الەم-جالەم الەم
سارسەنبى, 26 قىركۇيەك 2012 7:05
پارا الۋدىڭ جولى سان تاراۋ
رەسەيدىڭ ەكاتەرينبۋرگ قالاسىندا جول پوليتسياسىنىڭ قىزمەتكەرى جولەرەجەسىن بۇزعان جۇرگىزۋشىدەن بانكومات ارقىلى پارا الىپ جاتقانىنكورسەتەتىن بەينەروليك ينتەرنەتكە ىلىنگەن. سويتسە, جۇرگىزۋشىجازعاننىڭ قالتاسىندا قولما-قول اقشا بولماي شىققانعا ۇقسايدى.
سارسەنبى, 26 قىركۇيەك 2012 7:05
پارا الۋدىڭ جولى سان تاراۋ
رەسەيدىڭ ەكاتەرينبۋرگ قالاسىندا جول پوليتسياسىنىڭ قىزمەتكەرى جولەرەجەسىن بۇزعان جۇرگىزۋشىدەن بانكومات ارقىلى پارا الىپ جاتقانىنكورسەتەتىن بەينەروليك ينتەرنەتكە ىلىنگەن. سويتسە, جۇرگىزۋشىجازعاننىڭ قالتاسىندا قولما-قول اقشا بولماي شىققانعا ۇقسايدى.
جول ينسپەكتورى جول ەرەجەسىن بۇزعاننىڭ كولىگىن ايىپ تۇراعىنا قويامىن دەپ قوقان-لوقى جاساپ, الگىنىڭ بانك كارتىشكەسى ارقىلى ءوزىنىڭ ەسەپ-شوتىنا ءتيىستى سومانى اۋدارتىپ العان. بەينەروليكتە پوليتسيا قىزمەتكەرىنىڭ قانشا اقشا اۋدارتقانى كورسەتىلمەيدى جانە ارەكەتتىڭ قالانىڭ ءدال قاي جەرىندە ورىن العانى ناقتىلانبايدى.
كۇماندى جەتىستىكتەرگە دە سىيلىق بار
20 قىركۇيەكتە گارۆارد ۋنيۆەرسيتەتىندە عىلىمداعى اسا كۇماندىجەتىستىكتەر ءۇشىن بەرىلەتىن انتينوبەلدىك سىيلىق تاپسىرۋسالتاناتى بولىپ ءوتتى. سىيلىقتار 10 كاتەگوريا بويىنشا يەلەرىنتاپتى.
ۇستىمىزدەگى جىلعى انتينوبەلدىك سىيلىقتاردىڭ يەگەرلەرى قاتارىندا يگور پەتروۆتىڭ جەتەكشىلىگىندەگى ءبىر توپ رەسەيلىك ينجەنەرلەر دە بار. چەليابى وبلىسىنىڭ سنەجينسك قالاسىنداعى SKN كومپانياسىنىڭ ماماندارى سىيلىققا ەسكى جارىلعىشتى الماسقا اينالدىرۋعا مۇمكىندىك بەرەتىن تەحنولوگيانى ويلاپ تاپقانى ءۇشىن لايىقتى دەپ تانىلعان. ەيفەل مۇناراسىنا سول جاقتان ەڭكەيىپ قاراسا تومەن كورىنەدى دەپ تۇسىنىك بەرگەن گوللانديالىق پسيحولوگتار دا انتينوبەلدىك سىيلىق يەلەنگەن.
«پيراتتار اڭگىمەسى كۇنىنە» نارازىلىق
اقش-تا 1995 جىلدىڭ 19 قىركۇيەگىنەن بەرى جىل سايىن «پيراتتاراڭگىمەسى كۇنى» اتالىپ ءوتىپ كەلەدى. مەرەكە كەزىندە بارلىققاتىسۋشىلار پيراتتاردىڭ كيىمىن كيىپ, قالجىڭ تۇرىندە ولاردىڭاڭگىمەسىن قايتالاۋعا تىرىسادى. شارا كەزىندە ءتۇرلى كونكۋرستارۇيىمداستىرىلادى. مەرەكەنىڭ وتانى ورەگون بولىپ تابىلادى.
امەريكالىق بۇرىنعى شەنەۋنىك ايەل دجو-ەنن گولدەن بۇگىندە حالىقارالىق دەپ ايدار تاعىلعان بۇل كۇندى اتاپ وتۋگە نارازى. ول پيراتتاردىڭ قاتىگەز قىلمىسكەرلەر ەكەنىن, ءتىپتى كەي جاعدايدا ادام ولتىرۋدەن دە تايىنبايتىنىن ايتا كەلىپ, مۇنداي مەرەكەنى ورىنسىز دەپ ەسەپتەيدى. قازىر اقش-تا مۇنداي ۇستانىمداعى ادامدار سانى ارتىپ كەلە جاتقان سەكىلدى.
جۇرەگىندە ماحاببات وتىن مازداتىپ…
كانادالىق ءتىس دارىگەرى سەندي كروكەر وسىدان تۋرا ءبىر جىل بۇرىنبىرنەشە ءمينوت قانا ءتىل قاتىسا العان بويجەتكەندى قايتاكەزدەستىرمەك نيەتىندە. نيەتىن جۇزەگە اسىرۋ ءۇشىن ول 8 مىڭ شاقىرىمجول جۇرگەن. 34 جاستاعى مەديك يرلانديالىق بويجەتكەندى ۇمىتاالماعاندىعىن تاعدىردىڭ جازۋى شىعار دەپ ەسەپتەيدى جانە قىزدىتاۋىپ الماققا بەل شەشە بەكىنگەنىن ايتادى.
كروكەر سۇيكىمدى بەيتانىس قىزدى كلەر گرافتىعىنداعى ەننيستيمون قالاسىندا جولىقتىرعان ەكەن. بۇل ءجايت جەرگىلىكتى ءدامحانالاردىڭ بىرىندە تاڭەرتەڭگى اس ءىشىپ وتىرعان ساتتە بولعان. دارىگەر وزىنە ۇناعان قىزدى ول تاماعىن ءىشىپ بولعانشا كۇتە تۇرىپ, اڭگىمەگە تارتقان. بىراق كوپ سويلەسۋدىڭ رەتى كەلمەگەن. ەندى ول يرلانديالىق بويجەتكەندى ءبىر ءسات تە ويلاماي تۇرا المايتىنىن كولدەنەڭ تارتادى. وكىنىشكە قاراي, قىزدىڭ تابىلا قويۋى ەكىتالاي.
بەلارۋس ىشكىشى كىتابىنىڭ تۇساۋكەسەرى
جاقىندا مينسكىدە «بەلارۋس الكوگوليگىنىڭ كوك كىتابى» دەپ اتالاتىنكىتاپتىڭ تۇساۋكەسەرى بولىپ ءوتتى. اۆتور رەتىندە انتون كۋلونكورسەتىلگەن. بۇل بەلگىلى بەلارۋس ادەبيەتشىسى اناتولياستاپەنكونىڭ بۇركەنشىك اتى بولىپ تابىلادى.
كىتاپتىڭ نەگىزىنە اۆتور ءومىرىنىڭ وقيعالارى الىنعان. ال استاپەنكونىڭ ءوزى سەگىزىنشى جىل ىشىمدىكتەن تاتىپ المايدى ەكەن. تۋىندى شارتتى تۇردە ەكى بولىكتەن تۇرادى: ءبىرىنشىسى «ماستىقپەن وتكەن كۇندەر», ەكىنشىسى «تاۋەلدىلىكتەن ارىلۋ» دەپ اتالادى. ءوزىنىڭ اتى ايتىپ تۇرعانداي, ءبىرىنشى بولىكتە اۆتوردىڭ «كوڭىلدى جۇرىستەرى» سۋرەتتەلسە, ەكىنشىسىندە ىشىمدىكتەن قۇتىلۋ ءۇشىن باس كەيىپكەردىڭ نەشە ءتۇرلى ارەكەتتەرگە بارعانى جازىلادى.
«تىرىق» مىسىقتىڭ سالماعى – 19 كيلو
اقش-تىڭ تەحاس شتاتىنداعى ريچاردسون قالاسىنىڭ جانۋارلارعا ارنالعان ۇيىنە سالماعى شامامەن 19 كيلو تارتاتىن سارى مىسىق تۇسكەن. جاقىندا ول ديەتالىق تاماقتانۋعا كوشىرەتىن ەكىنشى ءبىر جانۋارلار ۇيىنە اۋىستىرىلاتىن كورىنەدى.
كوشەدەن تابىلعان مىسىققا بىردەن تىرىق دەگەن ات بەرىلگەن. ونىڭ قايدان كەلگەنى, قاي جەردە ءجۇرىپ سەمىرگەنى بەلگىسىز. جاقىن كۇندەرى يەلەرى ىزدەپ كەلمەسە, جوعارىدا ايتىلعانىنداي, مىسىقتى ديەتاعا وتىرعىزاتىن جاڭا ءۇي ىزدەستىرىلمەك. بۇگىندە مىسىقتى الىپ كەتكىسى كەلەتىندەر كوپتەپ سانالادى ەكەن. بىراق ولاردىڭ وعان ءسۇيىسپەنشىلىكتەن ەمەس, سالماعىنا بايلانىستى قىزىعۋشىلىق تانىتىپ وتىرعانى جانە ارىقتاماي تۇرىپ ەشكىمگە بەرىلمەيتىنى ايتىلادى.
ۇرلەمەلى ايەل ۇرەيلەرىن الدى
قارا تەڭىزدىڭ تۇركيالىق بولىگىندەگى سولتۇستىك جاعالاۋىنان سۇڭگۋىرلەر ۇرلەمەلى ايەل الىپ شىققانى كولدەنەڭ تارتىلىپ وتىر. وقيعا سامسۋن تۇنباسىندا ورىن العان. جەرگىلىكتى تۇرعىندار پوليتسياعا جاعالاۋعا جاقىن جەردە سۋعا باتىپ بارا جاتقان ادام كورگەندەرى تۋرالى حابارلاسا كەرەك.
ءتارتىپ ساقشىلارى جاعاجايدىڭ ايتارلىقتاي بولىگىن قورشاۋعا الىپ, ءبىر توپ قۇتقارۋشىنى سۋعا باتىپ بارا جاتقان ايەلدى قۇتقارۋعا اتتاندىرادى. جاعالاۋعا الىپ كەلگەندە, كوپشىلىك ونىڭ رەزەڭكە سەكس-ويىنشىعى ەكەنىنە كوز جەتكىزەدى. تەڭىزگە رەزەڭكە ايەلدىڭ قايدان كەلگەنى ازىرشە تۇسىنىكسىز. جالپى, قارا تەڭىزدىڭ تۇركيالىق بولىگى جەرگىلىكتى تۇرعىنداردىڭ نەگىزگى دەمالىس ورنى بولىپ تابىلادى, سونداي-اق كەمەلەر كوپ جۇرەتىن جول رەتىندە بەلگىلى.
ينتەرنەت ماتەريالدارى نەگىزىندە ازىرلەندى.
