بىلىكتى ماماندار ىرىكتەلەدى
سەنبى, 14 ءساۋىر 2012 7:39
ەلىمىز كونستيتۋتسياسىندا ءار ادامنىڭ جەكە باسىنىڭ بوستاندىعىنا قۇقى بار جانە ادامنىڭ قادىر-قاسيەتىنە قول سۇعىلمايدى, دەپ اتاپ كورسەتىلگەن. دەمەك, وسى مىندەتتەردى باسشىلىققا ۇستاۋعا ءتيىستى قۇقىق قورعاۋ ورگاندارىنىڭ قاتارىن كاسىبي بىلىكتى, ادام قۇقىعى مەن زاڭدى مۇددەلەرىن جوعارى دەڭگەيدە قورعاۋعا لايىقتى ماماندارمەن تولىقتىرۋ اسا قاجەت.
سەنبى, 14 ءساۋىر 2012 7:39
ەلىمىز كونستيتۋتسياسىندا ءار ادامنىڭ جەكە باسىنىڭ بوستاندىعىنا قۇقى بار جانە ادامنىڭ قادىر-قاسيەتىنە قول سۇعىلمايدى, دەپ اتاپ كورسەتىلگەن. دەمەك, وسى مىندەتتەردى باسشىلىققا ۇستاۋعا ءتيىستى قۇقىق قورعاۋ ورگاندارىنىڭ قاتارىن كاسىبي بىلىكتى, ادام قۇقىعى مەن زاڭدى مۇددەلەرىن جوعارى دەڭگەيدە قورعاۋعا لايىقتى ماماندارمەن تولىقتىرۋ اسا قاجەت.
ەلباسىنىڭ «قازاقستان رەسپۋبليكاسى قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس اتتەستاتتاۋدان وتكىزۋ» تۋرالى جارلىعىنان كەيىن سالا ماماندارىنىڭ جاۋاپكەرشىلىگى ودان ءارى كۇشەيەتىنى ايتپاسا دا تۇسىنىكتى. وبلىستىق ىشكى ىستەر دەپارتامەنتى قۇرامىنداعى 4000-عا جۋىق قىزمەتكەر جوعارىداعى تالاپپەن اتتەستاتسيادان وتكىزىلەدى. وسى ماسەلەگە بايلانىستى قازىرگى كەزدە ۇيىمداستىرۋ جۇمىستارى باستالدى. ءارينە, اتتەستاتسيالاۋ كەزىندە قۇقىق قورعاۋ قىزمەتكەرلەرىنىڭ كاسىبي دايىندىعى مەن ءبۇگىنگى وسكەلەڭ تالاپتارعا سايكەستىگى الدىڭعى ورىنعا شىعادى. وسىلايشا جوعارى كاسىپتىك, ازاماتتىق, مورالدىق-پسيحولوگيالىق قاسيەتتەرگە باسىمدىق بەرىلىپ, جالپى مادەنيەت, قىزمەتتىك بورىشىن ورىنداۋعا سانالىلىقپەن قاراۋ, ەلجاندىلىق دەڭگەيىن كوتەرۋ ماسەلەلەرى دە باستى نازاردا بولاتىنىن ايتقان ءجون. قىزمەت كەزىندە جەمقورلىق ارەكەتتەردەن اۋلاق بولۋ شارت. وسىنداي تالاپتاردان شىعا الماعانداردان تازارتۋ اتتەستاتسيا كەزىندە باسشىلىققا الىنباقشى.
دەپارتامەنتتە كوپ جىل قىزمەت اتقارعان اعا بۋىن وكىلدەرىنەن قۇرالعان ارداگەرلەر القاسى جۇمىس ىستەيدى. تاجىريبە جيناقتاعان, سالانىڭ ىستىعى مەن سۋىعىنا توزگەن جانداردىڭ جاستارعا بەرەر اقىل-كەڭەستەرى مول. ءوزىم وبلىستىق ىشكى ىستەر دەپارتامەنتىنىڭ تەرگەۋ سالاسى بويىنشا جەدەل ىزدەستىرۋ لاۋازىمىندا كوپ جىل قىزمەت اتقاردىم. 1987 جىلى زەينەت دەمالىسىنا شىقتىم. سودان بەرگى كەزەڭدە ارىپتەس ارداگەرلەرمەن بىرگە قيىندىعى جەتىپ, ارتىلاتىن قۇقىق قورعاۋ قىزمەتكەرلەرىنىڭ ءوز جۇمىسىن ادال, كاسىبي دەڭگەيدە اتقارۋىنا اعالىق اقىل-كەڭەس بەرىپ, ءجيى باس قوسىپ وتىرامىز.
بۇگىنگى كۇنى دەپارتامەنتتە 500-گە جۋىق جاس پوليتسيا قىزمەتكەرلەرى جۇمىسقا كىرىسكەن. ولاردىڭ تەوريا جۇزىندە العان بىلىمدەرىن ءتاجىريبەمەن ۇشتاستىرۋىنا, بىلمەگەندەرىن ۇيرەتۋگە ۇجىمداعى ءوز ءىسىن جەتىك بىلەتىن قىزمەتكەرلەردەن ءتالىمگەرلەر بولىنگەن. وسىلايشا ولاردىڭ تاپسىرىلعان جۇمىسقا دەگەن جاۋاپكەرشىلىگىن ارتتىرۋ باستى نازارعا الىنعان. ناتيجەسىندە سوڭعى كەزدەرى جەتىسۋلىقتار تاراپىنان سالا قىزمەتكەرلەرىنە دەگەن رەنىش ازايىپ, قىلمىستى اشۋ دەڭگەيى كوتەرىلدى.
ادام قۇقىعىن قورعاۋ – ابىرويلى مىندەت. دەمەك, ەگەمەن ەلىمىزدىڭ ءار كۇنىنىڭ تىنىش, ازاماتتاردىڭ زاڭدى مۇددەلەرىنىڭ قورعالۋى ءۇشىن پوليتسيا قىزمەتكەرى ەرەكشە بەلسەندىلىكپەن ءتارتىپتى ورنىقتىرۋعا كۇش سالادى. ال اتتەستاتسيا قىزمەتكەردىڭ جاۋاپكەرشىلىگىن ودان ءارى ارتتىرۋعا نەگىز بولادى دەپ ويلايمىن.
بولات قوجاقوۆ, الماتى وبلىستىق ىشكى ىستەر دەپارتامەنتى ارداگەرلەر كەڭەسىنىڭ توراعاسى, زاپاستاعى پولكوۆنيك.
تالدىقورعان.
