«قوعامدىق پىكىرگە قوزعاۋ سالعان وتانداستار ماسەلەسىن قولدان ساياساتتاندىرۋعا بولمايدى. شەتەلدەگى قانداستارىمىزدى («ورالمان» دەگەن سوزگە مەن قارسىمىن) اتامەكەنگە قايتارۋ ءىسى ەشقاشان نازاردان تىس قالعان ەمەس, قالمايدى دا. الەمنىڭ تۇكپىر-تۇكپىرىندەگى قانداستارىمىزدىڭ باسىن تۋعان جەردە بىرىكتىرۋ – ءبىزدىڭ پارىزىمىز» دەدى ق.توقاەۆ.
سونداي-اق پرەزيدەنت باسپانا ماسەلەسىنە توقتالىپ, الەۋمەتتىك جاعدايى تومەن ازاماتتار ءۇشىن 40 مىڭنان استام جالدامالى پاتەر ءبولۋ قاراستىرىلعانىن جەتكىزدى.
«ءبىز, الدىمەن ءار قازاقستاندىقتىڭ تۇرمىس ساپاسىن جاقسارتۋدى ويلايمىز. سوندىقتان, حالىقتىڭ ءومىر ءسۇرۋ ساپاسىنا تىكەلەي اسەر ەتەتىن ينفراقۇرىلىمدىق سيپاتتاعى ماسەلەلەرگە نازار اۋدارۋ قاجەت. بۇل – تۇرعىن ءۇي-كوممۋنالدىق شارۋاشىلىعى سالاسىنداعى, ياعني جىلۋمەن جانە سۋمەن قامتاماسىز ەتۋ, كارىز جۇيەسى, سونداي-اق جولدار, گازداندىرۋ ماسەلەلەرى, ەكولوگيا جانە قاۋىپسىزدىك تۇيتكىلدەرى. «قۇتتى مەكەن» جانە «اۋىل – ەل بەسىگى» جوبالارى وسى مىندەتتەردى ورىنداۋعا باعىتتالعان. بۇل جوبالاردى جۇزەگە اسىرۋ ءۇشىن الداعى ءۇش جىلعا تريلليوننان استام تەڭگە قاراستىرىلىپ وتىر» دەدى مەملەكەت باسشىسى.
