جيىنعا قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى, سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ ماڭعىستاۋ وبلىسى بويىنشا دەپارتامەنتى باسشىلىعى, ماڭعىستاۋ وبلىسى «اتامەكەن» كاسىپكەرلەر پالاتاسىنىڭ ديرەكتورى, ارنايى, قۇقىق قورعاۋ جانە بارلىق مەملەكەتتىك ورگاندارىنىڭ باسشىلارى قاتىستى. سونىمەن بىرگە قالا جانە اۋدان اكىمدەرى بەينەكونفەرەنتسيا ارقىلى بايلانىسقا شىقتى.
شارادا جوبالىق كەڭسەنىڭ كۋراتورى, وبلىس اكىمىنىڭ ءبىرىنشى ورىنباسارى ءاليحان قىراۋباەۆ جوبا اياسىندا اتقارىلىپ جاتقان جۇمىستارعا توقتالدى. جوبانىڭ نەگىزگى مىندەتى – تۇرعىنداردىڭ سىبايلاس جەمقورلىققا قارسى مىنەز-ق ۇلىق ۇلگىسىن ودان ءارى دامىتۋ جانە جەمقورلىق ماسەلەسىن, مەملەكەتتىك قىزمەت كورسەتۋ ساپاسىن ارتتىرۋ ارقىلى شەشۋ, تۇرمىستىق سىبايلاس جەمقورلىقتى جويىپ, ازاماتتار مەن بيزنەس ءۇشىن كەدەرگىسىز, قولايلى جاعدايلار جاساۋ بولىپ تابىلادى.
اتالعان جوبا اياسىندا بەكىتىلگەن ءتيىستى جوسپارمەن قالا جانە اۋدان اكىمدىكتەرىندە, مەملەكەتتىك ورگانداردا ازاماتتاردى كوشپەلى قابىلداۋ جۇمىستارىن ۇيىمداستىرۋ, مەكەمە باسشىلارىنىڭ كاسىبي قىزمەتتەرى بويىنشا ينتەرنەت-كونفەرەنتسيالار وتكىزۋدى, مەملەكەتتىك كورپوراتسياسى فيليالدارىندا جانە جەرگىلىكتى اتقارۋشى ورگاندار مەن ۇيىمداردا, ياعني قىزمەت كورسەتۋشى مەكەمەلەردە «جاسىرىن ساتىپ الۋشى» ءادىسى ارقىلى كورسەتىلگەن قىزمەت ساپاسىنا تالداۋ جانە ت.ب. وسىنداي باعىتتاردا جۇمىستاردى ۇيىمداستىرادى.
ايتا كەتۋ قاجەت, بۇگىنگى كۇنگە دەيىن جوبا اياسىندا فەيسبۋك الەۋمەتتىك جەلىسىنە 20 ءوتىنىش, ۆاتساپ جەلىسىنە 15 ءوتىنىش كەلىپ ءتۇسىپ, ماسەلەلەر بويىنشا ءتيىستى جاۋاپتار بەرىلگەن. سونىمەن قاتار, «ماڭعىستاۋ – ادالدىق الاڭى» جوباسىنىڭ شەڭبەرىندە بىرقاتار جۇمىستار اتقارىلعان. ولاردىڭ ىشىندە بيۋدجەت قاراجاتىن ۇنەمدەۋ بويىنشا وڭتايلاندىرۋ; جالعان مەديتسينالىق انىقتاما جاساۋدى قاداعالاۋ, مونيتورينگ جۇرگىزۋ, وبلىس بويىنشا اۆتوموبيل جولدارىندا ورنالاسقان جول بەلگىلەرى بويىنشا مونيتورينگ جۇرگىزىپ, تۇرعىنداردىڭ ۇسىنىستارىن تىڭداۋ سەكىلدى جۇمىستار ءوز جالعاسىن تابۋدا.
جيىن بارىسىندا ءسوز العان قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ باسشىسى, جوبالىق كەڭسەنىڭ تەڭ كۋراتورى ن.جاننازاروۆا قولايلى ينۆەستيتسيالىق احۋالدى قالىپتاستىرۋ جانە بيزنەس پەن ينۆەستورلاردىڭ مەملەكەتتىك بيلىك ينستيتۋتتارىنا دەگەن سەنىمىن ارتتىرۋ ماقساتىندا جۇزەگە اسىپ جاتقان «بيزنەس جانە ينۆەستيتسيالاردى قورعاۋ» اتتى جوباسىن ءتۇسىندىرىپ ءوتتى.
«سىبايلاس جەمقورلىققا قارسى ءىس-قيمىل تۋرالى» زاڭىنا سايكەس, سىبايلاس جەمقورلىققا قارسى ءىس-قيمىلدىڭ نەگىزگى قاعيداتتارىنىڭ ءبىرى جاريالىلىق جانە اشىقتىق قاعيداتى بولىپ تابىلادى.
قازىرگى جاعدايدا وسى قاعيداتتى ىسكە اسىرۋدىڭ تابىستىلىعى -مەملەكەتتىك ورگانداردىڭ ءوز ينتەرنەت-رەسۋرستارىنا اقپاراتتى ورنالاستىرۋى, اقپاراتقا اشىق قول جەتكىزۋدى ۇسىنۋى, قىزمەتتىڭ ايقىندىعىن قامتاماسىز ەتۋگە باعىتتالعان زاڭدار مەن وزگە دە نورماتيۆتىك قۇقىقتىق اكتىلەرىنىڭ تالاپتارىن ورىنداۋىمەن جۇزەگە اسىرىلادى.
وسىعان بايلانىستى دەپارتامەنت باسشىسى وبلىستىق باسقارمالاردىڭ ينتەرنەت-رەسۋرستارى كونتەنتىنىڭ سىرتقى تالداۋى «اقپاراتقا قول جەتكىزۋ تۋرالى» زاڭىمەن بەلگىلەنگەن تالاپتاردىڭ تولىق ورىندالماعانىن جەتكىزدى.
سونىمەن قاتار, باسقارمالاردىڭ رەسمي ينتەرنەت – رەسۋرستارىندا 2015 – 2025 جىلدارعا ارنالعان قر سىبايلاس جەمقورلىققا قارسى ستراتەگياسىن ىسكە اسىرۋ بويىنشا 2018 – 2020 جىلدارعا ارنالعان ءىس-شارالار جوسپارى, سونداي-اق جوسپاردىڭ ورىندالۋى بويىنشا اتقارىلعان جۇمىستار تۋرالى اقپارات جوقتىعىن, قوعامدا سىبايلاس جەمقورلىققا قارسى مادەنيەتتى قالىپتاستىرۋ بويىنشا جەرگىلىكتى اتقارۋشى ورگاندار اراسىندا سەمينارلار مەن دوڭگەلەك ۇستەلدەر ۇيىمداستىرۋ بويىنشا كورسەتكىشتىڭ تومەندىگىن اتاپ ءوتتى.
شاراعا قاتىسقان سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ ماڭعىستاۋ وبلىسى بويىنشا دەپارتامەنتى باسشىسىنىڭ ورىنباسارى ەربولەك ماحامبەت سىبايلاس جەمقورلىققا قارسى ءىس-قيمىل باعىتىندا اتقارىلعان جۇمىستار جونىندە, ماڭعىستاۋ وبلىسى «اتامەكەن» كاسىپكەرلەر پالاتاسىنىڭ ديرەكتورى نۇربەك قاراساەۆ وبلىستاعى كاسىپكەرلەردىڭ قۇقىقتارىن قورعاۋ جانە الەۋمەتتىك زەرتتەۋ قورىتىندىلارى تۋرالى باياندادى. سونداي-اق, ماڭعىستاۋ وبلىسىنىڭ جەر قاتىناستارى باسقارماسىنىڭ, ماڭعىستاۋ وبلىسىنىڭ قۇرىلىس, ساۋلەت جانە قالا قۇرىلىسى باسقارماسىنىڭ جانە وبلىستىق مەملەكەتتىك ساۋلەت-قۇرىلىس باقىلاۋ باسقارماسىنىڭ باسشىلارى دا اتقارىلعان جۇمىستارىنا قىسقاشا توقتالىپ ءوتتى.
جيىنعا قاتىسقان ايماق باسشىسى سىبايلاس جەمقورلىق تاۋەكەلدەرى بولۋى مۇمكىن بارلىق ماڭىزدى ماسەلەلەردى «ماڭعىستاۋ – ادالدىق الاڭى» جوباسىنىڭ شەڭبەرىندە شەشۋدى, «بيزنەس جانە ينۆەستيتسيالاردى قورعاۋ» جوباسى اياسىندا كاسىپكەرلەر مەن ينۆەستورلاردى تارتۋ, تۇرعىنداردىڭ سۇراقتارى مەن ارىز-شاعىمدارىنا ۋاقىتىمەن جاۋاپ بەرىلۋىن, سونىمەن قاتار, مەملەكەتتىك مەكەمەلەردىڭ جەكە سايتتارىندا اقپاراتتىڭ جۇيەلى شىعىپ تۇرۋىن قاداعالاۋدى تاپسىردى.
