جۇمىس بەرۋشىلەرگە ساباق بولدى
جۇما, 27 قاڭتار 2012 7:12
جاڭاوزەندەگى قايعىلى وقيعانىڭ سىرى ەندى اشىلعالى وتىر. باس پروكۋروردىڭ ءمالىمدەمەسىندە ايتىلعانداي, ءوڭىردەگى ءبۇلىك مۇنايشىلاردىڭ ۇزاق ەرەۋىلدەرىنىڭ جانە الەۋمەتتىك تەڭسىزدىكتىڭ سالدارىنان بولعانى جاسىرىن ەمەس. مىنە, وسىنداي سەبەپتەردى ۇتىمدى پايدالانا بىلگەندەر جاپپاي ءتارتىپسىزدىك ۇيىمداستىرۋعا ارەكەت ەتكەن. ارينە, ونىڭ سوڭى قايعىلى وقيعاعا ۇلاسقانى بارشانىڭ قابىرعاسىن قايىستىردى. جاڭاوزەندەگى تۇرعىندار ابدىراعان ساتتە ەلباسى نۇرسۇلتان نازارباەۆ وقيعا ورنىنا بارىپ, جۇرتشىلىقتىڭ كوڭىلىنە سەنىمدى ۇيالاتا ءبىلدى. ۇكىمەتكە قازا تاپقاندار مەن زارداپ شەككەندەر وتباسىلارىنا قولداۋ كورسەتۋ مەن ب ۇلىنگەن عيماراتتاردى قالپىنا كەلتىرۋدى, ال قۇقىق قورعاۋ ورگاندارىنا وقيعانىڭ سەبەپ-سالدارىن انىقتاۋدى تاپسىردى.
جۇما, 27 قاڭتار 2012 7:12
جاڭاوزەندەگى قايعىلى وقيعانىڭ سىرى ەندى اشىلعالى وتىر. باس پروكۋروردىڭ ءمالىمدەمەسىندە ايتىلعانداي, ءوڭىردەگى ءبۇلىك مۇنايشىلاردىڭ ۇزاق ەرەۋىلدەرىنىڭ جانە الەۋمەتتىك تەڭسىزدىكتىڭ سالدارىنان بولعانى جاسىرىن ەمەس. مىنە, وسىنداي سەبەپتەردى ۇتىمدى پايدالانا بىلگەندەر جاپپاي ءتارتىپسىزدىك ۇيىمداستىرۋعا ارەكەت ەتكەن. ارينە, ونىڭ سوڭى قايعىلى وقيعاعا ۇلاسقانى بارشانىڭ قابىرعاسىن قايىستىردى. جاڭاوزەندەگى تۇرعىندار ابدىراعان ساتتە ەلباسى نۇرسۇلتان نازارباەۆ وقيعا ورنىنا بارىپ, جۇرتشىلىقتىڭ كوڭىلىنە سەنىمدى ۇيالاتا ءبىلدى. ۇكىمەتكە قازا تاپقاندار مەن زارداپ شەككەندەر وتباسىلارىنا قولداۋ كورسەتۋ مەن ب ۇلىنگەن عيماراتتاردى قالپىنا كەلتىرۋدى, ال قۇقىق قورعاۋ ورگاندارىنا وقيعانىڭ سەبەپ-سالدارىن انىقتاۋدى تاپسىردى. مەملەكەت باسشىسىنىڭ قۇقىق قورعاۋ ورگاندارىنا بەرگەن تاپسىرماسىنان كەيىن مۇنايشىلار ەرەۋىلىنىڭ ءتۇپ توركىنى اشىلا باستاعانداي. باس پروكۋروردىڭ مالىمدەمەسىندە ايتىلعانداي, جاڭاوزەندەگى جەرگىلىكتى بيلىك پەن مۇناي كومپانيالارىنىڭ باسشىلارى جەمقورلىق ارەكەتكە بارعان. ياعني, بىرنەشە ميلليون تەڭگەنى ۇرلاپ, ءوز پايدالارىنا جاراتپاق بولعان عوي. ءىرى كولەمدەگى مول قارجىنى ۇرلاۋداعى زاڭسىزدىقتىڭ ورىن العانى مۇنايشىلاردى ابدەن ىزالاندىرعان. مىنە, جاڭاوزەن وقيعاسىنىڭ نەدەن باستالعانى وسىدان-اق بايقالادى.
ارينە, ەلباسى دەر كەزىندە وقيعانىڭ نەدەن باستاۋ العانىن انىقتاۋعا تاپسىرما بەرمەسە, بۇل زاڭسىزدىقتار انىقتالماۋى دا مۇمكىن ەدى. ەندى كىنالىلەر قاتاڭ جازاعا تارتىلۋى قاجەت. ويتكەنى, اپتاپ ىستىققا, قاقاعان ايازعا توزە ءجۇرىپ مول مۇناي وندىرۋگە بەل شەشە كىرىسكەن مۇنايشىلاردىڭ, ولاردىڭ وتباسىلارىنىڭ الەۋمەتتىك تۇرمىسى ءۇشىن بولىنگەن مول قارجى اشكوزدىكپەن ۇرلاعانداردىڭ ارەكەتىنەن جاڭاوزەن تۇرعىندارى زارداپ شەكتى. الەۋمەتتىك تەڭسىزدىكتىڭ اسقىنۋى ەشقاشان جاقسىلىققا اپارمايتىنى وزگە ءوڭىرلەردەگى اتقارۋشى بيلىككە, جۇمىس بەرۋشىلەرگە ءاردايىم ساباق بولۋى ءتيىس.
ءابىلحان تولەۋىشەۆ, «قازاق ءتىلى» قوعامىنىڭ اتىراۋ وبلىستىق فيليالىنىڭ توراعاسى, قازاقستان رەسپۋبليكاسىنىڭ مادەنيەت قايراتكەرى.
اتىراۋ وبلىسى.
