جۋرناليست «ۇرلانا» جازدادى
بەيسەنبى, 25 قازان 2012 7:15
جومارتتىق دەپ وسىنى ايت!
امەريكالىق بيزنەسمەن دجون ا.پولسون نيۋ-يوركتىڭ ورتالىق ساياباعىناقايىرىمدىلىق رەتىندە 100 ميلليون دوللار بەردى. ساياباقتىڭ رەسميوكىلىنىڭ ايتۋىنشا, بۇل ساياباق تاريحىنداعى ەڭ قوماقتى سىيلىق بولىپتابىلادى.
بەيسەنبى, 25 قازان 2012 7:15
جومارتتىق دەپ وسىنى ايت!
امەريكالىق بيزنەسمەن دجون ا.پولسون نيۋ-يوركتىڭ ورتالىق ساياباعىناقايىرىمدىلىق رەتىندە 100 ميلليون دوللار بەردى. ساياباقتىڭ رەسميوكىلىنىڭ ايتۋىنشا, بۇل ساياباق تاريحىنداعى ەڭ قوماقتى سىيلىق بولىپتابىلادى.
دجون ا.پولسون – نيۋ-يوركتىڭ جەرگىلىكتى تۇرعىنى. ول ورتالىق ساياباقتى ءوزىنىڭ وتباسى مۇشەلەرى دەمالاتىن تاريحي ورىن دەپ ەسەپتەيدى. ونىڭ اجەسى مەن اتاسى 1920 جىلدارى وسى ساياباقتا تانىسىپ, بىرگە قىدىرعان ەكەن. كەيىن اجەسى دجون پولسوننىڭ اناسىمەن, ال ودان سوڭ ونىڭ اكە-شەشەسى دە پولسوندى وسى ساياباقتا قىدىرتىپتى. ساياباق نيۋ-يوركتەگى مانحەتتەن اۋماعىندا ورنالاسقان, اۋماعى 3,4 شارشى شاقىرىمنان اسادى.
تۇڭعىش پرەزيدەنتتىڭ ۇلى بوساتىلدى
گرۋزيا پرەزيدەنتى ميحايل سااكاشۆيلي ەلدىڭ تۇڭعىش پرەزيدەنتى زۆيادگامساحۋرديانىڭ ۇلىنا راقىمشىلىق جاسادى. تسوتە گامساحۋرديا بۇدانبىرنەشە جىل بۇرىن ادام ولتىرۋگە نيەتتەندى دەپ ايىپتالىپ, سوتتالعانبولاتىن.
جەرگىلىكتى اقپارات قۇرالدارىنىڭ جازۋىنشا, تسوتە گامساحۋردياعا بۇكىل گرۋزيا كاتوليكوس پاتريارحى يليا ەكىنشىنىڭ وتىنىشىمەن راقىمشىلىق جاسالعان سياقتى. ونىڭ ۇستىنە ول تۇرمەدە اۋرۋ جۇقتىرعان كورىنەدى. تۇڭعىش پرەزيدەنتتىڭ ۇلى تۇتقىندالعانعا دەيىن گرۋزيالىق وپپوزيتسيامەن تىعىز بايلانىستا بولعان. سونداي-اق ول رەسەيدىڭ ارنايى قىزمەت ورگاندارىمەن ءبىرلەسىپ, گرۋزيادا توڭكەرىس جاساۋعا دايىندالعان دەگەن ءمالىمەتتەر دە بار.
اتىستى توقتاتۋعا كەلىستى
سيريا بيلىگى مەن كوتەرىلىسشىلەر مۇسىلمان قاۋىمىنىڭ ۇلىق مەيرامى –قۇربان ايت كۇندەرى قارسىلىقتى توقتاتا تۇرۋعا كەلىستى. بۇل جونىندە سيرياجانجالىن رەتتەۋ جونىندەگى حالىقارالىق وكىل لاحدار براحيمي مالىمدەدى.
ونىڭ سوزىنە قاراعاندا, سيريا ۇكىمەتى قۇربان ايتتىڭ ءۇش كۇنىندە اتىستى توقتاتۋعا كەلىسكەن. سونداي-اق, كوتەرىلىسشىلەردىڭ باسىم كوپشىلىگى ونىڭ ۇسىنىسىن قابىلداعان. كەيبىر اقپاراتتار بويىنشا, سيريالىق وپپوزيتسيا كۇشتەرىنىڭ بىرقاتار باسشىلارى براحيميگە ءوز ورنىنان كەتۋدى جانە ءبىتىمگەرشىلىك ميسسيانىڭ ساتسىزدىككە ۇشىراعانى تۋرالى مالىمدەۋدى ۇسىنعان. ديپلومات بۇدان باس تارتىپتى.
500 ميلليون دوللار تولەيدى
كۋۆەيت بيلىگى 1990 جىلى يراكتىقتار باسىپ العان ۇشاقتارى ءۇشىن رەسمي باعداد تولەيتىن قارجى مولشەرىنە قاتىستى كەلىسىمدى بەكىتتى. ول – 500 ميلليون دوللار.
بۇل كەلىسىم 22 جىلدان بەرى يراك پەن كۋۆەيت اراسىندا باسىلماي كەلە جاتقان داۋعا نۇكتە قويادى. ايتا كەتەيىك, 1990-1991 جىلدارى ساددام حۋسەيننىڭ اسكەرلەرى كۋۆەيتكە شابۋىل جاساعان كەزدە, 10 ۇشاعى مەن وعان قاجەتتى قوسالقى بولشەكتەرىن باسىپ العان ەدى. كۋۆەيت بۇعان لوندون سوتى ارقىلى قول جەتكىزدى.
جۋرناليست «ۇرلانا» جازدادى
قىرعىزستاننىڭ «بەسىنشى ارنا» اقپاراتتار قىزمەتىنىڭ ءجۋرناليسىن قالىڭدىق رەتىندە «ۇرلاپ» كەتپەك بولدى. بۇل جونىندە اتالعان تەلەارنا اقپاراتتار قىزمەتىنىڭ شەف-رەداكتورى دميتري لوجنيكوۆ جەرگىلىكتى باسىلىمدارعا حابارلادى.
زورلىقپەن «ۇرلاپ» كەتپەك بولعان ءجۋرناليستىڭ اتى – اينۇر. وقيعا كەشە تۇندە بولعان سياقتى. كەيىن انىقتالعانىنداي, اينۇر يسمايلوۆانى ۇرلاعان «اتامەكەن» پارتياسىنىڭ دەپۋتاتى شىرىن ايتماتوۆانىڭ كومەكشىسى ەكەن. دەپۋتات كومەكشىسىنىڭ بۇل ارەكەتىن قولدامايدى.
قىسقا قايىرىپ ايتقاندا:
ۆلاديمير ءپۋتيننىڭ جارلىعىمەن رەسەيدىڭ ناتو جانىنداعى تۇراقتىوكىلدىگىنە ۆلاديمير گلۋشكو تاعايىندالدى.
كەشە كيەۆتىڭ «بوريسپول» اۋەجايىندا مەملەكەتتىك كۇزەت قىزمەتىنىڭبۇرىنعى وفيتسەرى نيكولاي مەلنيچەنكو ۇستالدى.
ءيزرايلدىڭ اۋە قورعانىس كۇشتەرى گازا سەكتورىن ەكى مارتەاتقىلادى. وپات بولعاندار بار.
حالىقارالىق كرەديتورلار گرەكيا بيۋدجەتىن تۇراقتاندىرۋ ءۇشىن تاعى31,5 ميلليارد ەۋرو بولۋگە كەلىستى.
ينتەرنەت ماتەريالدارى نەگىزىندە ازىرلەندى.
