2019 جىلعى 1 ءساۋىر كۇنى ساعات 14: 19-دا حولودنىي كليۋچ , تسۆەتوچنايا, 3 مەكەنجايى بويىنشا №1 پاتەردەن ءتۇتىن شىعىپ جاتقانى تۋرالى حابارلاما كەلىپ تۇسكەن. تجب جەدەل بريگادالارى ساعات 14:29 مينۋتتا شاقىرتۋ ورنىنا كەلىپ, 2 قاباتتى تۇرعىن ءۇيدىڭ №1 پاتەرىندە 5 شارشى مەتر كولەمىندە جيھاز جانعانىن انىقتايدى. ءورت ءسوندىرۋ بارىسىندا 09.05.2012 جىلى تۋعان ەدۋارد تەمەركانوۆ پەن 04. 02. 2015 جىلى تۋعان الەكساندر تەمەركانوۆتىڭ دەنەسى تابىلدى. بالالار جەدەل جاردەم كەلگەنگە دەيىن شالا بىقسىعان تۇتىننەن قايتىس بولعان. قالا اكىمى ە. ءسالىموۆ بىردەن قايعىلى وقيعا ورنىنا شىعىپ, جاعدايمەن جەكە تانىستى. قازىرگى ۋاقىتتا ءورت سەبەپتەرىنىڭ كەلەسى نۇسقالارى قاراستىرىلۋدا, وتتى ابايسىز قولدانۋ, بالالاردىڭ وتپەن ويناۋى نەمەسە ورتەۋ. بۇل اقپاراتتى راستاعان تج باسقارماسىنىڭ باسشىسى ق.ءادىلوۆ قازىرگى تاڭدا تەرگەۋ ءىس-شارالارى جۇرگىزىلىپ جاتقانىن مالىمدەدى.
سەمەي اقپاراتتىق ورتالىعىنىڭ مالىمەتى بويىنشا, بالالاردىڭ اناسى - اناستاسيا اناتولەۆنا تەمەركانوۆا (لاۆرۋحينا), 23.04.1990 جىلى تۋعان, قازىرگى ۋاقىتتا جۇمىس ىستەمەيدى, جۇكتىلىك بويىنشا ەسەپتە تۇر. ءوزىنىڭ ايتۋىنشا ءورت بولعان كۇنى ول بالالاردى ۇيدە قالدىرىپ, دارىگەردىڭ قابىلداۋىنا بارعان. اكەسى- ۆيكتور شاكەنوۆيچ تەمەركانوۆ, 04.05.1973 جىلى دۇنيەگە كەلگەن. نۇر-سۇلتان قالاسىندا قۇرىلىسشى بولىپ جۇمىس ىستەيدى. ءورت ۋاقىتىندا سەمەي قالاسىندا بولماعان.
پوليتسيا
ورگاندارىنىڭ اقپاراتى بويىنشا سوڭعى جارتى جىل ىشىندە وسى مەكەن-جايدا 17.11.2018
جانە 23.02.19 كۇندەرى ەكى مارتە تەكسەرىس بولعان. وكىنىشكە وراي, سوڭعى تەكسەرۋ
كەزىندە ءۇي يەلەرى پوليتسيا مەن ءورت سوندىرۋشىلەرگە ەسىك اشپاعان. قالا اكىمدىگىنىڭ
حابارلاۋىنشا, اتالمىش وتباسى الەۋمەتتىك تولەمدەر الۋعا ءوتىنىش بەرمەگەن. جۇمىسسىز
رەتىندە ەسەپتە تۇرعان جوق. شاعىن اۋدان №48 ورتا مەكتەپ ۋچاسكىسىنە قاراستى.
مەكتەپ قىزمەتكەرلەرىمەن جىلىنا ءتورت رەت شاعىن اۋداندى ارالاۋ جۇزەگە
اسىرىلادى. قىركۇيەك, قاراشا جانە قاڭتار ايلارىندا وتكەن رەيد كەزىندە
وتباسىعا بالالاردى الەۋمەتتەندىرۋ جانە ولاردى مەكتەپكە دايىنداۋ قاجەتتىلىگى
تۋرالى ءتۇسىندىرۋ جۇمىستارى جۇرگىزىلگەن.
رەيدتەردىڭ بىرىندە ءۇيدىڭ ۇلكەنى نۇر-سۇلتان قالاسىندا اكەسىمەن, ال كىشى بالاسى
بوگدە ادامداردىڭ قاسىندا بولعانى انىقتالدى.
بالالاردىڭ ءومىر ءسۇرۋىنىڭ كۇردەلى تۇرمىستىق جاعدايلارىن ەسكەرە وتىرىپ, ءۇيدىڭ
كەنجەسى بالالار ۇيىنە جىبەرىلگەن. الايدا, اناسىنىڭ جانە پوليتسيا ورگاندارىنىڭ ءوتىنىشى
بويىنشا بالا وتباسىنا قايتارىلعان بولاتىن.
سەمەي قالاسى بويىنشا بارلىعى 2350 كوپ بالالى وتباسى بار, ونىڭ ىشىندە 292 وتباسى از قامتىلعان. جالپى, جاڭا فورماتتاعى اتاۋلى الەۋمەتتىك كومەكپەن 5040 ادام قامتىلعان. وبلىس اكىمى ورىنباسارىنىڭ اقپاراتى بويىنشا تەك سەمەي قالاسىنان ەڭبەك جانە حالىقتى الەۋمەتتىك قورعاۋ مينيسترلىگىنە 635 ملن.تەڭگە كولەمىندەگى قاراجاتقا (جالپى وبلىس بويىنشا 46008 ادامعا 5,7 ملرد. تەڭگە) ءوتىنىم بەرىلدى. قازىرگى ۋاقىتتا قايعىعا ۇشىراعان وتباسىمەن پسيحولوگتار جۇمىس ىستەۋدە. قالا اكىمدىگى بالالاردى جەرلەۋ بويىنشا بارلىق قاجەتتى شارالاردى ۇيىمداستىرادى.
راۋشان نۇعمانبەكوۆا,
«ەgemen QAZAQSTAN»
سەمەي
