ جاتقان وسىنداي ءتۇرلى دۇربەلەڭ وقيعالاردى ەسكەرىپ, مەملەكەتتىڭ تىنىشتىعى مەن قاۋىپسىزدىگىن قامتاماسىز ەتۋدەن تۋىنداعان ماڭىزدى شارا بولىپ تابىلادى. بۇل شارا, ءارينە, ءاربىر قازاقستاندىقتاردىڭ تاعدىرىنا تىكەلەي اسەر ەتەتىنى انىق. ويتكەنى, قۇقىق قورعاۋ ورگاندارى قىزمەتكەرلەرىنىڭ ءبىرقاتارى ءوز شەندەرىن جەكە باسىنىڭ مۇددەسىنە پايدالانۋ ارقىلى زاڭسىز ءىس-ارەكەتتەرگە جول بەرسە دە جازاعا تارتىلماي قۇتىلىپ كەتەتىندەرى جوق ەمەس.
سەيسەنبى, 12 ماۋسىم 2012 7:19
ەلىمىزدە العاش رەت قۇقىق قورعاۋ ورگاندارىنىڭ ساپاسىن جوعارى دەڭگەيدە جاقسارتۋعا ەرەكشە نازار اۋدارىلدى. قازاق جەرىنىڭ مامىراجاي, بەيبىت ومىرىنە دۇنيە جۇزىندە كوز تىگىپ وتىرعاندار جەتەرلىك. سوندىقتان مۇنداي شەشىم بۇكىل الەمدە بولىپ جاتقان وسىنداي ءتۇرلى دۇربەلەڭ وقيعالاردى ەسكەرىپ, مەملەكەتتىڭ تىنىشتىعى مەن قاۋىپسىزدىگىن قامتاماسىز ەتۋدەن تۋىنداعان ماڭىزدى شارا بولىپ تابىلادى. بۇل شارا, ءارينە, ءاربىر قازاقستاندىقتاردىڭ تاعدىرىنا تىكەلەي اسەر ەتەتىنى انىق. ويتكەنى, قۇقىق قورعاۋ ورگاندارى قىزمەتكەرلەرىنىڭ ءبىرقاتارى ءوز شەندەرىن جەكە باسىنىڭ مۇددەسىنە پايدالانۋ ارقىلى زاڭسىز ءىس-ارەكەتتەرگە جول بەرسە دە جازاعا تارتىلماي قۇتىلىپ كەتەتىندەرى جوق ەمەس.
قۇقىق قورعاۋ قىزمەتى – مەملەكەتتىڭ فۋنكتسيالارىن ءىس جۇزىنە اسىرۋدىڭ قۇقىقتىق ءتۇرى رەتىندە كورىنىس تابادى. قۇقىق قورعاۋ ورگانىنىڭ قىزمەتى كەز كەلگەن مەملەكەت مىندەتتەرىنىڭ نەگىزگى باعىتى بولىپ ەسەپتەلىنەدى. سوڭعى جىلدارى ەلىمىزدە تەرروريزم, ءدىني ەكسترەميزمگە بوي الدىرعان ۇيىمداسقان قىلمىستار كەڭ ەتەك جايۋدا. سوندا بۇل وقيعالار ءبىزدىڭ قۇقىق قورعاۋ قىزمەتكەرلەرىنىڭ كاسىبي دەڭگەيىنىڭ تومەندىگىن جانە توتەنشە جاعدايلارعا ءمۇلدەم دايىن ەمەستىگىن كورسەتتى. ارنايى كاسىبي ءبىلىمى, دايىندىعى جوق ادامدار قۇقىق قورعاۋ ورگاندارى سالاسىندا كوپتەپ كەزدەسىپ جاتاتىنى انىق. سول سەبەپتى اتتەستاتتاۋ بارىسى ارنايى ءبىلىمى جوق, قىزمەت دەڭگەيى تومەن, قىزمەتتىك قۇقىقتارى مەن مىندەتتەرىنىنەن بەيحابار جانداردان ارىلتۋعا جول اشادى.
جالپى ءبىزدىڭ قوعامىمىزدا, ەل اراسىندا قۇقىق قورعاۋ ورگاندارىنا دەگەن سەنىم دەڭگەيى تومەندەگەنىن بايقايمىز. ولاي دەيتىن سەبەبىمىز, قۇقىق قورعاۋ ورگاندارى تاراپىنان قىلمىستاردى تىركەمەۋ, قىلمىستاردى اشپاۋ, جاسىرۋ, سونىمەن قاتار سوڭعى جىلدارى سىبايلاس جەمقورلىققا قاتىسى بار قۇقىق قورعاۋ قىزمەتكەرلەرى ۇستىنەن قىلمىستىق ىستەردىڭ قوزعالۋى كوڭىلگە كىربىڭ تۇسىرەدى.
بۇگىنگى تاڭدا ۇيىمداسقان قىلمىستىق توپ مۇشەلەرىنە دەگەن ەلىكتەۋشىلىك جاستار اراسىندا دا بەلەڭ الىپ وتىر. سوندىقتان مەملەكەتىمىزدە اتتەستاتتاۋ وتكىزۋ ارقىلى قوعامداعى قۇقىق قورعاۋ قىزمەتكەرلەرىنىڭ مارتەبەسىن كوتەرۋىمىز قاجەت. ەلدىڭ ءار ازاماتى ءوزىنىڭ قۇقىقتارى مەن بوستاندىقتارى بۇزىلعان جاعدايدا ادىلدىكتى تەك قۇقىق قورعاۋ ورگاندارىنان ىزدەۋى ءتيىس. الايدا, بۇگىنگى تاڭدا جاعداي بۇلاي بولماي تۇر. اتتەستاتتاۋ زاڭ تالاپتارىنا سايكەس وتە جوعارى دەڭگەيدە وتكىزىلسە ابزال بولار ەدى. ماسەلەن, امەريكا قۇراما شتاتتارىندا قۇقىق قورعاۋ قىزمەتكەرلەرىنە دەگەن قاراپايىم ازاماتتاردىڭ سەنىمى جوعارى. ويتكەنى, ولاردىڭ قىزمەتتىك كاسىبي بىلىكتىلىگى مەن ساۋاتتىلىعى بيىك دەڭگەيدە تۇر. بۇل ماسەلە – سول مەملەكەتتە بىردەن قالىپتاسقان قۇبىلىس ەمەس. مۇنداي جەتىستىككە ولار بىرنەشە جىلدىڭ ىشىندە كوپتەگەن وزگەرىستەردىڭ ارقاسىندا قول جەتكىزدى.
قۇقىق قورعاۋ قىزمەتكەرلەرىن كەزەكتەن تىس اتتەستاتتاۋدى وتكىزەتىن كوميسسيا مۇشەلەرى تولە بي بابامىز ايتقان: «تۋرا بيدە تۋعان جوق, تۋعاندى بيدە يمان جوق!» دەگەن قاعيداتتى باسشىلىققا الۋلارى نەگىزىندە اتقارىلۋى ءتيىس. سەبەبى, كوميسسيا مۇشەلەرىنەن قوعام ۇلكەن ءۇمىت كۇتەدى. ارتىمىزدا ءوسىپ كەلە جاتقان وسكەلەڭ ۇرپاقتىڭ قاۋىپسىزدىگىن قامتاماسىز ەتۋ ءۇشىن ەلىمىزدىڭ قۇقىق قورعاۋ ورگاندارىن كۇشەيتۋ كەرەك.
ابدىقاحار سەيىتجانوۆ,
زاڭ عىلىمدارىنىڭ كانديداتى.
الماتى.
