مالىمدەمە ءوز ۋاقىتىندا جاسالدى
جۇما, 27 قاڭتار 2012 7:11
باس پروكۋرور اسحات داۋىلباەۆتىڭ جاڭاوزەن وقيعاسىنا بايلانىستى قوزعالعان قىلمىستىق ىستەردىڭ قورىتىندىسىن جاريا ەتكەنىن تىڭدادىق. سەبەپسىز سالدار بولمايدى. مۇنايشىلار ەرەۋىلىن جەڭىل باعالاعان, ولارمەن كەلىسوزدەردى ۇزاققا سوزىپ جىبەرگەن ازاماتتارىمىزدىڭ سالعىرتتىعىنان, سول كەزدەگى تىندىرىلۋعا ءتيىستى شارۋانى كەيىنگە ىسىرعانىنان, حالىقتىڭ پىكىرىمەن ساناسپاعاندىعىنان جاڭاوزەندە وزەگى الىنباعان سىزداۋىق پايدا بولدى. اۋىر جاعدايلار ورىن الدى. بارشا قازاقستاندىقتار الاڭدادى. سوندىقتان, جەمقورلىققا جول بەرگەن, وسىنداي اۋىر جاعدايعا ۇرىندىرعان سالا باسشىلارىنىڭ قىلمىستىق جاۋاپكەرشىلىككە تارتىلۋى زاڭدى. شەتپەدەگى بۇزاقى توپتىڭ تەمىر جول رەلستەرىن بۇزىپ الىپ, جولاۋشىلار جانە جۇك پوەزدارىن توقتاتىپ تاستاپ, قىلمىستىق ارەكەتتەر جاساۋى دا اقتايتىن جايت ەمەس.
جۇما, 27 قاڭتار 2012 7:11
باس پروكۋرور اسحات داۋىلباەۆتىڭ جاڭاوزەن وقيعاسىنا بايلانىستى قوزعالعان قىلمىستىق ىستەردىڭ قورىتىندىسىن جاريا ەتكەنىن تىڭدادىق. سەبەپسىز سالدار بولمايدى. مۇنايشىلار ەرەۋىلىن جەڭىل باعالاعان, ولارمەن كەلىسوزدەردى ۇزاققا سوزىپ جىبەرگەن ازاماتتارىمىزدىڭ سالعىرتتىعىنان, سول كەزدەگى تىندىرىلۋعا ءتيىستى شارۋانى كەيىنگە ىسىرعانىنان, حالىقتىڭ پىكىرىمەن ساناسپاعاندىعىنان جاڭاوزەندە وزەگى الىنباعان سىزداۋىق پايدا بولدى. اۋىر جاعدايلار ورىن الدى. بارشا قازاقستاندىقتار الاڭدادى. سوندىقتان, جەمقورلىققا جول بەرگەن, وسىنداي اۋىر جاعدايعا ۇرىندىرعان سالا باسشىلارىنىڭ قىلمىستىق جاۋاپكەرشىلىككە تارتىلۋى زاڭدى. شەتپەدەگى بۇزاقى توپتىڭ تەمىر جول رەلستەرىن بۇزىپ الىپ, جولاۋشىلار جانە جۇك پوەزدارىن توقتاتىپ تاستاپ, قىلمىستىق ارەكەتتەر جاساۋى دا اقتايتىن جايت ەمەس.
ءبارىن تارتىپتىك جولمەن زاڭ اياسىندا رەتتەۋگە بولادى. ەلباسىمىز وسىلاردى اتاپ كورسەتىپ, قۇقىق قورعاۋ ورگاندارىنا قىلمىستى تولىق اشۋدى تاپسىرعان. مەملەكەت باسشىسىنىڭ تاپسىرماسى ورىندالدى. باس پروكۋروردىڭ مالىمدەمەسى كوپشىلىكتىڭ كوكەيىنەن شىقتى. قىلمىستىلاردىڭ ورنى – اباقتى.
بۇگىندە ەلباسىنىڭ ارالاسۋىمەن جاڭاوزەندەگى جاعداي تۇراقتالعاندىعىن بارشامىز كورىپ وتىرمىز. مۇنايشىلار ءتيىستى جالاقىلارىن الدى. جۇمىسقا تۇردى. ب ۇلىنگەن دۇنيە, قيراتىلعان م ۇلىك ورنىنا كەلىپ جاتىر.
“اشۋ دۇشپان, اقىل دوس”, دەيدى حالقىمىز. “سابىر ءتۇبى – سارى التىن”, دەيتىن قاناتتى ءسوز جانە بار. جاڭاوزەندەگى جارانىڭ ورنى دا جازىلار. بىراق, ەلىمىزدىڭ تىنىشتىعىن بۇزعىسى كەلەتىندەردىڭ ىقپالىنا ەرىپ كەتۋگە بولمايدى. مەملەكەت باسشىسىنىڭ سىندارلى ساياساتىنىڭ ارقاسىندا قازاقستان الەم ساناساتىن مىقتى مەملەكەتتەردىڭ بىرىنە اينالىپ كەلەدى. سوندىقتان, ەلدىڭ بەرەكە-بىرلىگىن, تىنىشتىعىن ويلاۋىمىز كەرەك. وسى ماقساتتا ءبىر ءۇيدىڭ بالاسىنداي, ءبىر قولدىڭ سالاسىنداي بولماق ابزال.
دارحان سابىرحانوۆ, م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ ءبىرىنشى پرورەكتورى, تەحنيكا عىلىمدارىنىڭ دوكتورى, پروفەسسور.
شىمكەنت.
