قازاقستان • 09 ءساۋىر، 2019

ءداستۇرلى تاۋ-كەن گەولوگيالىق فورۋمى

791 رەت كورسەتىلدى

نۇر-سۇلتان قالاسىندا ماينەكس قازاقستان مەرەيتويلىق ح تاۋ-كەن گەولوگيالىق فورۋمى ءوتتى. ماينەكس فورۋمى قازاقستاندا 2010 جىلدان بەرى وتكىزىلىپ كەلەدى. بۇل فورۋم ورتالىق ازيا ايماعىندا ۇيىمداستىرىلاتىن حالىقارالىق دەڭگەيدەگى وكىلەتتى سالالىق ءىس-شارالاردىڭ ءبىرى بولىپ سانالادى.

فورۋمعا جىل سايىن­ 300-­دەن استام تاۋ-كەن مەتال­لۋر­گيالىق كومپانيالار، سا­لالىق مينيسترلىكتەر، ين­ۆەس­تيتسيالىق كومپانيالار مەن بانكتەر، سەرۆيستىك كومپانيالار قاتىسادى. بۇل جولى فورۋم جۇمىسىنا قازاقستاننان جانە 20-دان استام الىس جانە جاقىن شەت­ەلدەردەن تاۋ-كەن سالاسىنا جابدىق ءوندى­رۋ­شى­لەردىڭ وكىلدەرى جينالدى.

فورۋمنىڭ سالتاناتتى­ اشى­لۋىندا يندۋستريا ءجا­نە ين­فراقۇرىلىمدىق دا­مۋ­ ۆيتسە-ءمينيسترى تيمۋر توقتاباەۆ ءسوز سويلەپ، جەر قويناۋىن پايدالانۋ سالاسىندا جۇرگىزىلىپ جاتقان رە­فورمالاردىڭ، اتاپ ايتقان­دا، «جەر قويناۋى جانە جەر­ قويناۋىن پايدالانۋ­ تۋرالى» كودەكستى ىسكە اسى­رۋ­دىڭ­ قورىتىندىسىن اتاپ ءوت­­تى. ماسەلەن، وتكەن جىل­دىڭ­ 29 ماۋسىمىنان باس­تاپ جەر قويناۋى تۋرالى كو­دەكستى قولدانىسقا ەنگىزۋ كە­­زەڭىندە يندۋستريا جانە ين­­فرا­قۇرىلىمدىق دامۋ مي­نيسترلىگى تاراپىنان «ءبىرىنشى ءوتىنىم» قاعيداتى بويىنشا لي­تسەنزيا الۋعا 100 مىڭنان اس­تام بلوك قويىلدى جانە قات­تى پايدالى قازبالاردى بارلاۋعا 45 ليتسەنزيا بەرىلدى.

سونداي-اق فورۋمدا جەر قويناۋى تۋرالى كودەكستىڭ نەگىزگى جاڭالىقتارى مەن الەم­­دىك وزىق تاجىريبە نە­گىزىن­دە جەر قويناۋىن پايدا­لانۋ سالاسىن رەفورمالاۋ ءجو­­نىندەگى الداعى جوسپارلار ايتىلدى.

«جەر قويناۋى تۋرالى كو­دەك­ستى ەنگىزۋ ناتيجەسى 2018­ جىل­دىڭ باسىندا­ شىعا­رىل­­­عان فرەيزەر ينس­تيتۋتى­ وتكى­زەتىن جىل سايىنعى «شولۋدا» كورىنىس تاپتى. شو­لۋدا جۇرگىزىلگەن رەفورما­لاردان كەيىن قازاقستان ينۆەس­تيتسيا­لىق تارتىمدىلىق ين­دەكسى بويىنشا 91 زاڭدىق قۇ­زىرەت اراسىندا 24-ورىندى يە­لەنىپ، وتكەن جىلدىڭ وسى كەزەڭىمەن سالىس­تىرعاندا 49-ساتىعا كو­تە­رىلگەنى كور­سە­تىلگەن. سونداي-اق قا­زاق­ستاننىڭ الەمدەگى 15 جە­تەك­شى يۋريسديكتسيا قاتا­رىنا ەنۋگە ناقتى الەۋەتى بار ەكەنى بايقالدى» دەپ اتاپ ءوتتى ت.توقتاباەۆ.

ۆيتسە-مينيستر سونداي-اق فورۋمنىڭ ءبىرىنشى پلەنارلىق سەسسياسىندا­ جەر قويناۋىن پايدالانۋ سالاسىنداعى زاڭ­نا­ما­نى جەتىلدىرۋدىڭ وزەكتى ءما­سەلەلەرى بويىنشا بايانداما جاسادى.

فورۋم جۇمىسى اياسىندا قازاقستاننىڭ جەر قويناۋىن پايدالانۋ سالا­سىن­داعى زاڭ­ناماسىن جەتىل­دىرۋدىڭ وزەكتى ماسەلەلەرى، گەولوگيالىق جا­ڭالىقتاردىڭ پەرسپەكتيۆالارى، قازاقستان­داعى جانە ورتالىق ازيا ەل­دەرىندەگى ىزدەۋ جو­بالارىن دامىتۋ، تاۋ-كەن ءون­دىرۋ سالاسىنداعى «جاسىل» ەكو­نوميكانى دا­مىتۋدىڭ پراك­­تيكالىق اس­پەكتىلەرى، كا­­سىپ­ورىنداردى تسيفرلى ترانس­فورماتسيالاۋ، سونداي-اق قۇبىلمالى قۇ­قىقتىق الاڭدا ينۆەستيتسيا تارتۋ­ مەن تاۋ-كەن جوبالارىن قار­­­جىلاندىرۋدىڭ جاڭا ءمۇم­­كىندىكتەرى بويىنشا تال­قىلاۋلار جۇرگىزىلۋدە.

سوڭعى جاڭالىقتار

ۇقساس جاڭالىقتار