ناقتىلىق انىق بايقالدى
جۇما, 27 قاڭتار 2012 8:42
جاڭاوزەن وقيعاسىنا بايلانىستى ەلباسىنىڭ تاپسىرماسىنا وراي مەملەكەتتىك كوميسسيا جۇمىس ىستەپ جاتقانىن بىلەتىنبىز. الايدا, وسى اسا جاۋاپتى تەرگەۋ ءىسىنىڭ ءجۇرۋ بارىسىنان بەيحابار ەدىك. باس پروكۋروردىڭ مالىمدەمەسىنەن كەيىن بۇعان دەيىن بەلگىسىز, كۇماندى بولىپ كەلگەن كوپ ءجايتتەردىڭ ارا-جىگى اشىلعانىنا كوز جەتكىزدىك. ەڭ باستىسى ءمالىمدەمەدەگى جاريالىلىق, تەرگەۋ بارىسىنىڭ رەسپۋبليكادا قابىلدانعان زاڭدىلىقتارعا سايكەس ءجۇرىپ جاتقانىن اڭعاردىق.
جۇما, 27 قاڭتار 2012 8:42
جاڭاوزەن وقيعاسىنا بايلانىستى ەلباسىنىڭ تاپسىرماسىنا وراي مەملەكەتتىك كوميسسيا جۇمىس ىستەپ جاتقانىن بىلەتىنبىز. الايدا, وسى اسا جاۋاپتى تەرگەۋ ءىسىنىڭ ءجۇرۋ بارىسىنان بەيحابار ەدىك. باس پروكۋروردىڭ مالىمدەمەسىنەن كەيىن بۇعان دەيىن بەلگىسىز, كۇماندى بولىپ كەلگەن كوپ ءجايتتەردىڭ ارا-جىگى اشىلعانىنا كوز جەتكىزدىك. ەڭ باستىسى ءمالىمدەمەدەگى جاريالىلىق, تەرگەۋ بارىسىنىڭ رەسپۋبليكادا قابىلدانعان زاڭدىلىقتارعا سايكەس ءجۇرىپ جاتقانىن اڭعاردىق.
اسا ۇلكەن اۋقىمداعى ءتارتىپسىزدىكتەر كەزىندە كىمنىڭ كىنالى, كىمنىڭ كىناسىز ەكەنىن ايقىنداۋ وڭاي ءىس ەمەس. بۇل رەتتە ءبىزدى جاڭاوزەندەگى نەگىزگى مەملەكەتتىك كوميسسياعا بالاما رەتىندە قوعامدىق كوميسسيالاردىڭ دا قۇرىلعانى قۋانتتى. ءىس بارىسىندا وڭ ۇسىنىستار ەسكەرىلىپ, كىناسىنىڭ دەڭگەيىنە قاراي ون ءبىر ادامعا قاتىستى قاماۋ شاراسى نەعۇرلىم جەڭىل شارالارمەن اۋىستىرىلعانى قازاقستاندىق قوعامنىڭ ىزگىلىگى مەن ادىلەتتىلىگىن ايقىنداي تۇسەدى.
ەل ىشىندە پوليتسيا قىزمەتكەرلەرى ەرەۋىلشىلەرگە زاڭسىز قارۋ قولدانعانى جونىندە ارقيلى پىكىرلەر ورىن الىپ كەلگەنى دە راس. بۇل ماسەلەنىڭ دە اق-قاراسىن انىقتاۋ قاتاڭ سىن بەزبەنىنە سالىنعانى مالىمدەمەدە دەرەكتەرمەن ايتىلعان.
قانداي دا ءبىر تەرىس وقيعا بولماسىن, ونىڭ قاي-قايسىسىنىڭ دا سەبەبى مەن سالدارى بولماي قالمايدى. ولاردىڭ جاي-جاپسارىنا تەرەڭ زەرتتەۋلەر جاسالعان كەزدە عانا تەرگەۋ ءىسى نەعۇرلىم ءادىل ارناعا بەت بۇرىپ, ءتاۋىر ناتيجە كورسەتە الادى. جاڭاوزەندەگى ءتارتىپسىزدىكتەر تىزبەگىن بەتىنەن قالقىماي, وقيعانىڭ ارعى استارىنا كوڭىل اۋدارىلىپ وتىرعانى ءبارىمىزدىڭ كوڭىلىمىزدەن شىعىپ وتىر.
و باستا ەلباسىمىز جاڭاوزەندەگى جاپپاي تارتىپسىزدىكتەردى انىقتاۋعا قاتىستى قۇرىلعان مەملەكەتتىك كوميسسيا مۇشەلەرىنە بەرگەن تاپسىرماسى دا وسىنداي ەكەنىن ءباسپاسوز ماتەريالدارى ارقىلى بىلگەن ەدىك. تەرگەۋ ءىسى مەملەكەت باسشىسى بەرگەن وسى تاپسىرماعا سايكەس ءجۇرىپ جاتقانىن باس پروكۋروردىڭ مالىمدەمەسىمەن تانىسۋ ارقىلى كوز جەتكىزدىك. قىسقاسى, زاڭ الدىندا جۇرتتىڭ ءبارى بىردەي, بۇل رەتتە ەشكىمگە ارتىقشىلىق تا بەرىلمەيتىنىن, جەڭىلدىك تە كورسەتىلمەيتىنىن تاعى ءبىر ءتۇيسىنىپ وتىرمىز. ەلباسىنىڭ باستى تالابى دا وسى ەدى عوي. مۇنىڭ ءوزى تۇبەگەيلى تەرگەۋ ءىسى بۇدان كەيىن دە اقيقاتتىڭ اق جولىنان اينىمايتىنىنا ۇلكەن سەنىم تۋعىزادى.
روزا يساتاەۆا, ج.مولداعاليەۆ اتىنداعى باتىس قازاقستان وبلىستىق عىلىمي-امبەباپ كىتاپحاناسىنىڭ ديرەكتورى.
ورال.
