الەمدىك تاجىريبەنى ۇيلەستىرە وتىرىپ, ءىس-تاجىريبەمەن بولىسۋگە ارنالعان جيىندى قورىق-مۋزەيدىڭ ەكسكۋرسوۆودى سالتانات ەراليەۆا جۇرگىزدى.
ايتا كەتسەك, 21-22 اقپان كۇندەرى وزبەكستان رەسپۋبليكاسى, تاشكەنت قالاسىندا ءىىى حالىقارالىق گيدتەر فورۋمى وتكەن بولاتىن. جيىندا يتاليا, يسپانيا, امەريكا, فرانتسيا, ينديا سياقتى تۋريزم سالاسى جوعارعى دەڭگەيدە دامىعان مەملەكەتتەردىڭ ماماندارى باس قوسىپ, تاجىريبە الماسقانى بەلگىلى.
مۇنداي ءىس-شارالار, تۋريستىك الەۋەتى جوعارى, مۇمكىندىگى مول ەلىمىز ءۇشىن اسا ماڭىزدى. بىزدە دە شەتەلدەگىدەي گيدتەر بىرلەستىگىن قۇرساق ءتيىمدى بولاتىن سياقتى. ماسەلەن, يسپانيا مەملەكەتيندە CEFAPIT دەپ اتالاتىن گيدتەر بىرلەستىگى جۇمىس جاسايدى. يسپانيا مەملەكەتى 17 وبلىستان تۋرادى. بۇل بىرلەستىك بارلىق وبلىستا قىزمەت كورسەتەدى, ياعني تۋريستەرگە قولايلى جاعداي جاسالعان. وسى سياقتى بىرلەستىكتەر بىزدە دە اشىلاتىن بولسا, قازاقستاندا تۋريزم سالاسىن جاقسارتۋعا ۇلكەن ۇلەس بولارى انىق»,دەدى سالتانات ەراليەۆا.
جيىن بارىسىندا فورۋمنان تاجىريبەسىن شىڭداپ كەلگەن مامان العان ءدارىسىن مۋزەيدىڭ باسقا قىزمەتكەرلەرى جانە گيدتەرمەن ءبولىسىپ, كوپتەگەن قىزىقتى دا پايدالى ماعلۇماتتاردى جەتكىزدى.
