سوتتالۋشى كەلتىرگەن ايعاقتار ءمالىم ەتىلدى
بەيسەنبى, 6 جەلتوقسان 2012 7:21
تالدىقورعان قالالىق سوتىندا اسكەري قىزمەتشى ۆ.چەلاحتىڭ ءىسى بويىنشا اشىق سوت پروتسەسى جالعاسۋدا. 5 جەلتوقساندا ماجىلىسكە سوتتالۋشىنىڭ بىردەن قر قپك-نىڭ 71-بابىنا سايكەس سوت تاعايىنداعان 3 ادۆوكاتى: س.سارسەنوۆ, س.ەستياروۆ جانە ج.سارجانوۆا كەلدى.
سوت ماجىلىسىنە پروتسەسكە قاتىسۋدان ءۇشىنشى رەت باس تارتقان ۆ.چەلاحتى اكەلۋ قامتاماسىز ەتىلدى. ءتوراعالىق ەتۋشى سۋديا ە.احمەتجانوۆ وعان سوتتىڭ سوتتالۋشىدان جاۋاپ الۋعا كوشەتىنىن ەسكەرتىپ, ادۆوكاتپەن ءسويلەسۋىنە جانە ايعاقتار بەرۋىنە دايىندالۋى ءۇشىن ۋاقىت بەردى.
بەيسەنبى, 6 جەلتوقسان 2012 7:21
تالدىقورعان قالالىق سوتىندا اسكەري قىزمەتشى ۆ.چەلاحتىڭ ءىسى بويىنشا اشىق سوت پروتسەسى جالعاسۋدا. 5 جەلتوقساندا ماجىلىسكە سوتتالۋشىنىڭ بىردەن قر قپك-نىڭ 71-بابىنا سايكەس سوت تاعايىنداعان 3 ادۆوكاتى: س.سارسەنوۆ, س.ەستياروۆ جانە ج.سارجانوۆا كەلدى.
سوت ماجىلىسىنە پروتسەسكە قاتىسۋدان ءۇشىنشى رەت باس تارتقان ۆ.چەلاحتى اكەلۋ قامتاماسىز ەتىلدى. ءتوراعالىق ەتۋشى سۋديا ە.احمەتجانوۆ وعان سوتتىڭ سوتتالۋشىدان جاۋاپ الۋعا كوشەتىنىن ەسكەرتىپ, ادۆوكاتپەن ءسويلەسۋىنە جانە ايعاقتار بەرۋىنە دايىندالۋى ءۇشىن ۋاقىت بەردى.
وسىدان سوڭ سوتتا زارداپ شەگۋشىلەر ي.سيسەنوۆ, ا.سارينوۆ جانە ا.ءامىرعاليەۆتەردىڭ تاعى دا ءۇش وكىلى ءسوز سويلەپ, مورالدىق شىعىندى قالپىنا كەلتىرۋ ءۇشىن جالپى سوماسى 65 ميلليون تەڭگە تالاپ-ارىزدار بەردى. بۇل وتىنىشتەر, تاراپتاردىڭ كەلىسىمىمەن, ودان ءارى شەشىم تابۋى ءۇشىن ءىس ماتەريالدارىنا تىگىلدى.
كۇننىڭ ەكىنشى جارتىسىندا سوتتالۋشى چەلاح تاعى دا سوت زالىنا جەتكىزىلدى. بۇل جولى ول ايعاقتار بەرەتىنىن, بىراق پروتسەسكە قاتىسۋشىلاردىڭ سۇراقتارىنا جاۋاپ قايتارۋدان ءۇزىلدى-كەسىلدى باس تارتاتىنىن حابارلادى. ءوز سوزىندە سوتتالۋشى اسكەري م ۇلىكتى جويعانىن, وتتى قارۋدى زاڭسىز يەمدەنگەنىن جانە الىپ ءجۇرگەنىن مويىندادى.
سوتتالۋشىنىڭ سۇراقتارعا جاۋاپ بەرۋدەن باس تارتۋى قازا تاپقان سولداتتاردىڭ تۋىستارىنىڭ اشۋ-ىزاسىن تۋدىردى. بۇل جولى چەلاح تاعى دا ءوزىن سوت زالىنان شىعارۋدى تالاپ ەتىپ, سوتتالۋشىعا ارنالعان ورىن-جايدان شىعىپ كەتپەك بولدى. جاساق ۆ.چەلاحتى كامەراعا الىپ كەتىپ, ودان ارعى تالقىلاۋ سوتتالۋشىسىز جالعاستى.
سۋديا ە.احمەتجانوۆ جينالعانداردى تىنىشتىققا شاقىرىپ, ودان سوڭ ءماجىلىستى جالعاستىردى جانە تەرگەۋ بارىسىندا بەرگەن چەلاحتىڭ ايعاقتارىن وقىپ بەردى.
قازاقستان رەسپۋبليكاسى
اسكەري سوتىنىڭ ءباسپاسوز قىزمەتى.
