ءجارىسسوز دۇيسەنبىدە جالعاسادى
سەنبى, 8 جەلتوقسان 2012 6:59
كەشە اسكەري قىزمەتشى ۆ.چەلاحتىڭ ءىسى بويىنشا سوت قاراۋى اياقتالىپ, تاراپتاردىڭ جارىسسوزدەرى باستالدى. قازاقستان رەسپۋبليكاسى اسكەري سوتى ءباسپاسوز قىزمەتىنىڭ حابارلاۋىنشا, العاشقى ءسوزدى مەملەكەتتىك ايىپتاۋشىلار الدى. مەملەكەتتىك ايىپتاۋشى پروكۋرورلار ك.شاياحمەت, د.سەكەنوۆ جانە ا.كيرياك ءوز سوزدەرىندە سوتتالۋشىعا تاعىلعان ايىپتاردىڭ نەگىزدى ەكەنىن اتاپ ءوتتى.
سەنبى, 8 جەلتوقسان 2012 6:59
كەشە اسكەري قىزمەتشى ۆ.چەلاحتىڭ ءىسى بويىنشا سوت قاراۋى اياقتالىپ, تاراپتاردىڭ جارىسسوزدەرى باستالدى. قازاقستان رەسپۋبليكاسى اسكەري سوتى ءباسپاسوز قىزمەتىنىڭ حابارلاۋىنشا, العاشقى ءسوزدى مەملەكەتتىك ايىپتاۋشىلار الدى. مەملەكەتتىك ايىپتاۋشى پروكۋرورلار ك.شاياحمەت, د.سەكەنوۆ جانە ا.كيرياك ءوز سوزدەرىندە سوتتالۋشىعا تاعىلعان ايىپتاردىڭ نەگىزدى ەكەنىن اتاپ ءوتتى.
مەملەكەتتىك ايىپتاۋشىلار ءىستە قىلمىستىق كودەكستىڭ 53-بابىندا قىلمىستىق جازا مەن جاۋاپكەرشىلىكتى جەڭىلدەتۋ قاراستىرىلماعان دەپ ەسەپتەيدى. سوندىقتان دا پروكۋرورلار سوتتان قىلمىستىق كودەكستىڭ باپتارى بويىنشا ۆ.چەلاحتى ايىپتى دەپ تاۋىپ, ونى ءومىر بويى باس بوستاندىعىنان ايىرۋ جازاسىنا كەسۋگە جانە جازانى قاتاڭ رەجىمدەگى كولونيادا وتەۋدى سۇرادى. سونىمەن بىرگە, پروكۋرورلار جابىرلەنۋشى تاراپتاردىڭ چەلاحقا قاتىستى بەرگەن تالاپ-ارىزدارىنىڭ بارلىعىن قاناعاتتاندىرۋ قاجەت دەگەن ۇيعارىمعا كەلدى.
سوت پروتسەسىنە قاتىسقان ءجابىرلەنۋشى تاراپتاردىڭ وكىلدەرى اسا اۋىر قىلمىسقا قاتىسى بار كىنالىنى انىقتاپ, اقيقاتتى اشىپ بەرگەنى ءۇشىن سوتقا جانە تەرگەۋشىلەرگە العىس ايتتى. بۇدان كەيىن سوت ايىپتالۋشىنى قورعاۋشى تاراپقا ءسوز سويلەۋگە مۇمكىندىك بەردى. بىراق سوتتالۋشىنىڭ ادۆوكاتى س.سارسەنوۆ ءوزىنىڭ جارىسسوزدە سويلەۋگە دايىن ەمەس ەكەندىگىن, سوندىقتان بۇعان ءبىراز ۋاقىت بەرۋىن مالىمدەدى. سونىمەن, سوت تىڭداۋى 10 جەلتوقساندا ساعات 9.00-دە جالعاساتىن بولدى.
«ەگەمەن-اقپارات».
