ۋاقىت وتكەن سايىن جاڭاشىلدىق كەرەك
سەنبى, 21 ءساۋىر 2012 7:50
ەلباسى ن.نازارباەۆتىڭ بيىلعى ءداستۇرلى جولداۋىندا ايقىندالىپ, كوپتىڭ كوڭىلىنەن شىققان التىنشى باعىت سوت جانە قۇقىق قورعاۋ جۇيەسىن جەتىلدىرۋ ماقساتىندا قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس اتتەستاتتاۋدان وتكىزۋ جوسپارلانىپ وتىر. بۇل «نۇر وتان» حالىقتىق-دەموكراتيالىق پارتياسىنىڭ «قازاقستان. 2017 ماقساتتارى ۇلتتىق ءىس-قيمىل جوسپارى» تۇعىرناماسىنداعى مىندەتتەرمەن سايكەس كەلەدى. ەلدىڭ ءاربىر ازاماتىنىڭ قاۋىپسىزدىگى, ەڭ الدىمەن, قۇقىقتىق ءتارتىپتى قامتاماسىز ەتۋدەن كورىنىس تاباتىنى بەلگىلى.
سەنبى, 21 ءساۋىر 2012 7:50
ەلباسى ن.نازارباەۆتىڭ بيىلعى ءداستۇرلى جولداۋىندا ايقىندالىپ, كوپتىڭ كوڭىلىنەن شىققان التىنشى باعىت سوت جانە قۇقىق قورعاۋ جۇيەسىن جەتىلدىرۋ ماقساتىندا قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس اتتەستاتتاۋدان وتكىزۋ جوسپارلانىپ وتىر. بۇل «نۇر وتان» حالىقتىق-دەموكراتيالىق پارتياسىنىڭ «قازاقستان. 2017 ماقساتتارى ۇلتتىق ءىس-قيمىل جوسپارى» تۇعىرناماسىنداعى مىندەتتەرمەن سايكەس كەلەدى. ەلدىڭ ءاربىر ازاماتىنىڭ قاۋىپسىزدىگى, ەڭ الدىمەن, قۇقىقتىق ءتارتىپتى قامتاماسىز ەتۋدەن كورىنىس تاباتىنى بەلگىلى.
ەلباسى جارلىعىنا سايكەس كەزەكتەن تىس اتتەستاتتاۋ قۇقىق قورعاۋ سالاسىنداعى رەفورمالاردى ودان ءارى تەرەڭدەتۋگە ىقپال جاسايتىنى كامىل. ارينە, بۇل ءۇشىن ءتيىمدى كادر ساياساتىن جۇرگىزۋدىڭ ورنى ەرەكشە. سونىمەن بىرگە, قۇقىق ورگاندارى قىزمەتكەرلەرىنىڭ كاسىبيلىگىن كوتەرۋ ءىسى دە كەزەك كۇتتىرمەيدى. بۇعان قوعامدىق ينستيتۋتتاردىڭ تارتىلۋى اتتەستاتتاۋدىڭ ساپالىق دەڭگەيىن كوتەرەدى دەپ ويلايمىز.
نەگىزگى ماقسات – قۇقىق قورعاۋ جۇيەسى قىزمەتكەرلەرىنىڭ كاسىبي دايىندىق دەڭگەيىن جانە ولاردىڭ قازىرگى زامانعى تالاپتارعا سايكەستىگىن انىقتاۋ, ورگانداردى مورالدىق-ادامگەرشىلىك قاسيەتتەرى تومەن جانە جەمقورلىق ارەكەتى ارقىلى جالپى مەملەكەتتىڭ بەدەلىن تۇسىرەتىن بىلىكسىز قىزمەتكەرلەردەن تازارتۋ بولىپ وتىر.
مەملەكەت مۇددەسىن, قوعام قاۋىپسىزدىگىن قامتاماسىز ەتۋدە اسقان ەرلىك كورسەتىپ, ۇرپاققا ۇلگى بولعان ابزال ازاماتتارىمىز قۇقىق قورعاۋ سالاسىندا جەتەرلىك. ءوز ءىسىنىڭ شىنايى ماماندارى قانداي جاعدايدا دا جۇمىسىن كورسەتە بىلەدى, سىناقتان شىڭدالىپ باسقالارعا ۇلگى بولاتىنىنا سەنىمىم مول.
قۇقىق قورعاۋ سالاسىنىڭ قىزمەتكەرى وتانىن شەكسىز سۇيەتىن, مەملەكەتشىل, ادىلدىكتى وزىنە ۇران ەتكەن, تۋرا جولدان تايمايتىن ازامات بولۋى كەرەك. ءاربىر قۇقىق قورعاۋ سالاسىنىڭ قىزمەتكەرى وزدەرىن مەملەكەتتىك ساياساتتى جۇزەگە اسىرۋشىلار ەكەندىگىن, حالىقتىڭ ولاردىڭ جۇمىسىنا باعا بەرۋى ارقىلى جالپى مەملەكەتتىك ساياساتقا باعا بەرىلەتىندىگىن ياعني, بۇگىنگى ءادىل شەشىم حالىقتىڭ ەرتەڭگى ومىرگە سەنىمى ەكەنىن ءتۇسىنۋى كەرەك.
ءاربىر سالاعا ۋاقىت وتكەن سايىن جاڭاشىلدىق كەرەك, ول زامان تالابى, سول ءۇشىن دە قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس اتتەستاتتاۋدان وتكىزۋ ءتارتىپتى وڭتايلاندىرۋ باعىتىندا دەر كەزىندە قولعا الىنعان رەفورما. وسى سالادا قىزمەت ەتىپ جاتقان ازاماتتاردىڭ جۇمىسىنا جالپىحالىقتىق باعا بەرۋ ساننان ساپاعا كوشۋ كەرەكتىگىن تاعى ءبىر مارتە ايعاقتايدى. كوميسسيا قۇرامدارىنا قۇقىق قورعاۋ سالاسىنىڭ ارداگەرلەرىن, دەپۋتاتتاردى, قوعامدىق ۇيىمدار مەن باق وكىلدەرىن قاتىستىرۋ ءىسى دە كوڭىلدەن شىعىپ وتىر. قولعا الىنعان باستامانىڭ ءىسى وڭعا باسىپ, ساپالى كادرلاردىڭ حالىق يگىلىگى جولىندا جۇمىس جاساۋىنا ىقپالى ءتيسىن دەگەن تىلەك بار.
اسلانبەك سارقۇلوۆ, «نۇر وتان» حدپ ورال قالالىق فيليالى توراعاسىنىڭ ءبىرىنشى ورىنباسارى.
ورال.
