ونىڭ ايتۋىنشا, رەسپۋبليكا اۋماعىندا 2018 جىلى 347, 2017 جىلى
360 جانۋارلاردىڭ اسا قاۋىپتى اۋرۋلارىنىڭ وشاقتارى تىركەلگەن. ونىڭ ىشىندە
برۋتسەللەز بويىنشا 180, 2017 جىلى 217 سالاماتتى ەمەس پۋنكت انىقتالعان. 180
سالاماتتى ەمەس پۋنكتتىڭ ىشىندە 125-ءى ساۋىقتىرىلىپ جانە جەرگىلىكتى اتقارۋشى
ورگانداردىڭ شەشىمىمەن جابىلعان. 55 پۋنكتتە ۆەتەريناريالىق-ساۋىقتىرۋ ءىس-شارالارى
جۇرگىزىلۋدە. اعىمداعى جىلدىڭ باسىنان جانۋارلار اۋرۋلارىنىڭ 20 وشاعى تىركەلگەن.
ودان
بولەك مينيستر ۆەتەريناريالىق قاۋىپسىزدىكتى قامتاماسىز ەتۋ ماسەلەلەرىنە
توقتالدى.
«وتكەن جىلى حالىقارالىق ەپيزووتيالىق بيۋرو تاۋەلسىز شەتەلدىك
ساراپشىلار ميسسياسىنىڭ (پۆس تالداۋ) قورىتىندىسى بويىنشا 2011-2017 جىلدارداعى
ەلىمىزدىڭ ۆەتەريناريالىق قىزمەتىن جاڭعىرتۋ ناتيجەلەرىن جوعارى باعالادى.
ماسەلەن, باعالانعان 47 پوزيتسيانىڭ 14-ءى بويىنشا قازاقستان ءوز پوزيتسياسىن
جاقسارتتى, 30-ى بويىنشا جوعارى باعاسىن ساقتاپ قالدى, 3-ءۋى بويىنشا جاقسارتۋ
جونىندە ۇسىنىستار بەرىلدى» دەدى س.وماروۆ.
