ءتۇسىندىرۋ جۇرگىزىلدى
جۇما, 27 ءساۋىر 2012 1:29
مەملەكەت باسشىسى قۇقىق قورعاۋ ورگاندارىنىڭ كادرلىق الەۋەتىنىڭ ساپاسىن جاقسارتۋعا, سونىمەن بىرگە قوعام الدىندا ولاردىڭ قىزمەتىنىڭ اشىقتىعىنا تۇراقتى تۇردە نازار اۋدارىپ كەلەدى. وسى ماقساتتا پرەزيدەنتتىڭ «قازاقستان رەسپۋبليكاسى قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس اتتەستاتتاۋدان ءوتكىزۋ تۋرالى» جارلىعى دا شىقتى.
جۇما, 27 ءساۋىر 2012 1:29
مەملەكەت باسشىسى قۇقىق قورعاۋ ورگاندارىنىڭ كادرلىق الەۋەتىنىڭ ساپاسىن جاقسارتۋعا, سونىمەن بىرگە قوعام الدىندا ولاردىڭ قىزمەتىنىڭ اشىقتىعىنا تۇراقتى تۇردە نازار اۋدارىپ كەلەدى. وسى ماقساتتا پرەزيدەنتتىڭ «قازاقستان رەسپۋبليكاسى قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس اتتەستاتتاۋدان ءوتكىزۋ تۋرالى» جارلىعى دا شىقتى.
قازىرگى ۋاقىتتا اتالعان جارلىقتى جۇزەگە اسىرۋ ماقساتىندا, باس پروكۋراتۋرا كەشەندى ءىس-شارالاردى باستاپ كەتتى. كوپ كەشىكپەي كەزەكتەن تىس اتتەستاتتاۋدان 4 جارىم مىڭنان استام پروكۋرورلار وتەدى. وسىعان وراي كەزەكتەن تىس اتتەستاتتاۋدان وتكىزۋدىڭ ماقساتى مەن ءتارتىبى تۋرالى بارلىق دەڭگەيدەگى پروكۋراتۋرا ورگاندارىنىڭ جەكە قۇرامىنا ءتۇسىندىرۋ جۇمىستارى جۇرگىزىلدى.
پروكۋراتۋرا ورگاندارىنىڭ قىزمەتكەرلەرىن كەزەكتەن تىس اتتەستاتتاۋدان وتكىزۋدىڭ اشىقتىعىن قامتاماسىز ەتۋ ءۇشىن, باس پروكۋراتۋرانىڭ www.prokuror.kz رەسمي سايتىندا «پروكۋراتۋرا ورگاندارىنىڭ قىزمەتكەرلەرىن كەزەكتەن تىس اتتەستاتتاۋ» اتتى ارنايى ايدار اشىلدى. بۇل ايدار كەزەكتەن تىس اتتەستاتتاۋدى وتكىزۋ ءتارتىبىنىڭ بۇزىلۋ دەرەكتەرى تۋرالى, سونداي-اق پروكۋراتۋرا ورگاندارىنىڭ اتتەستاتتاۋعا جاتاتىن لاۋازىمدى تۇلعالارىنىڭ سىبايلاس جەمقورلىق جانە باسقا دا قۇقىق بۇزۋشىلىقتار جاساۋى, قىزمەتتىك ادەپ نورمالارىن ساقتاماۋى تۋرالى باس پروكۋرورعا تىكەلەي ءوتىنىش جىبەرۋگە ارنالعان.
«پروكۋراتۋرا ورگاندارىنىڭ قىزمەتكەرلەرىن قايتا اتتەستاتتاۋ» اتتى بولىمگە تۇسەتىن ءمالىمەتتەر جانە وعان كىرگەن ادامدارعا قاتىستى اقپاراتتار قۇپيا بولىپ تابىلادى, ازاماتتاردىڭ وتىنىشتەرى تىكەلەي ءبىزدىڭ ارنايى ەلەكتروندى مەكەن-جايعا تۇسەدى, ولار باس پروكۋراتۋرانىڭ سايتىندا كورسەتىلمەيدى. جەكە جانە زاڭدى تۇلعالاردان تۇسەتىن ءمالىمەتتەر پروكۋراتۋرا ورگاندارىنىڭ تەك قۇزىرلى قىزمەتكەرلەرىنە عانا قولجەتىمدى بولادى, قاجەت بولعان جاعدايدا قىزمەتتىك تەكسەرۋ جۇرگىزىلەدى, ال ءوتىنىشتەردى قاراۋدىڭ ناتيجەسى كەزەكتەن تىس اتتەستاتتاۋ كەزىندە كوميسسيالاردا ەسكەرىلەدى.
روزا دوسىمبەكوۆا, باس پروكۋراتۋرانىڭ كادر جۇمىسى دەپارتامەنتى باستىعىنىڭ ورىنباسارى.
