وتىرىك بولىپ شىقتى
بەيسەنبى, 27 جەلتوقسان 2012 7:13
وتكەن جۇما كۇنى كولىكتەگى ءىىد-ءنىڭ استانا قالاسى اۋەجايىنداعى جەلىلىك پوليتسيا ءبولىمىنىڭ كەزەكشى بولىمىنە پاترۋلدىك پوست قىزمەتكەرى اۋەجاي عيماراتىنا قولدان جاسالعان جارىلعىش قۇرالى بار كەۋدەشە كيگەن بەيتانىس ادام كەلە جاتقانىن حابارلادى. كەزەكشى جاساق اتالعان ازاماتتى توقتاتتى. ول ەۋروپانىڭ ءبىر ەلىنە ۇشۋدى تالاپ ەتىپ, ءوزىن جارامىن دەپ قورقىتتى. دابىل بويىنشا جەلىلىك پوليتسيا ءبولىمىنىڭ جەكە قۇرامى, كولىكتەگى ىشكى ىستەر دەپارتامەنتىنىڭ,
بەيسەنبى, 27 جەلتوقسان 2012 7:13
وتكەن جۇما كۇنى كولىكتەگى ءىىد-ءنىڭ استانا قالاسى اۋەجايىنداعى جەلىلىك پوليتسيا ءبولىمىنىڭ كەزەكشى بولىمىنە پاترۋلدىك پوست قىزمەتكەرى اۋەجاي عيماراتىنا قولدان جاسالعان جارىلعىش قۇرالى بار كەۋدەشە كيگەن بەيتانىس ادام كەلە جاتقانىن حابارلادى. كەزەكشى جاساق اتالعان ازاماتتى توقتاتتى. ول ەۋروپانىڭ ءبىر ەلىنە ۇشۋدى تالاپ ەتىپ, ءوزىن جارامىن دەپ قورقىتتى. دابىل بويىنشا جەلىلىك پوليتسيا ءبولىمىنىڭ جەكە قۇرامى, كولىكتەگى ىشكى ىستەر دەپارتامەنتىنىڭ, استانا قالاسىنىڭ, ۇقك, پروكۋراتۋرا جانە توتەنشە جاعدايلار دەپارتامەنتىنىڭ قىزمەتكەرلەرى وقيعا بولعان جەرگە جەتتى. اۋەجايداعى جەلىلىك ءبولىمىنىڭ باستىعى بەيتانىس ازاماتپەن سويلەسىپ, جولاۋشىلاردىڭ قاۋىپسىزدىگىن ساقتاۋ ماقساتىندا كۇدىكتىنى قاۋىپسىز تۇسقا, ياعني پريگورودنىي كەنتىنىڭ گاراج جاعىنا جەكە ءوزى پاترۋلدىك اۆتوماشيناعا وتىرعىزىپ الىپ شىعادى. سويلەسكەننەن كەيىن بەلگىسىز ادام كەۋدەشەسىن شەشىپ, جەلىلىك پوليتسيا ءبولىمىنىڭ عيماراتىنا قاراي ءجۇردى. استانا قالاسى ءىىد ارنايى ارەكەت ەتۋ ءبولىم ساپەرلەرىنىڭ تەكسەرۋى بارىسىندا قولدان جاسالعان جارىلعىش قوندىرعى جالعان ەكەندىگى انىقتالدى. وتىرىكشى ۋاقىتشا ۇستاۋ يزولياتورىنا قامالدى, دەپ حابارلادى كولىكتەگى ءىىد ءباسپاسوز قىزمەتى.
