الىمجەتتىك – ءالسىزدىڭ ءىسى
سارسەنبى, 21 ناۋرىز 2012 8:18
تۇرمىستىق زورلىق-زومبىلىق. وت باسى-وشاق قاسىنداعى ۇرىس-كەرىستىڭ ارتى كۇش قولدانۋعا, قول جۇمساۋعا ۇلاسسا, انىقتاماسىن وسىلاي بەرەتىن بولدىق. ەڭ وكىنىشتىسى, تۇرمىستىق زورلىق-زومبىلىقتىڭ قۇربانى كوپ جاعدايلاردا ايەلدەر مەن بالالار بولىپ جاتاتىنى. ويتكەنى اشۋعا بوي الدىرعان قارا كۇشتىڭ الدىندا ايەل – ءالسىز, بالا – قورعانسىز.
سارسەنبى, 21 ناۋرىز 2012 8:18
تۇرمىستىق زورلىق-زومبىلىق. وت باسى-وشاق قاسىنداعى ۇرىس-كەرىستىڭ ارتى كۇش قولدانۋعا, قول جۇمساۋعا ۇلاسسا, انىقتاماسىن وسىلاي بەرەتىن بولدىق. ەڭ وكىنىشتىسى, تۇرمىستىق زورلىق-زومبىلىقتىڭ قۇربانى كوپ جاعدايلاردا ايەلدەر مەن بالالار بولىپ جاتاتىنى. ويتكەنى اشۋعا بوي الدىرعان قارا كۇشتىڭ الدىندا ايەل – ءالسىز, بالا – قورعانسىز.
دەمەك, كۇندەلىكتى تىرشىلىكتە جەكەلەگەن وتباسىلارىندا ايەلگە زورلىق كورسەتۋ وقيعالارى بولاتىنىن مويىنداۋىمىز كەرەك. مىسالى, ءىىم-ءنىڭ اۋماقتىق بولىنىستەرى وتباسى-تۇرمىستىق قارىم-قاتىناس سالاسىندا جاسالاتىن زورلىق-زومبىلىق دەڭگەيىن, نىساندارى مەن تاسىلدەرىن زەردەلەۋ ماقساتىندا ساۋالنامالار, زەرتتەۋلەر ءجۇرگىزگەندە, تۇرمىستىق زورلىق-زومبىلىقتىڭ كوپشىلىگى ايەلدەرگە قاتىستى بولاتىنى دالەلدەنگەن.
وسى كەلەڭسىزدىكتىڭ الدىن الۋ ماقساتىندا ءىىم كولىكتەگى ىشكى ىستەر دەپارتامەنتىنىڭ استانا ستانساسى ىشكى ىستەر جەلىلىك باسقارماسىنىڭ قىزمەتكەرلەرى وزدەرىنىڭ قىزمەت كورسەتۋ ۋچاسكەسىندە 2012 جىلدىڭ 12-14 ناۋرىزى ارالىعىندا تۇرمىستىق زورلىق-زومبىلىقتىڭ الدىن الۋ ماقساتىندا «زورلىق-زومبىلىقسىز ءۇي» اكتسياسىن وتكىزدى. اكتسيانى وتكىزۋ توبىنىڭ جەتەكشىسى, استانا ستانساسى ىشكى ىستەر جەلىلىك باسقارماسىنىڭ كامەلەتكە تولماعاندار ءىسى جونىندەگى توپتىڭ اعا ينسپەكتورى, پوليتسيا مايورى نۇرجان ابىزدىڭ ايتۋىنشا, اكتسيانىڭ باستى ماقساتى ايەلدەرگە قاتىستى زورلىق-زومبىلىقتىڭ الدىن الۋ, ونى بولدىرماۋ, استانا ستانساسى ءىىجب-ءنىڭ قىزمەت كورسەتۋ ۋچاسكەسىندە ورنالاسقان وقۋ ورىندارىندا, مەكەمەلەر مەن ۇيىمداردا, جولاۋشىلار پويىزدارىندا تۇرمىستىق زورلىق-زومبىلىقتى جويۋعا باعىتتالعان اقپاراتتىق-ناسيحات جۇمىستارىن جۇرگىزۋ بولىپ تابىلادى.
اكتسيا بارىسىندا اتالمىش توپ ءمۇشەلەرى – استانا ستانساسى ءىىجب ككب اعا ينسپەكتورى پوليتسيا كاپيتانى دانيار ورداباەۆ, استانا ستانساسى ءىىجب جولاۋشىلار پويىزدارىنا ىلەسىپ ءجۇرۋ ۆزۆودىنىڭ كومانديرى پوليتسيا اعا لەيتەنانتى زەينۋللا ەسەنامانوۆ, استانا ستانساسى ىشكى ىستەر جەلىلىك باسقارماسىنىڭ كامەلەتكە تولماعاندار ءىسى جونىندەگى توپتىڭ اعا ينسپەكتورى پوليتسيا مايورى نۇرجان ابىز, اقمولا كولىك پروكۋراتۋراسى پروكۋرورىنىڭ كومەكشىسى ايجان تايبەكوۆا پويىز جولاۋشىلارىنا جادنامالار تاراتىپ, ساۋالناما جۇرگىزدى. زاڭگەرلىك اقىل-كەڭەستەر الام دەۋشىلەر پروكۋروردىڭ كومەكشىسىمەن جەكە وتىرىپ اڭگىمەلەسۋگە مۇمكىندىك الدى.
ساۋالنامالار ەلدىڭ بارلىق وڭىرلەرىندە دە جۇرگىزىلگەن جانە بارلىعى دا ايەلدەرگە قاتىستى زورلىق-زومبىلىقتىڭ بار ەكەنىن راستايدى. قىسقاسى, ءتيىستى ورگاندارعا, قوعامدىق ۇيىمدارعا, بارشامىزعا ءومىر كوركىن بۇزاتىن وسىنداي كەلەڭسىز كورىنىستەردى بولدىرماۋ, الدىن الۋ باعىتىندا اتقارار ءىس كوپ.
دانيەل شايىنعازين,
قر ءىىم كولىكتەگى ىشكى ىستەر دەپارتامەنتى ءباسپاسوز قىزمەتىنىڭ ينسپەكتورى.
