كوكەيدە جۇرگەن وي ەدى
سەنبى, 14 ءساۋىر 2012 7:41
تەاتر كيىم ىلگىشتەن باستالسا, ادىلدىك پەن ار تازالىعى, كاسىبي دەڭگەي مەن مورالدىق ءبىتىم-بولمىستىڭ ءبيىكتىگى, ەڭ الدىمەن, وسى ءادىلدىك پەن زاڭدىلىقتى قورعاۋعا ءتيىستى قىزمەتكەرلەردىڭ ءوزىنەن باستالۋعا ءتيىس. ەگەر راسىندا دا, ولار اتقارىپ ءجۇرگەن قىزمەتىنە ساي بولماسا, بۇگىنگى بيىك تالاپتار ۇدەسىنەن كورىنە الماسا, قوعام ءمۇشەلەرى مەن جۇرتشىلىق اراسىندا ءارتۇرلى تۇسىنبەستىكتەر تۋىندايدى.
سەنبى, 14 ءساۋىر 2012 7:41
تەاتر كيىم ىلگىشتەن باستالسا, ادىلدىك پەن ار تازالىعى, كاسىبي دەڭگەي مەن مورالدىق ءبىتىم-بولمىستىڭ ءبيىكتىگى, ەڭ الدىمەن, وسى ءادىلدىك پەن زاڭدىلىقتى قورعاۋعا ءتيىستى قىزمەتكەرلەردىڭ ءوزىنەن باستالۋعا ءتيىس. ەگەر راسىندا دا, ولار اتقارىپ ءجۇرگەن قىزمەتىنە ساي بولماسا, بۇگىنگى بيىك تالاپتار ۇدەسىنەن كورىنە الماسا, قوعام ءمۇشەلەرى مەن جۇرتشىلىق اراسىندا ءارتۇرلى تۇسىنبەستىكتەر تۋىندايدى
ءسوز جوق, ۇلگىلى, الا ءجىپتى اتتاپ وتۋگە ار-وجدانى جىبەرمەيتىن قۇقىق قورعاۋ قىزمەتكەرلەرى جەتەرلىك. سونىمەن ءبىرگە, بەس ساۋساق بىردەي ەمەس دەگەندەي, ولاردىڭ اراسىندا وزدەرى قىزمەت ىستەپ جۇرگەن ورگاننىڭ ابىرويى مەن بەدەلىنە داق تۇسىرەتىندەرى دە كەزدەسەدى. مىنە, وسىنداي ورەسى تومەن, ويى شولاق قىزمەتكەرلەردى كەزەكتەن تىس اتتەستاتسيادان وتكىزۋ تۋرالى ەلباسى جارلىعى كوكەيدە جۇرگەن ويىمىزدى ءدوپ باسقانداي بولدى.
جارلىق جولدارىمەن تانىسىپ شىققان كەزىمىزدە ونىڭ بۇعان دەيىنگى اتتەستاتتاۋ تالاپتارىمەن سالىستىرا قاراعاندا بىرنەشە ارتىقشىلىقتارى مەن وزگەشەلىكتەرى بار ەكەنىن بايقادىق. ونىڭ ءبىرىنشى ارتىقشىلىعى, جالپىحالىقتىق سيپات الاتىنى دەر ەدىم. ويتكەنى, اتتەستاتتاۋ جونىندەگى بارلىق كوميسسيالاردىڭ قۇرامىنا جۇرتشىلىق پەن پارتيالار, ارداگەرلەر ۇيىمدارى مەن باق وكىلدەرى كىرەدى ەكەن. بۇل ءجايت اتتەستاتتاۋدىڭ ءمارتەبەسىن, ءورىسى مەن شەڭبەرىن ۇلعايتىپ, جاۋاپتى ىستە جاريالىلىقتىڭ كەڭ تۇردە سالتانات قۇرۋىنا سەپتىگىن تيگىزە الادى. سونداي-اق, اتتەستاتتاۋدىڭ ءۇش كەزەڭنەن تۇرۋىنىڭ ءوزى دە ونىڭ جاۋاپكەرشىلىگى مەن سالماعىن كوتەرە تۇسەدى دەگەن ويدامىن.
كەز كەلگەن قوعامدى جەگى قۇرتتاي كەۋلەپ جەۋگە بەيىم تۇراتىن جەمقورلىق دەرتىمەن كۇرەستىڭ ءمانى مەن ماڭىزىنىڭ ءارى ساپالىق دەڭگەيىنىڭ ارتۋىنا دا رەسپۋبليكا پرەزيدەنتى نۇرسۇلتان نازارباەۆ شىعارعان جارلىق كومەكتەسە الادى دەپ سانايمىز. ويتكەنى, سەنگەن قويىم سەن بولساڭ دەگەندەي, تامىر-تانىستىق پەن جەڭ ۇشىنان جالعاسۋ كورىنىستەرى وزگە ەمەس, قۇقىق قورعاۋ قىزمەتكەرلەرى اراسىندا ورىن الاتىن بولسا, قوعام ءۇشىن اسا قاۋىپتى.
ءتۇيىپ ايتقاندا, وتانشىلدىق سەزىمى جوعارى, ادامنىڭ قۇقىقتارى مەن زاڭدى ءمۇددەلەرىن قورعاۋ ىسىندە قاشاندا قاعيداتتى كوزقاراس تانىتا بىلەتىندەر عانا ورگان ابىرويىن اسقاقتاتا الادى. وسىناۋ ورنى بولەك اتتەستاتسيا جوعارىدا ايتىلعانداي, لايىقتى قىزمەتكەرلەردى ىرىكتەپ, سۇزگىدەن وتكىزەدى دەگەن سەنىم مول.
جەڭىس حافيزوۆ, باتىس قازاقستان وبلىستىق پروكۋراتۋراسى جانىنداعى ارداگەرلەر ۇيىمىنىڭ توراعاسى.
ورال.
