كەزەكتەن تىس اتتەستاتتاۋعا ازىرلىك قالاي؟
سەنبى, 14 ءساۋىر 2012 7:45
مەملەكەت باسشىسى 2012 جىلى 8 ساۋىردە «قازاقستان رەسپۋبليكاسى قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس اتتەستاتتاۋدى وتكىزۋ تۋرالى» جارلىققا قول قويدى. بۇل ورايدا ىشكى ىستەر مينيسترلىگىندە قانداي جۇمىستار اتقارىلىپ جاتقاندىعى تۋرالى حابارلاسقان ەدىك. بىزگە ىشكى ىستەر مينيسترلىگى ءباسپاسوز قىزمەتىنىڭ جەتەكشىسى ن.وراز اتالعان ءماسەلە بويىنشا ىشكى ىستەر ورگاندارىندا قىزۋ جۇمىس قولعا الىنعانىن حابارلادى.
سەنبى, 14 ءساۋىر 2012 7:45
مەملەكەت باسشىسى 2012 جىلى 8 ساۋىردە «قازاقستان رەسپۋبليكاسى قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس اتتەستاتتاۋدى وتكىزۋ تۋرالى» جارلىققا قول قويدى. بۇل ورايدا ىشكى ىستەر مينيسترلىگىندە قانداي جۇمىستار اتقارىلىپ جاتقاندىعى تۋرالى حابارلاسقان ەدىك. بىزگە ىشكى ىستەر مينيسترلىگى ءباسپاسوز قىزمەتىنىڭ جەتەكشىسى ن.وراز اتالعان ءماسەلە بويىنشا ىشكى ىستەر ورگاندارىندا قىزۋ جۇمىس قولعا الىنعانىن حابارلادى.
ەندى ىشكى ىستەر ورگاندارىنىڭ قىزمەتكەرلەرىن كەزەكتەن تىس اتتەستاتتاۋدى وتكىزۋ كەزىندە اتتەستاتتاۋدان ءوتۋشىنىڭ قىزمەتتىك جۇمىسىنا, سىبايلاس جەمقورلىققا قارسى زاڭنامانى ساقتاۋىنا باعا بەرىلەتىن بولادى.
جالپى, رەسپۋبليكا بويىنشا كەزەكتەن تىس اتتەستاتتاۋدان 70 مىڭنان استام پوليتسيا قىزمەتكەرلەرى وتەدى.
قازىرگى ۋاقىتتا مينيسترلىكتە كەزەكتەن تىس اتتەستاتتاۋدى وتكىزۋگە دايىندىق ءىس-شارالارى جۇرگىزىلىپ جاتىر. سونىڭ ىشىندە «قازاقستان رەسپۋبليكاسى ىشكى ىستەر ورگاندارىنىڭ قىزمەتكەرلەرىن كەزەكتەن تىس اتتەستاتتاۋدى وتكىزۋدى ۇيىمداستىرۋ تۋرالى» ىشكى ىستەر ءمينيسترى بۇيرىعىنىڭ جوباسى ازىرلەندى, وندا كەزەكتەن تىس اتتەستاتتاۋدى ءوتكىزۋ جونىندەگى ادىستەمەلىك ۇسىنىمداردى, كوميسسيالاردىڭ قۇرامدارىن وتكىزۋ كەستەسىن, قازاقستان رەسپۋبليكاسىنىڭ زاڭنامالارىن بىلۋگە كومپيۋتەرلىك تەستىلەۋ ءۇشىن سۇراقتار ءتىزبەسىن, جاۋىنگەرلىك, قىزمەتتىك جانە دەنە شىنىقتىرۋ دايارلىقتارى بويىنشا نورماتيۆتەر تىزبەسىن بەكىتۋ كوزدەلگەن.
بۇل رەتتە ىشكى ىستەر ورگاندارىنىڭ بارلىق اۋماقتىق ءبولىنىستەرىنە دايىندىق ءىس-شارالارىن وتكىزۋ, ياعني تەستىلەۋ ءوتكىزۋ ءۇشىن كومپيۋتەرلىك قۇرالداردى دايىنداۋ, جەكە كابينەتتەر (سىنىپتار) ءبولۋ تۋرالى, سونداي-اق جاۋىنگەرلىك, قىزمەتتىك جانە دەنە شىنىقتىرۋ دايارلىعى بويىنشا سىناقتار قابىلداۋ ءۇشىن جاعدايلار جاساۋ تۋرالى ءتيىستى نۇسقاۋ جىبەرىلدى.
جالپى, ىشكى ىستەر ورگاندارىنداعى اتتەستاتتاۋ ودان وتۋگە جاتاتىن قىزمەتكەردىڭ ەل زاڭنامالارىن بىلۋىنە, دەنە شىنىقتىرۋ, جاۋىنگەرلىك جانە قىزمەتتىك دايارلىق جونىندەگى بەلگىلەنگەن نورماتيۆتەردى تاپسىرۋىنا, دارىگەرلىك قارالۋدان وتە الۋىنا بايلانىستى بولماق. بۇدان كەيىن ءتيىستى اتتەستاتتاۋ كوميسسياسىنىڭ مۇشەلەرىمەن اڭگىمەلەسۋ مەن شەشىم شىعارۋ قالادى.
الەكساندر تاسبولاتوۆ.
