تەرگەۋ توبى جۇمىس ىستەۋدە
جۇما, 1 ماۋسىم 2012 8:29
30 مامىردا «شىعىس» شەكارا قىزمەتى وڭىرلىك باسقارماسى ءۇشارال شەكارا وتريادىنىڭ «سارىبوكتەر» شەكارالىق زاستاۆا ناريادى تاۋدا «ارقانكەرگەن» شەكارا بەكەتىنىڭ ورتەنگەن عيماراتىنا تاپ بولعان. مۇندا جاز كەزىندە 15 شەكاراشى قىزمەت اتقارادى.
كەشە استانادا وتكەن بريفينگتە ۇلتتىق قاۋىپسىزدىك كوميتەتى شەكارا قىزمەتى ديرەكتورىنىڭ ءبىرىنشى ورىنباسارى تۇرعانبەك ستامبەكوۆ حابارلاعانداي, وقيعا ورنىندا شەكارا قىزمەتىنىڭ ديرەكتورى گەنەرال-مايور نۇرجان مىرزاليەۆ باسقاراتىن باس اسكەري پروكۋراتۋرا مەن ءىىم وكىلدەرىنىڭ جانە ماماندارىنىڭ قاتىسۋىمەن وپەراتيۆتى تەرگەۋ توبى جۇمىس ىستەۋدە. قازىرگى كەزدە بەكەتكە جاقىن ورنالاسقان اڭشىلىق شارۋاشىلىق قىزمەتشىسىنىڭ (ەگەر) دەنەسىن قوسا العاندا, 13 ادامنىڭ كۇيگەن دەنەلەرى تابىلعان.
شەكارا قىزمەتى, ۇلتتىق قاۋىپسىزدىك جانە ىشكى ىستەر ورگاندارى كۇشىمەن شۇعىل ىزدەستىرۋ ءىس-شارالارى جۇرگىزىلۋدە.
«ەگەمەن-اقپارات».
