شۆەيتساريا كونفەدەراتسياسىنىڭ پرەزيدەنتى ۋلي ماۋرەر ءوزىنىڭ قۇتتىقتاۋ جەدەلحاتىندا شۆەيتساريانىڭ قازاقستانمەن ىنتىماقتاستىقتى, سونداي-اق حالىقارالىق ۆاليۋتا قورى مەن دۇنيەجۇزىلىك بانك اياسىنداعى ءوزارا ءتيىمدى ىقپالداستىقتى ودان ءارى نىعايتۋعا نيەتتى ەكەنىن اتاپ وتكەن.
ومان سۇلتانى كابۋس بەن سايد قاسىم-جومارت توقاەۆقا ءوزىنىڭ جىلى لەبىزىن ءبىلدىرىپ, وماننىڭ قازاقستانمەن جان-جاقتى سەرىكتەستىكتى ودان ءارى نىعايتۋعا جانە دوستىق بايلانىستاردى دامىتۋعا مۇددەلى ەكەنىن جەتكىزگەن.
ومان سۇلتاندىعى مينيسترلەر كەڭسەسى پرەمەر-ءمينيسترىنىڭ ورىنباسارى ومان فاحد ءال-سايد تا ءوز قۇتتىقتاۋ حاتىن جولدادى. ول قازاقستان حالقىنىڭ تابىسقا كەنەلىپ, ءوسىپ-وركەندەي بەرۋىنە تىلەكتەستىگىن جەتكىزگەن, سونداي-اق ەكى ەل اراسىنداعى قارىم-قاتىناستاردى ودان ءارى نىعايتۋعا سەنىم بىلدىرگەن.
ازەربايجان رەسپۋبليكاسىنىڭ پرەزيدەنتى يلحام اليەۆ قاسىم-جومارت توقاەۆتى پرەزيدەنت لاۋازىمىنا كىرىسۋىمەن قۇتتىقتاپ, ەكى ەلدى دوستىق پەن ىنتىماقتاستىقتىڭ كوپعاسىرلىق بايلانىستارى جالعاپ جاتقانىن اتاپ وتكەن. ازەربايجان كوشباسشىسى مەملەكەتارالىق قاتىناستاردى ودان ءارى دامىتۋعا جانە كەڭەيتۋگە سەنىم ءبىلدىردى.
پولشا رەسپۋبليكاسىنىڭ پرەزيدەنتى اندجەي دۋدا ءوز قۇتتىقتاۋ حاتىندا ەلدەرىمىز اراسىنداعى جاقىندىق پەن جەمىستى ىنتىماقتاستىقتى اتاپ وتكەن, سونداي-اق ەكىجاقتى بايلانىستاردى تولىققاندى دامىتۋعا سەنىم بىلدىرە وتىرىپ, قازاقستان حالقىنا باق-بەرەكە تىلەگەن.
رەسەي فەدەراتسياسى ۇكىمەتىنىڭ توراعاسى دميتري مەدۆەدەۆ قاسىم-جومارت توقاەۆتىڭ مەملەكەت باسشىسى لاۋازىمى قىزمەتىندەگى اۋقىمدى مىندەتتەردى تابىستى شەشەتىن مول تاجىريبەسى بار ەكەنىن اتاپ وتكەن.
«قازاقستان مەن رەسەيدىڭ دوستىق, سەرىكتەستىك جانە وداقتاستىق قارىم-قاتىناستارىن ودان ءارى تەرەڭدەتۋ, سونداي-اق ساۋدا-ەكونوميكالىق, عىلىمي-تەحنيكالىق, گۋمانيتارلىق جانە باسقا دا سالالارداعى ىنتىماقتاستىقتى نىعايتۋ ماقساتىمەن ۇكىمەتتەر اراسىنداعى بىرلەسكەن جۇمىستى جانداندىرۋعا دايىن ەكەندىگىمىزدى جەتكىزگىم كەلەدى», دەلىنگەن جەدەلحاتتا.
بۇۇ-نىڭ تۇراقتى ۇيلەستىرۋشىسى نوريماسا شيمومۋرا ءوز جەدەلحاتىندا قازاقستان حالقىنا تابىس پەن باق-بەرەكە تىلەپ, بۇۇ ورنىقتى دامۋ ماقساتتارىن ىلگەرىلەتىپ كەلە جاتقان قازاقستاندى وركەندەتۋ ىسىنە جان-جاقتى قولداۋ كورسەتەتىنىن اتاپ وتكەن.
يۋنكتاد-نىڭ باس حاتشىسى مۋحيسا كيتۋي ءوزىنىڭ قۇتتىقتاۋ حاتىندا قاسىم-جومارت توقاەۆتىڭ پرەزيدەنت لاۋازىمىنداعى قىزمەتىنە تابىس تىلەپ, ءوزارا ءتيىمدى ىنتىماقتاستىقتى جالعاستىرۋعا دايىن ەكەنىن جەتكىزگەن.
ەۋروپاداعى قاۋىپسىزدىك جانە ىنتىماقتاستىق ۇيىمى پارلامەنتتىك اسسامبلەياسىنىڭ پرەزيدەنتى گەورگي تسەرەتەلي جانە وسى ۇيىمنىڭ پارلامەنتتىك اسسامبلەياسىنىڭ باس حاتشىسى روبەرتو مونتەللا دا ءوز قۇتتىقتاۋلارىن جولداپ, قازاقستانمەن اراداعى قارىم-قاتىناستاردى ودان ءارى نىعايتىپ, دامىتۋعا نيەتتى ەكەندىكتەرىن جەتكىزگەن.
